വീസ: 10 കോടി തട്ടിയ ഗവ. ജീവനക്കാരൻ അറസ്റ്റിൽ : Deepika.com Kerala News |

Click here for detailed news of all items

വീസ: 10 കോടി തട്ടിയ ഗവ. ജീവനക്കാരൻ അറസ്റ്റിൽ

Wednesday, October 9, 2019 12:44 AM IST

തളിപ്പറമ്പ്: യൂറോപ്യന്‍ രാജ്യങ്ങളില്‍ നഴ്‌സിംഗ് വീസ വാഗ്ദാനം ചെയ്തു പത്തു കോടിയോളം രൂപ തട്ടിയെടുത്ത സര്‍ക്കാര്‍ ഉദ്യോഗസ്ഥന്‍ അറസ്റ്റില്‍. വാട്ടര്‍ അഥോറിറ്റി തേക്കടി ഓഫീസിലെ പമ്പ് ഓപ്പറേറ്റര്‍ നെടുങ്കണ്ടം തൂക്കുപാലം പാറത്തോട് ബ്ലോക്ക് നമ്പര്‍ 391 ജമീല മന്‍സിലില്‍ പന്തമാക്കല്‍ അബ്ദുള്‍ നാസര്‍ എന്ന അബ്ദുള്‍ കെ. നാസര്‍ (56) ആണു പിടിയിലായത്.

പാലാവയല്‍ തയ്യേനിയിലെ പാലപ്പറമ്പില്‍ ലിബിന്‍ മാത്യുവിന്‍റെ പരാതിയില്‍ തളിപ്പറമ്പ് ഡിവൈഎസ്പി ടി.കെ. രത്‌നകുമാറിന്‍റെ നേതൃത്വത്തില്‍ ചെറുപുഴ പോലീസും ഡിവൈഎസ്പിയുടെ ക്രൈം സ്‌ക്വാഡും ചേര്‍ന്ന് സാഹസികമായാണ് അബ്ദുള്‍ നാസറിനെ പിടികൂടിയത്. കൂട്ടുപ്രതി കിഷോറിനായി അന്വേഷണം തുടരുകയാണെന്ന് പോലീസ് പറഞ്ഞു.

കേരളം, കര്‍ണാടകം, തമിഴ്‌നാട് എന്നിവിടങ്ങളില്‍നിന്നായി നഴ്‌സിംഗ് ബിരുദധാരികളെ വ്യാമോഹിപ്പിച്ചാണു കോണ്‍ഗ്രസ് മുന്‍മണ്ഡലം പ്രസിഡന്‍റും വാട്ടർ അഥോറിറ്റി യൂണിയന്‍ നേതാവുമായ അബ്ദുള്‍ നാസറും കൂട്ടാളികളും ചേര്‍ന്ന് വന്‍തുക തട്ടിയെടുത്തത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.