പുല്പ്പള്ളി: വ്യാപാരി വ്യവസായി കോഓപ്പറേറ്റീവ് സൊസൈറ്റി വ്യാപാര ഭവനില് നിന്ന് മാറ്റി സ്ഥാപിക്കാനുള്ള ഭരണസമിതി തീരുമാനത്തിനെതിരേ വ്യാപാരി വ്യവസായി ഏകോപനസമിതി പുല്പ്പള്ളി യൂണിറ്റ് പ്രതിഷേധം രേഖപ്പെടുത്തി.
വ്യാപാരി സമൂഹത്തിന്റെ നന്മയ്ക്കായി രൂപീകരിച്ച് 1997 മുതല് പുല്പ്പള്ളി കേന്ദ്രീകരിച്ച് പ്രവര്ത്തിച്ചു വരുന്ന വ്യാപാരി വ്യവസായി കോ-ഓപറേറ്റീവ് സൊസൈറ്റിയെ സ്വാര്ഥ താത്പര്യങ്ങള്ക്കായി വ്യാപാരികളില് നിന്ന് അകറ്റാനുള്ള ശ്രമമാണ് ഇപ്പോള് നടക്കുന്നതെന്ന് യോഗം കുറ്റപ്പെടുത്തി. പഞ്ചായത്ത് ലൈസന്സ് ഉള്ള വ്യാപാരികള്ക്ക് മാത്രം അംഗത്വം നല്കി വ്യാപാരികളുടെ പുരോഗതി ലക്ഷ്യമിട്ട് പ്രവര്ത്തിക്കുന്ന സൊസൈറ്റി ആണിത്.
സൊസൈറ്റി മെംബര്മാരെ അറിയിക്കാതെയും ജനറല്ബോഡി വിളിച്ച് ചര്ച്ച ചെയ്യാതെയും സൊസൈറ്റി മാറ്റാന് തീരുമാനിച്ചതില് ദുരൂഹതയുണ്ടെന്ന് ഭാരവാഹികള് പറഞ്ഞു. 30 വര്ഷക്കാലമായി വ്യാപാരഭവനില് പ്രവര്ത്തിക്കുന്ന സൊസൈറ്റിക്ക് സംഘടനയുടെ ഫണ്ട് ഉപയോഗിച്ച് മുഴുവന് ഫര്ണിച്ചര് വര്ക്കുകളും ചെയ്തു കൊടുത്തിരുന്നു. ഇപ്പോഴും 650 രൂപ ദിവസ വാടകയ്ക്കാണ് സൊസൈറ്റി വ്യാപാര ഭവനില് പ്രവര്ത്തിക്കുന്നത്. പാര്ക്കിംഗും സൗകര്യങ്ങളമില്ലെന്ന് പറഞ്ഞ് പാര്ക്കിംഗ് സൗകര്യം തീരെഇല്ലാത്ത മറ്റൊരു ബില്ഡിംഗിന്റെ രണ്ടാം നിലയിലേക്ക് സൊസൈറ്റി പ്രവര്ത്തനം മാറ്റുന്നത് സൊസൈറ്റിയുടെ നന്മയെയെ കരുതിയല്ലെന്ന് യോഗം വിലയിരുത്തി.
തെരഞ്ഞെടുപ്പിന് കേവലം ആറുമാസം മാത്രം കാലാവധി ബാക്കിയുള്ള ഭരണസമിതി മെംബര്മാരായ മുഴുവന് വ്യാപാരികളേയും വെല്ലുവിളിച്ചുകൊണ്ടാണ് ഈ തീരുമാനം നടപ്പാക്കുന്നത്. മാത്രമല്ല സൊസൈറ്റിക്ക് ഭീമമായ ബാധ്യതയും വരുത്തി വയ്ക്കും. ഡയറക്ടര് ബോര്ഡിലെ ചിലര് നടത്തിയ വഴിവിട്ട സാമ്പത്തിക ഇടപാടുകളെ എതിര്ത്തതിന്റെ പേരിലാണ് സംഘടനയുമായി ഭിന്നിച്ചു സൊസൈറ്റിയെ തകര്ക്കാന് ശ്രമിക്കുന്നത്.
സൊസൈറ്റി മാറ്റി സ്ഥാപിക്കുന്നതിനെതിരേ ഏകോപന സമിതിയുടെ നേതൃത്വത്തില് പ്രതിഷേധ ധര്ണ സംഘടിപ്പിക്കുകയും സഹകരണ വകുപ്പില് പരാതി നല്കുകയും ചെയ്തിരുന്നു. സാമ്പത്തിക ക്രമക്കേടുകള്ക്കും സംഘടനാ വിരുദ്ധ പ്രവര്ത്തനത്തിനും ശിക്ഷാ നടപടികള്ക്ക് വിധേയരായവരുടെ നേതൃത്വത്തിലാണ് സൊസൈറ്റിയെ വ്യാപാരികളില് നിന്ന് അകറ്റാനുള്ള ശ്രമം നടത്തുന്നതെന്നും ഭാരവാഹികള് പറഞ്ഞു. യൂണിറ്റ് പ്രസിഡന്റ് മാത്യു മത്തായി ആതിര അധ്യക്ഷത വഹിച്ചു.
കെ.എസ്. അജിോന്, ഷാജിമോന് നീലിമ, കെ.എ. സ്കറിയ, കെ.വി. റഫീക്ക്, സജി വര്ഗീസ്, ബാബു രാജേഷ്, ഗിരിഷ് വര്ണം, പി. ജോസ്, എം. സതീഷ്, എം.വി. ബാബു, എം.ജെ. ഉലഹന്നാന്, സലീല് പൗലോസ്, കെ. ജോസഫ്, വേണുഗോപാല്, പി.എം. പൈലി, മനൂപ്, ശ്രീകുമാര്, പ്രഭാകരന്, പ്രസന്നകുമാര്, നിതിന് പെര്ഫെക്ട് എന്നിവര് പ്രസംഗിച്ചു.