28

ഡാ​ല​സ് (യു​എ​സ്എ): ഫി​ഫ ലോ​ക​ക​പ്പി​ൽ മ​റ്റൊ​രു ത​ക​ർ​പ്പ​ൻ റിക്കാ​ർ​ഡ് കൂ​ടി സ്വ​ന്തം പേ​രി​ൽ കു​റി​ച്ച് സൂ​പ്പ​ർ താ​രം ല​യ​ണ​ൽ മെ​സ്സി. ഗ്രൂ​പ്പ് ജെ-​യി​ലെ അ​വ​സാ​ന മ​ത്സ​ര​ത്തി​ൽ ഒ​ന്നി​നെ​തി​രെ മൂ​ന്ന് ഗോ​ളു​ക​ൾ​ക്ക് ജോ​ർ​ദാ​നെ പ​രാ​ജ​യ​പ്പെ​ടു​ത്തി അ​ർ​ജ​ന്‍റീ​ന ഗ്രൂ​പ്പ് ജേ​താ​ക്ക​ളാ​യി. ര​ണ്ടാം പ​കു​തി​യി​ൽ പ​ക​ര​ക്കാ​ര​നാ​യി ഇ​റ​ങ്ങി മെ​സ്സി നേ​ടി​യ ഫ്രീ ​കി​ക്ക് ഗോ​ളാ​ണ് മ​ത്സ​ര​ത്തി​ൽ അ​ർ​ജ​ന്‍റീ​ന​യു​ടെ വി​ജ​യം ഉ​റ​പ്പാ​ക്കി​യ​ത്. ഗ്രൂ​പ്പി​ലെ മ​റ്റൊ​രു മ​ത്സ​ര​ത്തി​ൽ അ​ൾ​ജീ​രി​യ​യും ഓ​സ്ട്രി​യ​യും ര​ണ്ട് ഗോ​ളു​ക​ൾ വീ​തം (2-2) അ​ടി​ച്ച് സ​മ​നി​ല​യി​ൽ പി​രി​ഞ്ഞു.

പ്ര​മു​ഖ താ​ര​ങ്ങ​ൾ​ക്ക് വി​ശ്ര​മം അ​നു​വ​ദി​ച്ച് ഇ​റ​ങ്ങി​യ അ​ർ​ജ​ന്‍റീ​ന​യ്ക്കാ​യി ആ​ദ്യ പ​കു​തി​യി​ൽ ജി​യോ​വാ​നി ലോ ​സെ​ൽ​സോ (19-ാം മി​നി​റ്റ്), ലൗ​ട്ടാ​രോ മാ​ർ​ട്ടീ​ന​സ് (31-ാം മി​നി​റ്റ് - പെ​നാ​ൽ​റ്റി) എ​ന്നി​വ​ർ ഗോ​ളു​ക​ൾ നേ​ടി​യി​രു​ന്നു. എ​ന്നാ​ൽ 55-ാം മി​നി​റ്റി​ൽ മൂ​സ അ​ൽ-​ത​മാ​രി​യി​ലൂ​ടെ ഒ​രു ഗോ​ൾ മ​ട​ക്കി ജോ​ർ​ദാ​ൻ ക​ളി​യി​ലേ​ക്ക് ശ​ക്ത​മാ​യി തി​രി​ച്ചു​വ​ന്നു. തു​ട​ർ​ന്നാ​ണ് ക​ളി തി​രി​ക്കാ​ൻ മു​പ്പ​ത്തി​യൊ​ൻ​പ​തു​കാ​ര​നാ​യ ല​യ​ണ​ൽ മെ​സ്സി മൈ​താ​ന​ത്തേ​ക്ക് എ​ത്തി​യ​ത്. മ​ത്സ​ര​ത്തി​ന്‍റെ 80-ാം മി​നി​റ്റി​ൽ ബോ​ക്സി​ന് പു​റ​ത്തു​നി​ന്ന് ല​ഭി​ച്ച ഫ്രീ ​കി​ക്ക് മ​നോ​ഹ​ര​മാ​യൊ​രു ഗോ​ളാ​ക്കി മാ​റ്റി മെ​സ്സി അ​ർ​ജ​ന്‍റീ​ന​യ്ക്ക് 3-1 ന്‍റെ ലീ​ഡ് സ​മ്മാ​നി​ച്ചു.

ഈ ​ടൂ​ർ​ണ​മെ​ന്‍റി​ലെ മെ​സ്സി​യു​ടെ ആ​റാ​മ​ത്തെ ഗോ​ളാ​യി​രു​ന്നു ഇ​ത്. ഇ​തോ​ടെ ടൂ​ർ​ണ​മെ​ന്‍റി​ലെ ടോ​പ്പ് സ്കോ​റ​ർ​ക്കു​ള്ള ഗോ​ൾ​ഡ​ൻ ബൂ​ട്ട് പോ​രാ​ട്ട​ത്തി​ൽ മെ​സ്സി ഒ​ന്നാ​മ​തെ​ത്തി. ഈ ​ഗോ​ളോ​ടെ ലോ​ക​ക​പ്പി​ന്‍റെ ച​രി​ത്ര​ത്തി​ൽ തു​ട​ർ​ച്ച​യാ​യി ഏ​ഴ് മ​ത്സ​ര​ങ്ങ​ളി​ൽ ഗോ​ൾ നേ​ടു​ന്ന ആ​ദ്യ ക​ളി​ക്കാ​ര​ൻ എ​ന്ന അ​തു​ല്യ​മാ​യ റെ​ക്കോ​ർ​ഡും ല​യ​ണ​ൽ മെ​സ്സി സ്വ​ന്ത​മാ​ക്കി. ക​ളി​ച്ച മൂ​ന്ന് മ​ത്സ​ര​ങ്ങ​ളും ജ​യി​ച്ച് ഒ​ൻ​പ​ത് പോ​യി​ന്‍റോ​ടെ​യാ​ണ് അ​ർ​ജ​ന്‍റീ​ന പ്രീ-​ക്വാ​ർ​ട്ട​റി​ലേ​ക്ക് പ്ര​വേ​ശി​ച്ച​ത്. 

Tags : Lionel Messi Argentina Jordan FIFA World Cup Latest News