കോ​ട്ട​യം: രാജ്യത്ത് 2030ന് ​മു​ൻ​പ് റെ​യി​ൽ​വേ ഗേ​റ്റു​ക​ൾ ഇ​ല്ലാ​താ​കു​മെ​ന്ന് കേ​ന്ദ്ര സ​ഹ​മ​ന്ത്രി ജോ​ർ​ജ് കു​ര്യ​ൻ. ച​ങ്ങ​നാ​ശേ​രി​യി​ൽ സ്റ്റോ​പ്പ് അ​നു​വ​ദി​ച്ച തി​രു​വ​ന​ന്ത​പു​രം - ക​ണ്ണൂ​ർ ജ​ന​ശ​താ​ബ്ദി എ​ക്സ്പ്ര​സ് ഫ്ലാ​ഗ് ഓ​ഫ് ചെ​യ്ത് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. റെ​യി​ൽ​വേ വി​ക​സ​ന പ്ര​ക്രി​യ​യു​ടെ ഭാ​ഗ​മാ​യാ​ണ് സ്റ്റോ​പ്പ് അ​നു​വ​ദി​ച്ച​തെ​ന്നും മ​ന്ത്രി ച​ട​ങ്ങി​ൽ പ​റ​ഞ്ഞു.

റെ​യി​ൽ​വേ വി​ക​സ​ന​ത്തി​ന്‍റെ ഭാ​ഗ​മാ​യി ആ​ധു​നി​ക ട്രെ​യി​നു​ക​ൾ വ​രു​ന്ന​തോ​ടെ റെ​യി​ൽ​വേ ഗേ​റ്റു​ക​ളെ​ല്ലാം അ​ണ്ട​ർ​ബ്രി​ഡ്ജു​ക​ളോ ഓ​വ​ർ​ബ്രി​ഡ്ജു​ക​ളോ ആ​യി മാ​റും.

ഇ​ന്ത്യ​യി​ൽ ഇ​നി വ​രാ​ൻ പോ​കു​ന്ന​ത് വ​ന്ദേ​ഭാ​ര​ത് ട്രെ​യി​നു​ക​ളാ​ണ്. വൈ​കാ​തെ കൂ​ടു​ത​ൽ ആ​ധു​നി​ക സൗ​ക​ര്യ​ങ്ങ​ളു​ള്ള അ​തി​വേ​ഗ ട്രെ​യി​നു​ക​ൾ വ​രും. ഭാ​വി​യി​ൽ ദീ​ർ​ഘ​ദൂ​ര, അ​തി​വേ​ഗ ട്രെ​യി​നു​ക​ള​ട​ക്കം എ​ല്ലാ സ്റ്റേ​ഷ​നു​ക​ളി​ലും നി​ർ​ത്തും.

കേ​ര​ള​ത്തി​ൽ 35 റെ​യി​ൽ​വേ സ്റ്റേ​ഷ​നു​ക​ളെ അ​മൃ​ത് സ്റ്റേ​ഷ​നു​ക​ളാ​യി പ്ര​ഖ്യാ​പി​ച്ചി​ട്ടു​ണ്ട്. ഈ ​സ്റ്റേ​ഷ​നു​ക​ളു​ടെ വി​ക​സ​ന​ത്തി​നാ​യി 2500 കോ​ടി രൂ​പ വ​ക​യി​രു​ത്തി​യി​ട്ടു​ണ്ട്. ഭാ​വി​യി​ൽ രാ​ജ്യ​ത്തെ എ​ല്ലാ റെ​യി​ൽ​വേ സ്റ്റേ​ഷ​നു​ക​ളും അ​മൃ​ത് സ്റ്റേ​ഷ​നു​ക​ളാ​യി വി​ക​സി​പ്പി​ക്ക​പ്പെ​ടു​മെ​ന്നും ജോ​ർ​ജ് കു​ര്യ​ൻ വ്യ​ക്ത​മാ​ക്കി.

റോ‍​ഡു​ക​ളും റെ​യി​ൽ​പ്പാ​ത​ക​ളു​മാ​ണ് രാ​ജ്യ​ത്തി​ന്‍റെ പു​രോ​ഗ​തി​യ്ക്ക് ആ​ധാ​രം. സ​മാ​ന്ത​ര​പാ​ത​യാ​യി വി​ക​സി​പ്പി​ക്ക​പ്പെ​ടു​ന്ന ശ​ബ​രി പാ​ത, പു​ന​ലൂ​ർ റ​യി​ൽ​പ്പാ​ത എ​ന്നി​വ​യു​മാ​യി ച​ങ്ങ​നാ​ശേ​രി ബ​ന്ധി​പ്പി​ക്ക​പ്പെ​ടും.

രാ​ജ്യ​ത്തെ റെ​യി​ൽ​വേ മേ​ഖ​ല​യി​ൽ ഒ​രു വ​ലി​യ മാ​റ്റം ന​ട​ക്കു​ക​യാ​ണ്. ജ​ന​ങ്ങ​ളു​ടെ ആ​വ​ശ്യ​ങ്ങ​ൾ മ​ന​സി​ലാ​ക്കി എം​പി​മാ​ർ​ക്കും എം​എ​ൽ​എ​മാ​ർ​ക്കും ട്രെ​യി​ൻ സ്റ്റോ​പ്പു​ക​ൾ ആ​വ​ശ്യ​പ്പെ​ടാ​മെ​ന്നും അ​ദ്ദേ​ഹം കൂട്ടിച്ചേർത്തു.

അ​മൃ​ത് ഭാ​ര​ത് സ്റ്റേ​ഷ​ൻ പ​ദ്ധ​തി​യി​ൽ ഉ​ൾ​പ്പെ​ടു​ത്തി ച​ങ്ങ​നാ​ശേ​രി​യി​ൽ പു​തി​യ റെ​യി​ൽ​വേ സ്റ്റേ​ഷ​ന്‍റെ നി​ർ​മാ​ണ ​പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണെ​ന്നും യാ​ത്ര​ക്കാ​രു​ടെ എ​ണ്ണ​ത്തി​ലും ഗ​ണ്യ​മാ​യ വ​ർ​ധ​ന​വ് ഉ​ണ്ടാ​യി​ട്ടു​ണ്ടെ​ന്നും ച​ട​ങ്ങി​ൽ പ​ങ്കെ​ടു​ത്ത് സം​സാ​രി​ച്ച കൊ​ടി​ക്കു​ന്നി​ൽ സു​രേ​ഷ് എം​പി പ​റ​ഞ്ഞു. വ​രു​മാ​ന​ത്തി​ന്‍റെ കാ​ര്യ​ത്തി​ൽ ച​ങ്ങ​നാ​ശേ​രി സ്റ്റേ​ഷ​ൻ മു​ൻ​പ​ന്തി​യി​ൽ വ​ന്നി​ട്ടു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

തി​രു​വ​ന​ന്ത​പു​രം ഡി​വി​ഷ​ണ​ൽ റെ​യി​ൽ​വേ മാ​നേ​ജ​ർ ദി​വ്യ​കാ​ന്ത് ച​ന്ദ്ര​ക​ർ, സീ​നി​യ​ർ ഡി​സി​എം വൈ. ​സെ​ൽ​വ​ൻ, ച​ങ്ങ​നാ​ശേ​രി മു​നി​സി​പ്പ​ൽ ചെ​യ​ർ​പേ​ഴ്സ​ൺ കൃ​ഷ്ണ​കു​മാ​രി രാ​ജ​ശേ​ഖ​ര​ൻ എ​ന്നി​വ​ർ ച​ട​ങ്ങി​ൽ സം​സാ​രി​ച്ചു.