പ്രതീകാത്മക ചിത്രം
മേലുകാവുമറ്റം : സിഎസ്ഐ ഈസ്റ്റ് കേരള മഹായിടവകയുടെ ആഭിമുഖ്യത്തിൽ മേലുകാവുമറ്റത്ത് സംഘടിപ്പിക്കുന്ന കാർഷികോത്സവത്തിന് തുടക്കമായി. സി.എസ്.ഐ. ഡെപ്യൂട്ടി മോഡറേറ്ററും ഈസ്റ്റ് കേരള മഹായിടവക ബിഷപ്പുമായ റവ. വി.എസ്. ഫ്രാൻസിസ് കാർഷികോത്സവം ഉദ്ഘാടനം ചെയ്തു.
ഉദ്ഘാടന സമ്മേളനത്തിൽ ജനറൽ കൺവീനർ റവ. കെ.ഡി. സാം അധ്യക്ഷത വഹിച്ചു. ബിഷപ് റവ. ഡോ. കെ.ജി. ദാനിയേൽ അനുഗ്രഹ പ്രഭാഷണം നടത്തി. മഹായിടവക അല്മായ സെക്രട്ടറി അഡ്വ. ടി.എൽ. സാംകുട്ടി, വൈദിക സെക്രട്ടറി റവ. ടി.ജെ. ബിജോയ്, ട്രഷറർ റവ. മാക്സിൻ ജൺ, രജിസ്ട്രാർ സജി തതതിൽ, മേലുകാവ് പഞ്ചായത്ത് പ്രസിഡന്റ് ബിൻസി ടോമി, മേലുകാവുമറ്റം സർവീസ് സഹകരണ ബാങ്ക് പ്രസിഡന്റ് അനുരാഗ് പാണ്ടിക്കാട്, മേലുകാവ് സർവീസ് സഹകരണ ബാങ്ക് പ്രസിഡന്റ് മാമൻ വർഗീസ്, റവ. റോയ്മോൻ പി.ജെ., പ്രോഗ്രാം കൺവീനർ റവ. ഡീക്കൻ അജോ എസ്, കൺവീനർ റീസ് ജോൺ എന്നിവർ പങ്കെടുത്തു.
രാത്രി ടീം നാട്ടുകൂട്ടം മേലുകാവിന്റെ നേതൃത്വത്തിൽ ഗാനാമൃത സന്ധ്യയും സംഘടിപ്പിച്ചു. പരിപാടിയുടെ ഉദ്ഘാടനം മേലുകാവ് പഞ്ചായത്ത് അംഗം മറിയാമ്മ ഫെർണാണ്ടസ് നിർവഹിച്ചു.
ശനിയാഴ്ച നടക്കുന്ന സമാപന സമ്മേളനം പാലാ എംഎൽഎ മാണി സി. കാപ്പൻ ഉദ്ഘാടനം ചെയ്യും. മഹായിടവകയിലെ വൈദികരും സഭാ പ്രതിനിധികളും വിവിധ മേഖലകളിലെ പ്രവർത്തകരും കാർഷികോത്സവത്തിനന്റെ സംഘാടനത്തിന് നേതൃത്വം നൽകുന്നു.
Tags : Agricultural Festival nattuvishesham local news CSI Agricultural Festival