കോട്ടയം: വിവിധ മേഖലകളില് വ്യക്തിമുദ്ര പതിപ്പിച്ചവർക്കുള്ള ദീപിക എക്സലന്സ് അവാര്ഡുകൾ മന്ത്രി രമേശ് ചെന്നിത്തല സമ്മാനിച്ചു.
ദീപിക ശതോത്തര റൂബി ജൂബിലി ആഘോഷങ്ങളുടെ ഭാഗമായി പുറത്തിറക്കുന്ന ഐക്കണ്സ് ഓഫ് സക്സസിന്റെ പ്രകാശനത്തോടനുബന്ധിച്ച് കോട്ടയം കളക്ടറേറ്റിനു സമീപമുള്ള ഫ്ളോറല് പാലസ് ഹോട്ടലില് നടന്ന സമ്മേളനത്തിലായിരുന്നു അവാർഡുകൾ സമ്മാനിച്ചത്.
കെ.എഫ്. വര്ഗീസ് കല്ലുമാടിക്കലിനു വേണ്ടി ജോയി കൊച്ചുപറമ്പില്, കാഞ്ഞിരപ്പള്ളി മേരി ക്വീന്സ് മിഷന് ഹോസ്പിറ്റല് സിഇഒ ആന്ഡ് ഡയറക്ടര് ഫാ. മാര്ട്ടിന് മണ്ണനാല് സിഎംഐയ്ക്കു വേണ്ടി ജോയിന്റ് ഡയറക്ടര് ഫാ. ടിസന് കോച്ചേരില് സിഎംഐ, ഏറ്റുമാനൂര് വെട്ടിമുകള് അര്ച്ചന വിമന്സ് സെന്റര് ഡയറക്ടര് സിസ്റ്റര് ത്രേസ്യാമ്മ മാത്യു, ആബ്ടെക് ലിമിറ്റഡ് ചെയര്മാന് കെ.ജെ. ജേക്കബ് കൊച്ചേട്ട്, കിടങ്ങൂര് ലിറ്റില് ലൂര്ദ് ഹോസ്പിറ്റല് ഗൈനക്കോളജിസ്റ്റ് ആന്ഡ് ലാപ്രോസ്കോപിക് സര്ജന് ഡോ. വൈ.എസ്. സുശാന്ത് എന്നിവരാണ് അവാർഡ് ഏറ്റുവാങ്ങിയത്.