ബം​ഗ​ളൂ​രു ഇ​ന്ദി​രാ​ന​ഗ​റി​ലെ തി​ര​ക്കേ​റി​യ നൂ​റു അ​ടി റോ​ഡി​ൽ പ​ട്ടാ​പ്പ​ക​ലു​ണ്ടാ​യ ന​ടു​ക്കു​ന്ന ക​വ​ർ​ച്ചാ​ശ്ര​മ​ത്തി​ന്‍റെ ഞെ​ട്ട​ലി​ലാ​ണ് ന​ഗ​രം. ക​ഴി​ഞ്ഞ ഒ​ക്ടോ​ബ​ർ 31 ന് ​ന​ട​ന്ന ഈ ​സം​ഭ​വ​ത്തി​ന്‍റെ ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യ​തോ​ടെ​യാ​ണ് വ​ലി​യ തോ​തി​ലു​ള്ള ച​ർ​ച്ച​ക​ൾ​ക്കും സു​ര​ക്ഷാ ആ​ശ​ങ്ക​ക​ൾ​ക്കും വ​ഴി​വെ​ച്ചി​രി​ക്കു​ന്ന​ത്.

ഹെ​ൽ​മ​റ്റും കൈ​യു​റ​ക​ളും ധ​രി​ച്ച് പ്ര​മു​ഖ ലെ​ത​ർ റി​പ്പ​യ​റി​ങ് ക​ട​യി​ലെ​ത്തി​യ നാ​ൽ​പ്പ​തു​കാ​ര​നാ​യ പ്ര​ഭു​രാ​ജ് എ​ന്ന രാ​ജ്, ത​നി​ക്ക് പി​ന്നി​ൽ കൊ​ല​യാ​ളി​ക​ൾ ഉ​ണ്ടെ​ന്ന് പ​റ​ഞ്ഞ് ജീ​വ​ന​ക്കാ​രി​യാ​യ ഇ​രു​പ​ത്തി​മൂ​ന്നു​കാ​രി​യു​ടെ സ​ഹാ​യം അ​ഭ്യ​ർ​ഥി​ച്ച് അ​ക​ത്തേ​ക്ക് ക​ട​ക്കു​ക​യാ​യി​രു​ന്നു.

ക​ട​യ്ക്കു​ള്ളി​ൽ ആ ​സ​മ​യ​ത്ത് മ​റ്റാ​രും ഉ​ണ്ടാ​യി​രു​ന്നി​ല്ല. എ​ന്നാ​ൽ അ​ല്പ​സ​മ​യ​ത്തി​ന​കം കൈ​യി​ൽ ക​രു​തി​യ ക​ത്തി പു​റ​ത്തെ​ടു​ത്ത പ്ര​തി യു​വ​തി​യു​ടെ ക​ഴു​ത്തി​ൽ വെ​ച്ച് ഭീ​ഷ​ണി​പ്പെ​ടു​ത്തു​ക​യും, നാ​ല​ര ല​ക്ഷ​ത്തോ​ളം രൂ​പ വി​ല​മ​തി​ക്കു​ന്ന 35 ഗ്രാം ​സ്വ​ർ​ണ​മാ​ല ആ​വ​ശ്യ​പ്പെ​ടു​ക​യും ചെ​യ്തു.

ബ​ഹ​ളം വെ​ക്കു​ന്ന​ത് ത​ട​യാ​ൻ യു​വ​തി​യു​ടെ വാ​യ തു​ണി​കൊ​ണ്ട് മൂ​ടു​ക​യും, ഫെ​വി​ക്വി​ക് ഉ​പ​യോ​ഗി​ച്ച് കൈ​ക​ൾ മേ​ശ​യി​ൽ ഒ​ട്ടി​ച്ചു​വെ​ക്കാ​ൻ ശ്ര​മി​ക്കു​ക​യും ചെ​യ്ത ശേ​ഷം ഇ​യാ​ൾ യു​വ​തി​യെ ക​ട​യ്ക്ക് പു​റ​ത്തേ​ക്ക് വ​ലി​ച്ചി​ഴ​ച്ചു​കൊ​ണ്ട് ഓ​ട്ടോ​യി​ൽ ര​ക്ഷ​പ്പെ​ടാ​ൻ ശ്ര​മി​ക്കു​ക​യാ​യി​രു​ന്നു.

യു​വ​തി​യു​ടെ നി​ല​വി​ളി കേ​ട്ട് ഓ​ടി​യെ​ത്തി​യ നാ​ട്ടു​കാ​രും സ​മീ​പ​ത്തെ വ്യാ​പാ​രി​ക​ളും ജീ​വ​ൻ പ​ണ​യം വെ​ച്ച് ന​ട​ത്തി​യ ഇ​ട​പെ​ട​ലാ​ണ് വ​ലി​യൊ​രു ദു​ര​ന്തം ഒ​ഴി​വാ​ക്കി​യ​ത്. പ്ര​തി​യു​ടെ ഭീ​ഷ​ണി​ക​ൾ വ​ക​വെ​യ്ക്കാ​തെ ധൈ​ര്യ​ശാ​ലി​ക​ളാ​യ നാ​ട്ടു​കാ​ർ ഇ​യാ​ളെ വ​ള​ഞ്ഞി​ട്ട് കീ​ഴ്പ്പെ​ടു​ത്തു​ക​യും പൊ​ലി​സി​ൽ ഏ​ൽ​പ്പി​ക്കു​ക​യു​മാ​യി​രു​ന്നു.

ക​വ​ർ​ച്ചാ​ശ്ര​മ​ത്തി​ന് കേ​സെ​ടു​ത്ത ഇ​ന്ദി​രാ​ന​ഗ​ർ പൊ​ലി​സ് പ്ര​തി​യെ ജു​ഡീ​ഷ്യ​ൽ ക​സ്റ്റ​ഡി​യി​ൽ റി​മാ​ൻ​ഡ് ചെ​യ്തി​ട്ടു​ണ്ട്. തി​ര​ക്കേ​റി​യ വാ​ണി​ജ്യ കേ​ന്ദ്ര​ത്തി​ൽ ഇ​ത്ത​ര​ത്തി​ലു​ള്ള ആ​ക്ര​മ​ണ​ങ്ങ​ൾ ഉ​ണ്ടാ​കു​ന്ന​ത് ന​ഗ​ര​ത്തി​ലെ സ്ത്രീ​ക​ളു​ടെ സു​ര​ക്ഷ​യെ​ക്കു​റി​ച്ച് വീ​ണ്ടും ഗൗ​ര​വ​ക​ര​മാ​യ ചോ​ദ്യ​ങ്ങ​ൾ ഉ​യ​ർ​ത്തു​ന്നു​ണ്ട്.

Tags : ViralVideo BengaluruNews Indiranagar CrimeNews WomensSafety BengaluruPolice