മോതിരക്കണ്ണി പള്ളി
മോതിരക്കണ്ണി: സെന്‍റ് ജോർജ് ഇടവകദേവാലയത്തിൽ ഇടവകമധ്യസ്ഥനായ വിശുദ്ധ ഗീവർഗീസിന്‍റെ ഊട്ടുതിരുനാളിനു കുറ്റിക്കാട് ഫോറോന വികാരി ഫാ. ലിജു പോൾ പറമ്പത്ത് കൊടിയേറ്റം നടത്തി. വിശുദ്ധ കുർബാനയെതുടർന്ന് വൈദ്യുത ദീപാലങ്കാര സ്വിച്ച് ഓൺ കർമവും നിർവഹിച്ചു.
നാളെ രാവിലെ 6.30നു പ്രസുദേന്തിവാഴ്ച, ആദ്യകുർബാനസ്വീകരണവും മുന്നൂറോളം പ്രസുദേന്തിമാരാണ് തിരുനാൾ നടത്തുന്നത്.
തിരുനാൾദിനമായ ഞായറാഴ്ച രാവിലെ 6.30ന് വിശുദ്ധ കുർബാന, 10ന് തിരുനാൾ പാട്ടുകുർബാന - ഫാ. ചാക്കോ കാട്ടുപറമ്പിൽ മുഖ്യകാർമികത്വം വഹിക്കും. മംഗലപ്പുഴ സെമിനാരി പ്രഫസർ റവ.ഡോ. സിജു കൊമ്പൻ സന്ദേശം നൽകും.
നാലിനു വിശുദ്ധ കുർബാന, തുടർന്നു പ്രദക്ഷിണം. തിരുനാൾ പ്രദക്ഷിണത്തിനുശേഷം ഇടവകമധ്യസ്ഥനായ വിശുദ്ധ ഗീവർഗീസിന്‍റെ തിരുനാൾ ഊട്ടുനേർച്ചവിതരണവും നടത്തുമെന്ന് വികാരി ഫാ. ടോം വടക്കൻ, ട്രസ്റ്റിമാരായ പോളി കാവുങ്ങ, ആന്‍റണി കരിപ്പായി, കേന്ദ്രസമിതി പ്രസിഡന്‍റ് ഷാജു കൈതാരൻ, തിരുനാൾ ജനറൽ കൺവീനർ ജിന്‍റോ തോമ്മാന എന്നിവർ അറിയിച്ചു.
മേലൂർ പള്ളി
മേലൂർ: സെന്‍റ് ജോസഫ് ദേവാലയത്തിൽ വിശുദ്ധ യൗസേപ്പിതാവിന്‍റെ മധ്യസ്ഥതിരുനാളിനു വികാരി ഫാ. ടോമി കണ്ടത്തിൽ കൊടി ഉയർത്തി.
ഇന്നു രാവിലെ ആറിന് ലൈത്തോരൻമാരുടെ വാഴ്ച, ദിവ്യബലി, പ്രസുദേന്തി തെരഞ്ഞെടുപ്പ്, അഞ്ചിന് പ്രസുദേന്തിവാഴ്ച, ദിവ്യബലി, സാൾവെ ലദീഞ്ഞ്, നാളെ വൈകിട്ട് 4.30ന് തിരിവെഞ്ചരിപ്പ്, രൂപം എഴുന്നള്ളിക്കൽ.
ഞായറാഴ്ച വൈകീട്ട് 4.30ന് ആഘോഷമായ തിരുനാൾ പാട്ടുകുർബാന. ഫാ. ജോയ്സ് എലവത്തുങ്കൽ കാർമികത്വം വഹിക്കും. ഫാ. ജൂലിയസ് അറയ്ക്കൽ സന്ദേശം നൽകും. തുടർന്ന് പ്രദക്ഷിണം.