തിരുവനന്തപുരം: കേരള സ്റ്റാർട്ടപ്പ് മിഷനും കേരള ആർട്സ് ആൻഡ് ക്രാഫ്റ്റ് വില്ലേജും കേരള അക്കാദമി ഫോർ സ്കിൽസ് എക്സലൻസും ചേർന്ന് വിദ്യാർഥികൾക്കായി ‘കലപില’ വേനലവധിക്കാല ക്യാന്പ് സംഘടിപ്പിക്കുന്നു. 15 മുതൽ 21 വരെ കോവളം വെള്ളാറിലെ കേരള ആർട്സ് ക്രാഫ്റ്റ് വില്ലേജിലാണ് ക്യാന്പ്.
റസിഡൻഷലായി സംഘടിപ്പിക്കുന്ന ക്യാന്പിൽ രാവിലെ 6.30 മുതൽ വൈകിട്ട് 9.30 വരെ വിവിധ പ്രവർത്തനങ്ങൾ ഉണ്ടായിരിക്കും. ഏഴു മുതൽ പന്ത്രണ്ട് വരെ ക്ലാസുകളിലെ വിദ്യർഥികൾക്കാണ് പ്രവേശനം. താമസവും ഭക്ഷണവും ക്യാന്പിൽ ലഭിക്കും. റസിഡൻഷ്യൽ ക്യാന്പ് സാധിക്കാത്ത വിദ്യാർഥികൾക്ക് തിരുവനന്തപുരം പരിധിയിൽ യാത്രാ സൗകര്യം സജ്ജീകരിക്കും.
പെയിന്റിംഗ്, ഫേസ് പെയിന്റിംഗ്, കളരി, സ്കേറ്റിംഗ്, മ്യൂസിക്ക്, ഫോട്ടോഗ്രഫി, നാടകക്കളരി, ടെറാകോട്ട, കുരുത്തോല ക്രാഫ്റ്റ്സ്, പട്ടംപറത്തൽ, അനിമൽ ഫ്ളോ, വാനനിരീക്ഷണം, നൈറ്റ് വാക്ക്, പ്രകൃതി നിരീക്ഷണം, ഗണിതത്തിന്റെ ലോകം, എഴുത്തുകാരെ പരിചയപ്പെടൽ, സാംസ്കാരിക പരിപാടികൾ തുടങ്ങിയവയാണ് പ്രധാന പ്രവർത്തനങ്ങൾ.
താത്പര്യമുള്ള വിദ്യാർഥികൾ 9288001197, 9288001155 എന്നീ നന്പറുകളിൽ രജിസ്റ്റർ ചെയ്യണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.