വോ​ട്ട​ര്‍​പ​ട്ടി​ക ക്രമക്കേട് : കേ​സെടു​ക്ക​ണമെന്ന് ലീ​ഗ്
Thursday, August 14, 2025 5:14 AM IST
കോ​ഴി​ക്കോ​ട്: ഒ​രൊ​റ്റ കെ​ട്ടി​ട ന​മ്പ​റി​ല്‍ 327 വോ​ട്ട​ര്‍​മാ​രെ സൃ​ഷ്ടി​ച്ച​തി​നു പി​ന്നി​ല്‍ വ​ന്‍ ഗൂ​ഢാ​ലോ​ച​ന ന​ട​ന്ന​താ​യി മു​സ്ലിം​ലീ​ഗ് നേ​താ​ക്ക​ള്‍ വാ​ര്‍​ത്താ​സ​മ്മേ​ള​ന​ത്തി​ല്‍ ആ​രോ​പി​ച്ചു. ബേ​പ്പൂ​ര്‍ സ​ഹ​ക​ര​ണ സ​ര്‍​വ്വീ​സ് ബാ​ങ്ക് കെ​ട്ടി​ട ന​മ്പ​റി​ലാ​ണ് ഒ​ന്നി​ച്ച് 327 വോ​ട്ട​ര്‍​മാ​രെ ചേ​ര്‍​ത്ത​ത്.

മാ​റാ​ട് ഡി​വി​ഷ​നി​ലെ 49/49 എ​ന്ന ന​മ്പ​റി​ലു​ള്ള കെ​ട്ടി​ടം അ​ര​ക്കി​ണ​ര്‍ ജ​യ്ഹി​ന്ദ് അ​ന്തൊ​ട​ത്ത് അ​നി​ത​യു​ടെ പേ​രി​ലു​ള്ള കൊ​മേ​ഴ്സ്യ​ല്‍ ബി​ല്‍​ഡി​ങ്ങാ​ണ്. അ​നി​ത​യാ​ണ് സി.​പി.​എം നി​യ​ന്ത്ര​ണ​ത്തി​ലു​ള്ള ബേ​പ്പൂര്‍ സ​ര്‍​വ്വീ​സ് സ​ഹ​ക​ര​ണ ബാ​ങ്കി​ന് വാ​ട​ക​ക്ക് ന​ല്‍​കി​യ​ത്. കോ​ര്‍​പ്പ​റേ​ഷ​ന്‍ രേ​ഖ​ക​ളി​ല്‍ പോ​ലും കൊ​മേ​ഴ്സ്യ​ല്‍ ആ​വ​ശ്യ​ത്തി​നു​ള്ള കെ​ട്ടി​ട​മെ​ന്ന് വ്യ​ക്ത​മാ​ണെ​ങ്കി​ലും ഇ​തി​ല്‍ 327 പേ​ര്‍ താ​മ​സി​ക്കു​ന്നു എ​ന്ന പേ​രി​ല്‍ വോ​ട്ട​ര്‍​മാ​രാ​ക്കി​യ​ത്.

ഒ​രേ വീ​ട് ന​മ്പ​റി​ല്‍ നൂ​റ് ക​ണ​ക്കി​ന് വോ​ട്ടു​ക​ള്‍ ചേ​ര്‍​ക്കു​ക​യും പെ​ട്ടെ​ന്ന് ക​ണ്ടെ​ത്താ​തി​രി​ക്കാ​ന്‍ വേ​ണ്ടി പ​ല വാ​ര്‍​ഡു​ക​ളി​ലും ഡി​വി​ഷ​നു​ക​ളി​ലു​മാ​യി ഇ​ത് പ​ല ഭാ​ഗ​ത്താ​ക്കു​ക​യും ചെ​യ്തി​ട്ടു​ണ്ട് .
മൂ​ന്നാ​ലു​ങ്ങ​ല്‍ ഡി​വി​ഷ​നി​ല്‍ പി.​ടി ഉ​ഷ റോ​ഡി​ല്‍ 62/1629 ല്‍ 70 ​വോ​ട്ട​ര്‍​മാ​രാ​ണു​ള​ള​ത്. കോ​ര്‍​പ്പ​റേ​ഷ​ന്‍ കൗ​ണ്‍​സി​ല​ര്‍​മാ​ര്‍ ഈ ​വീ​ട് അ​ന്വേ​ഷി​ച്ചെ​ത്തി​യെ​ങ്കി​ലും അ​ങ്ങി​നെ​യൊ​രു കെ​ട്ടി​ടം ത​ന്നെ ഇ​ല്ലെ​ന്ന് വ്യ​ക്ത​മാ​യി. 1615 ന് ​ശേ​ഷം 1632 എ​ന്ന കെ​ട്ടി​ട​മാ​ണു​ള​ള​ത്. ഇ​ല്ലാ​ത്ത കെ​ട്ടി​ട​ങ്ങ​ളു​ടെ മ​റ​വി​ല്‍ കൂ​ട്ട​ത്തോ​ടെ വോ​ട്ടു​ക​ള്‍ സൃ​ഷ്ടി​ക്കു​ന്ന​ത് ആ​ക​സ്മി​ക​മ​ല്ല. ഏ​തെ​ങ്കി​ലു​മൊ​രു തി​രി​ച്ച​റി​യ​ല്‍ രേ​ഖ ഉ​പ​യോ​ഗി​ച്ചോ മ​റ്റി​ട​ത്തും വോ​ട്ടു ചെ​യ്തെ​ത്തി​യോ ക​ള​ള​വോ​ട്ട് ചെ​യ്യാ​നു​ള്ള മാ​ര്‍​ഗ​മാ​ണ് ഇ​തി​ലൂ​ടെ സൃ​ഷ്ടി​ക്കു​ന്ന​ത്.

ക്ര​മ​ക്കേ​ടി​ന് കൂ​ട്ടു​നി​ന്നു ജ​നാ​ധി​പ​ത്യം അ​ട്ടി​മ​റി​ക്കു​ന്ന ഉ​ദ്യോ​ഗ​സ്ഥ​ര്‍​ക്കെ​തി​രേ ക്രി​മി​ന​ല്‍ കേ​സെ​ടു​ക്ക​ണം. വി​ഷ​യ​ത്തെ മു​സ്ലിം​ലീ​ഗ് നി​യ​മ​പ​ര​മാ​യും രാ​ഷ്ട്രീ​യ​മാ​യും നേ​രി​ടു​മെ​ന്നും നി​യ​മ​സ​ഭാ പാ​ര്‍​ട്ടി ഉ​പ​നേ​താ​വ് ഡോ.​എം.​കെ മു​നീ​ര്‍ എം.​എ​ല്‍.​എ, ജി​ല്ലാ പ്ര​സി​ഡ​ന്‍റ് എം.​എ റ​സാ​ഖ്, ജ​ന.​സെ​ക്ര​ട്ട​റി ടി.​ടി ഇ​സ്മാ​യി​ല്‍, ഭാ​ര​വാ​ഹി​ക​ളാ​യ എ​ന്‍.​സി അ​ബൂ​ബ​ക്ക​ര്‍, എ​സ്.​വി ഹ​സ്സ​ന്‍ കോ​യ, അ​ഡ്വ.​എ.​വി അ​ന്‍​വ​ര്‍, എം. ​കു​ഞ്ഞാ​മു​ട്ടി എ​ന്നി​വ​ര്‍ വ്യ​ക്ത​മാ​ക്കി.
Copyright @ 2018 , Rashtra Deepika Ltd.