മാതൃസ്പർശം 2026 പരിപാടിയുടെ ഉദ്ഘാടനം പാലക്കാട് രൂപത ബിഷപ് മാർ പീറ്റർ കൊച്ചുപുരയ്ക്കൽ നിർവഹിക്കുന്നു. ആർച്ച്ബിഷപ് മാർ ആൻഡ്രൂ സ് താഴത്ത് സമീപം.
തൃശൂർ: കുടുംബത്തിനും സഭയ്ക്കും സമൂഹത്തിനും ദൈവം നൽകിയ ഏറ്റവും വലിയ അനുഗ്രഹങ്ങളിൽ ഒന്നാണ് അമ്മയെന്ന് ആർച്ച്ബിഷപ് മാർ ആൻഡ്രൂസ് താഴത്ത്. അതിരൂപത മാതൃവേദി സംഘടിപ്പിച്ച മാതൃസ്പർശം 2026 പരിപാടിയിൽ അനുഗ്രഹപ്രഭാഷണം നടത്തു കയായിരുന്നു അദ്ദേഹം. സ്നേഹത്തിന്റെയും പ്രത്യാശയുടെയും വിശ്വാസത്തിന്റെയും പ്രകാശം മറ്റുള്ളവരുടെ ജീവിതത്തിലേക്കു പകരുന്നവളാണ് അമ്മയെന്നും അദ്ദേഹം പറഞ്ഞു.
പാലക്കാട് രൂപത ബിഷപ് മാർ പീറ്റർ കൊച്ചുപുരയ്ക്കൽ പരിപാടി ഉദ്ഘാടനം ചെയ്തു. പൗരോഹിത്യ സുവർണജൂബിലി ആഘോഷിക്കുന്ന മാർ താഴത്തിന് അദ്ദേഹം ജൂബിലിമംഗളങ്ങൾ നേർന്നു.
മാതൃവേദി ഗ്ലോബൽ ഡയറക്ടർ ഫാ. ഡോ. ഡെന്നി താണിക്കൽ മുഖ്യപ്രഭാഷണം നടത്തി. അതിരൂപത മാതൃവേദി പ്രസിഡന്റ് ഉജ്വല ബിജു അധ്യക്ഷയായി. അതിരൂപത മാതൃവേദി ഡയറക്ടർ ഫാ. ഫ്രാൻസിസ് ട്വിങ്കിൾ വാഴപ്പിള്ളി, അതിരൂപത പാസ്റ്ററൽ കൗണ്സിൽ സെക്രട്ടറി ജോഷി വടക്കൻ, മാതൃവേദി ഗ്ലോബൽ പ്രസിഡന്റ് ബീന ജോഷി, സംഘടന ഏകോപനസമിതി കണ്വീനർ ഷിന്റോ മാത്യു തുടങ്ങിയവർ പ്രസംഗിച്ചു.