8

കോ​ട്ട​യം: കോ​ടി​മ​ത​യി​ലെ ബോ​ട്ടുജെ​ട്ടി ഭാ​ഗ​ത്ത് കാ​യ​ലി​ലെ പോ​ള കോ​ട്ട​യം-​ആ​ല​പ്പു​ഴ ബോ​ട്ട് സ​ര്‍വീ​സി​നെ സാ​ര​മാ​യി ബാ​ധി​ക്കു​ന്നു. കൊ​ടൂ​രാ​റി​ല്‍നി​ന്ന് ഒ​ഴു​കി​യെ​ത്തു​ന്ന പോ​ളയാ​ണ് ഇ​വി​ടെയാ​കെ നി​റ​ഞ്ഞി​രി​ക്കു​ന്ന​ത്. പോ​ള നി​റ​ഞ്ഞ​തി​നാ​ല്‍ കാ​യ​ലി​ലൂ​ടെ​യു​ള്ള യാ​ത്ര ബു​ദ്ധി​മു​ട്ടാ​ണെ​ന്ന് ബോ​ട്ടുജെ​ട്ടി അ​ധി​കൃ​ത​രും പ​റ​യു​ന്നു. ബോ​ട്ടി​ന്‍റെ പ്രൊ​പ്പ​ല്ല​റി​ല്‍ പോ​ള കു​ടു​ങ്ങി ത​ക​രാ​ര്‍ ഉ​ണ്ടാ​കു​ന്ന​തും പ​തി​വാ​ണ്.

പോ​ള നി​റ​ഞ്ഞു​കി​ട​ക്കു​മ്പോ​ള്‍ വെ​ള്ള​ത്തി​ല്‍ ത​ടി​യോ മ​റ്റെ​ന്തെ​ങ്കി​ലും വ​സ്തു​ക്ക​ളോ ഉ​ണ്ടോ​യെ​ന്ന് അ​റി​യാ​നും ക​ഴി​യി​ല്ല. യാ​ത്ര​യ്ക്കി​ടെ ഇ​ങ്ങ​നെ ത​ട​സം നേ​രി​ടു​മ്പോ​ള്‍ ജീ​വ​ന​ക്കാ​ര്‍ കാ​യ​യി​ലി​റ​ങ്ങി ത​ട​സം നീ​ക്കി യാ​ത്ര ചെ​യ്യേ​ണ്ട സാ​ഹ​ച​ര്യ​മു​ണ്ടാ​കാ​റു​ണ്ട്.

ദി​വ​സ​ത്തി​ല്‍ നി​ര​വ​ധി ത​വ​ണ​യാ​ണ് പോ​ള​യും പു​ല്ലും ബോ​ട്ടി​ന്‍റെ പ്രൊ​പ്പ​ല്ല​റി​ല്‍ കു​ടു​ങ്ങി ബോ​ട്ട് നി​ന്നുപോ​കു​ന്ന​ത്. ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി ബോ​ട്ടുജെ​ട്ടി​യു​ടെ മു​ന്‍ഭാ​ഗ​ത്താ​ണ് പോ​ള നി​റ​ഞ്ഞി​രി​ക്കു​ന്ന​ത്. അ​തി​നാ​ല്‍ ബോ​ട്ടു​ക​ള്‍ തി​രി​ക്കാ​നും ബു​ദ്ധി​മു​ട്ടാ​ണ്.

ഗ​താ​ഗ​ത ത​ട​സ​മു​ണ്ടാ​ക്കി​യ​തോ​ടെ പോ​ള നീ​ക്കം ചെ​യ്യ​ല്‍ ആ​രം​ഭി​ച്ചി​രു​ന്നു. ചി​ല​സ​മ​യ​ങ്ങ​ളി​ല്‍ ര​ണ്ട് യ​ന്ത്ര​ങ്ങ​ള്‍ പോ​ള നീ​ക്കാ​നു​ണ്ടാ​കും. ക​ഴി​ഞ്ഞ​ദി​വ​സം ഒ​രു യ​ന്ത്രം മാ​ത്ര​മാ​ണ് പോ​ള നീ​ക്കാ​നു​ണ്ടാ​യി​രു​ന്ന​തെ​ന്നും ബോ​ട്ടുജെ​ട്ടി ജീ​വ​ന​ക്കാ​ര്‍ പ​റ​ഞ്ഞു. വാ​രി​മാ​റ്റു​ന്ന​തി​ന​നു​സ​രി​ച്ച് വീ​ണ്ടും പോ​ള വ​ന്നുനി​റ​യു​ക​യാ​ണ്.

Tags : nattu vishesham Boat service disrupted