പനീർശെൽവം തിങ്കളാഴ്ച പ്രധാനമന്ത്രിയെ കാണും
Sunday, August 13, 2017 12:54 PM IST
ന്യൂഡൽഹി: തമിഴ്നാട് മുൻ മുഖ്യമന്ത്രി ഒ. പനീർശെൽവം തിങ്കളാഴ്ച പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. അണ്ണാ ഡിഎംകെയിലെ ഇരു വിഭാഗങ്ങളും തമ്മിലുള്ള ലയനം സംബന്ധിച്ച് ചർച്ചകൾ ഊർജിതമായ പശ്ചാത്തലത്തിലാണ് പ്രധാനമന്ത്രിയുമായി പനീർശെൽവം കൂടിക്കാഴ്ച നടത്തുന്നത്.

അണ്ണാ ഡിഎംകെയിലെ ഇരുവിഭാഗങ്ങളും ലയിച്ച് എൻഡിഎയുടെ ഭാഗമാകുമെന്ന് റിപ്പോർട്ടുകൾ ഉണ്ടായിരുന്നു. വെള്ളിയാഴ്ച തമിഴ്നാട് മുഖ്യമന്ത്രി എടപ്പാടി കെ. പളനിസ്വാമിയും നരേന്ദ്ര മോദിയുമായി കൂടിക്കാഴ്ച നടത്തിയിരുന്നു.

ചർച്ചകൾക്കു തയാറാണെന്നു പനീർശെൽവം കഴിഞ്ഞ ദിവസം അറിയിച്ചു. ഇതിനു പിന്നാലെ അണ്ണാ ഡിഎംകെ ലയനം നടക്കുമെന്ന് പ്രതീക്ഷിക്കുന്നതായി പളനിസ്വാമിയും വ്യക്തമാക്കിയിരുന്നു. ഇതോടെ ലയനം സംബന്ധിച്ച് പ്രഖ്യാപനം ഉടനുണ്ടാകുമെന്നാണ് ഇരു വിഭാഗങ്ങളും നല്‍കുന്ന സൂചന.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.