കാക്കനാട്: അശാസ്ത്രീയമായ റോഡു നിർമാണം മൂലം അപകടത്തിൽപ്പെട്ട് മരണമടഞ്ഞ 12 വയസുകാരി റിഹാന കാതറിൻ പ്രിയപ്പെട്ടവരുടെ അന്ത്യോപചാരം ഏറ്റുവാങ്ങി നിത്യതയിലേക്ക് മടങ്ങി.
ഇന്നലെ ഉച്ചയ്ക്ക് 11 മുതൽ കാക്കനാട് മാവേലിപുരത്തെ ഗുഡ് എർത്ത് ഹ്യൂസ് ഫ്ളാറ്റിൽ പൊതുദർശനത്തിനു വച്ച മൃതദേഹം ഉച്ചകഴിഞ്ഞ് മൂന്നോടെ എറണാകുളം ബസലിക്ക പള്ളിയിൽ സംസ്കരിച്ചു.
നാനാതുറയിലുള്ള നൂറുകണക്കിനാളുകൾ കുഞ്ഞു കാതറിന് വിടചൊല്ലാൻ ഫ്ലാറ്റിൽ എത്തിയിരുന്നു ഹൈബി ഈഡൻ എംപി, മുൻ മന്ത്രി പി. രാജീവ് എന്നിവർ കാക്കനാട്ടെ ഫ്ലാറ്റിൽ എത്തി ആദരാഞ്ജലികളർപ്പിച്ചു.