കോവളത്ത് തീരം കടലെടുക്കുന്നു; നിയന്ത്രണങ്ങൾ ഏർപ്പെടുത്തി
Thursday, June 19, 2025 6:27 AM IST
സീ​സ​ൺ തീ​ർ​ന്നെങ്കിലും സഞ്ചാരികളുടെ തിരക്ക്

വി​ഴി​ഞ്ഞം: സീ​സ​ൺ തീ​ർ​ന്നെ​ങ്കി​ലും പ്ര​തി​കൂ​ല കാ​ലാ​വ​സ്ഥ​യെ അ​വ​ഗ​ണി​ച്ച് ഉ​ത്ത​രേ​ന്ത്യ​ൻ സ​ഞ്ചാ​രി​ക​ളാ​ൽ സ​മ്പു​ഷ്ട​മാ​യി കോ​വ​ളം വി​നോ​ദ​സ​ഞ്ചാ​ര കേ​ന്ദ്രം. എ​ന്നാ​ൽ സ​ഞ്ചാ​രി​ക​ൾ​ക്ക് മ​നോ​ഹ​ര​ക്കാ​ഴ്ച യൊ​രു​ക്കി​യി​രു​ന്ന​തീ​ര​ങ്ങ​ളെ തി​ര​മാ​ല​ക​ൾ കൈ​യടക്കി.

ക​ര​യി​ലേ​ക്കു വീ​ശി​ക്ക​യ​റു​ന്ന തി​ര​യ​ടി​യി​ൽ മ​ണ​ൽ ഒ​ഴു​കി​പ്പോ​യ​തോ​ടെ ഏ​തു സ​മ​യ​ത്തും ത​ക​ർ​ന്നു വീ​ഴാ​റാ​യ അ​വ​സ്ഥ​യി​ൽ ന​ട​പ്പാ​ത​യും തെ​രു​വ് വി​ള​ക്കു​ക​ളും. അ​പ​ക​ടം ഒ​ഴി​വാ​ക്കാ​ൻ പ്ര​ധാ​ന ക​വാ​ട​മാ​യ ഹൗ​വ്വാ​ബീ​ച്ചി​ൽ അ​ധി​കൃ​ത​ർ നി​യ​ന്ത്ര​ണം ഏ​ർ​പ്പെ​ടു​ത്തി.

കോ​വ​ള​ത്തെ പ്ര​ധാ​ന ബീ​ച്ചു​ക​ളി​യ ഹൗ​വ്വ, ഗ്രോ, ​ലൈ​റ്റ് ​ഹൗ​സ് എ​ന്നി​വി​ട​ങ്ങ​ൾ ഏ​ക​ദേ​ശ​വും ഇ​ല്ലാ​താ​യി. ശ​ക്ത​മാ​യ തി​ര​മാ​ല​ക​ൾ ന​ട​പ്പാ​ത​യും ക​ഴി​ഞ്ഞു ക​ട​ക​ളി​ലേ​ക്കും അ​ടി​ച്ചു ക​യ​റാ​ൻ തു​ട​ങ്ങി​യ​തോ​ടെ ലൈ​ഫ് ഗാ​ർ​ഡു​ക​ൾ ന​ട​പ്പാ​ത​യി​ൽ ക​യ​ർ കെ​ട്ടി സ​ഞ്ചാ​രി​ക​ൾ​ക്ക് സു​ര​ക്ഷ​യൊ​രു​ക്കി. പ്ര​ധാ​ന സ്ഥ​ല​ങ്ങ​ളി​ൽ അ​പ​ക​ട സൂ​ച​നാ ബോ​ർ​ഡു​ക​ളും സ്താ​പി​ച്ചു.

തി​ര​ക്കൊ​പ്പം ചു​ഴി​യും ഒ​ഴു​ക്കു​മു​ള്ള​തി​നാ​ൽ സ​ഞ്ചാ​രി​ക​ൾ ക​ട​ലി​ൽ ഇ​റ​ങ്ങു​ന്ന​തി​ന് പൂ​ർ​ണ വി​ല​ക്ക് ഏ​ർ​പ്പെ​ടു​ത്തി. ന​വം​ബ​ർ മു​ത​ൽ മാ​ർ​ച്ച് വ​രെ​യാ​ണ് കോ​വ​ള​ത്തെ വി​നോ​ദ​സ​ഞ്ചാ​ര സീ​സ​ൺ. കൂ​ട്ട​മാ​യെ​ത്തു​ന്ന വി​ദേ​ശി​ക​ൾ വി​മാ​നം ക​യ​റു​ന്ന തോ​ടെ സീ​സ​ണ് അ​വ​സാ​ന​മാ​യ​താ​യി സൂ​ച​ന ന​ൽ​കി കാ​ശ്മീ​ർ ഉ​ൾ​പ്പെ​ടെ ഇ​ത​ര സം​സ്ഥാ​ന ക​ച്ച​വ​ട​ക്കാ​ർ ക​ട​ക​ൾ പൂ​ട്ടി നാ​ട്ടി​ലേ​ക്ക് മ​ട​ങ്ങു​ക പ​തി​വാ​ണ്. ഇ​ക്കു​റി​യും പ​തി​വ് തെ​റ്റി​ക്കാ​തെ അ​വ​ർ മ​ട​ങ്ങി​യെ​ങ്കി​ലും കേ​ര​ള​ത്തു​കാ​ർ ന​ട​ത്തു​ന്ന സ്ഥാ​പ​ന​ങ്ങ​ൾ തു​റ​ന്ന് പ്ര​വ​ർ​ത്തി​ക്കു​ന്നു​ണ്ട്.

ജൂ​ണി​ലെ മ​ൺ​സൂ​ൺ മു​ത​ൽ ഓ​ഗ​സ്റ്റ് വ​രെ സ​ഞ്ചാ​രി​ക​ളി​ല്ലാ​തെ ശൂ​ന്യ​മാ​കു​ന്ന തീ​ര​ത്തി​നു പ​തി​വി​ൽ വി​പ​രീ​ത​മാ​യാ​ണ് ഇ​ക്കു​റി ഇ​ത​ര സം​സ്ഥാ​ന​ക്കാ​രു​ടെ സാ​ന്നിധ്യ​മെന്നു ജീ​വ​ൻ ര​ക്ഷ​ക​രാ​യ ലൈ​ഫ് ഗാ​ർ​ഡു​ക​ൾ പ​റ​യു​ന്നു.

ഇ​ക്കാ​ല​യ​ള​വി​ൽ തി​ര​മാ​ല​ക​ൾ മ​ണ​ൽ​പ്പ​ര​പ്പി​നെ ക​ട​ലി​ലേ​ക്കു വ​ലി​ച്ച് കൊ​ണ്ടു​പോ​കു​ന്ന​തോ​ടെ തീ​രം പൂ​ർ​ണ​മാ​യും ഇ​ല്ലാ​താ​കും. സെ​പ്റ്റം അ​വ​സാ​ന​ത്തോ​ടെ തി​രി​കെ​യെ​ത്തു​ന്ന മ​ണ​ൽകൊ​ണ്ട് വീ​ണ്ടും തീ​രം പ​ഴ​യ പ​ടി​യി​ൽ എ​ത്തു​ക​യാ​ണ് പ​തി​വ്. എ​ന്നാ​ൽ ര​ണ്ടു വ​ർ​ഷ​മാ​യി ക​ട​ലാ​വ​സ്ഥ​യി​ലു​ണ്ടാ​യ മാ​റ്റം കോ​വ​ളം തീ​ര​ത്തേ​യും സാ​ര​മാ​യി ബാ​ധി​ച്ച​താ​യി ക​ച്ച​വ​ട​ക്കാ​രും പ​റ​യു​ന്നു.
Copyright @ 2018 , Rashtra Deepika Ltd.