വൈ​ക്കം: ​ത​ല​യാ​ഴം, ക​ല്ല​റ പ​ഞ്ചാ​യ​ത്തു​ക​ളി​ലൂ​ടെ ക​ട​ന്ന് വൈ​ക്കം - കോ​ട്ട​യം റോ​ഡി​നു സ​മാ​ന്ത​ര പാ​ത​യാ​യി വി​ഭാ​വ​നം ചെ​യ്ത വൈ​ക്കം - തോ​ട്ട​കം - വാ​ക്കേ​ത്ത​റ ക​ല്ലു​പു​ര​യ്ക്ക​ൽ റോ​ഡ് ആ​ധു​നി​ക നി​ല​വാ​ര​ത്തി​ൽ പു​ന​ർ നി​ർ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.

ത​ക​ർ​ന്ന് ഗ​താ​ഗ​ത യോ​ഗ്യ​മ​ല്ലാ​ത്ത ഈ ​റോ​ഡ് ഗ​താ​ഗ​ത സൗ​ക​ര്യ​മി​ല്ലാ​തെ വീ​ർ​പ്പു​മു​ട്ടു​ന്ന മു​ണ്ടാ​റി​ലെ 300ഓ​ളം കു​ടും​ബ​ങ്ങ​ൾ​ക്കും ത​ല​യാ​ഴം പ​ഞ്ചാ​യ​ത്തി​ന്‍റെ കി​ഴ​ക്ക​ൻ മേ​ഖ​ല​യി​ലെ നി​ർ​ധ​ന കു​ടും​ബ​ങ്ങ​ളു​ടെ ജീ​വി​ത മു​ന്നേ​റ്റ​ത്തി​നും വ​ഴി​യൊ​രു​ക്കു​ന്ന​താ​ണ്.

10 വ​ർ​ഷം മു​മ്പ് ഈ ​റോ​ഡ് ആ​ധു​നി​ക നി​ല​വാ​ര​ത്തി​ൽ ന​വീ​ക​രി​ക്കു​ന്ന​തി​ന് കി​ഫ്ബി​യി​ൽ ഉ​ൾ​പ്പെ​ടു​ത്തി 20 കോ​ടി രൂ​പ ബ​ജ​റ്റി​ൽ വ​ക​യി​രു​ത്തി​യെ​ങ്കി​ലും സാ​ങ്കേ​തി​ക​ത്വ​ത്തി​ൽ കു​ടു​ങ്ങി പ​ദ്ധ​തി യാ​ഥാ​ർ​ഥ്യ​മാ​യി​ല്ല. കി​ഫ്ബി​യി​ൽ ഉ​ൾ​പ്പെ​ടു​ത്തി 12 മീ​റ്റ​ർ വീ​തി​യി​ൽ മാ​ത്ര​മേ ഈ ​റോ​ഡ് നി​ർ​മി​ക്കാ​നാ​കു.

പാ​ട​ശേ​ഖ​ര​ങ്ങ​ൾ​ക്കു ന​ടു​വി​ലൂ​ടെ ക​ട​ന്നു​പോ​കു​ന്ന ഈ ​റോ​ഡി​ന് ഭൂ​രി​ഭാ​ഗം സ്ഥ​ല​ങ്ങ​ളി​ലും എ​ട്ട് മീ​റ്റ​ർ വീ​തി​യു​ണ്ട്. 12 മീ​റ്റ​ർ വീ​തി​യി​ൽ സ്ഥ​ല​മെ​ടു​ക്കാ​ൻ പ്രാ​യോ​ഗി​ക ബു​ദ്ധി​മു​ട്ടു​ള്ള​തി​നാ​ൽ കി​ഫ്ബി അ​ധി​കൃ​ത​ർ​ക്ക് പ​ദ്ധ​തി​യു​ടെ തു​ട​ർ പ്ര​വ​ർ​ത്ത​ന​ങ്ങ​ൾ ന​ട​ത്താ​നാ​യി​ല്ല. പാ​ട​ശേ​ഖ​ര​ത്തി​നൊ​പ്പം താ​ഴ്ന്ന നി​ല​യി​ൽ കി​ട​ക്കു​ന്ന റോ​ഡി​ൽ വെ​ള്ളം നി​റ​യു​ന്ന​തി​നാ​ൽ വാ​ഹ​ന ഗ​താ​ഗ​ത​വും കാ​ൽ​ന​ട​യും ഇ​തു​വ​ഴി ഒ​രു​പോ​ലെ ദൃ​ഷ്ക​ര​മാ​ണ്.

റോ​ഡ് ഗ​താ​ഗ​ത യോ​ഗ്യ​മാ​ക്ക​ണ​മെ​ന്ന ആ​വ​ശ്യ​മാ​യി ജ​ന​കീ​യ സ​മി​തി നി​ര​വ​ധി​ത​വ​ണ മ​ന്ത്രി​മാ​രെ​യ​ട​ക്കം ക​ണ്ട് റോ​ഡി​ന്‍റെ പ​രി​താ​പ​ക​ര​മാ​യ സ്ഥി​തി ബോ​ധ്യ​പ്പെ​ടു​ത്തി​യി​രു​ന്നു. തു​ട​ർ​ന്ന് പൊ​തു​മ​രാ​മ​ത്ത് വ​കു​പ്പ് മ​ന്ത്രി​യു​മാ​യി ന​ട​ന്ന ച​ർ​ച്ച​യെ തു​ട​ർ​ന്ന് കി​ഫ്ബി​യി​ൽ നി​ന്നു മാ​റ്റാ​തെ ത​ന്നെ പ്ര​ള​യ​ത്തി​ൽ ത​ക​ർ​ന്ന​ടി​ഞ്ഞ റോ​ഡി​ന്‍റെ പു​ന​ർ​നി​ർ​മ്മാ​ണം സാ​ധ്യ​മാ​കു​മെ​ന്ന് കി​ഫ്ബി അ​ധി​കൃ​ത​ർ ഉ​റ​പ്പു​ന​ൽ​കി​യി​രു​ന്നെ​ങ്കി​ലും തു​ട​ർ​ന​ട​പ​ടി​ക​ൾ ഉ​ണ്ടാ​യി​ല്ലെ​ന്ന് ജ​ന​കീ​യ സ​മ​ര​സ​മി​തി ര​ക്ഷാ​ധി​കാ​രി എം.​കെ. ദി​ലീ​പ്, ചെ​യ​ർ​മാ​ൻ പി.​എ.​ഷി​ബു, ക​ൺ​വീ​ന​ർ ജ​യ​ൻ ക​ല്ലു​പു​ര തു​ട​ങ്ങി​യ​വ​ർ പ​റ​ഞ്ഞു.

തോ​ട്ട​കം ഗ​വ​ൺ​മെ​ന്‍റ് എ​ൽ​പി സ്കൂ​ൾ ജം​ഗ്ഷ​നി​ൽ നി​ന്നു ആ​രം​ഭി​ക്കു​ന്ന ഒ​ൻ​പ​തു കി​ലോ​മീ​റ്റ​ർ ദൈ​ർ​ഘ്യ​മു​ള്ള റോ​ഡ് ക​ല്ല​റ എ​ത്ത​ക്കു​ഴി​യി​ലാ​ണ് അ​വ​സാ​നി​ക്കു​ന്ന​ത്. ത​ല​യാ​ഴം-​ക​ല്ല​റ പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ച് കെ ​വി ക​നാ​ലി​നു കു​റു​കെ നി​ർ​മി​ച്ച പാ​ല​ത്തി​ന്‍റെ സ​മീ​പ​ന റോ​ഡ് നി​ർ​മി​ക്കാ​ത്ത​തി​നാ​ൽ കു​ത്ത​നെ​യു​ള്ള റോ​ഡി​ലൂ​ടെ ന​ട​ന്നു​ക​യ​റാ​നും വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​നും ന​ന്നേ പ​ണി​പ്പെ​ടേ​ണ്ടി​വ​രു​ന്നു.

ഈ ​പാ​ല​ത്തി​ന് 300 മീ​റ്റ​ർ അ​ക​ലെ ത​ല​യാ​ഴം പ​ഞ്ചാ​യ​ത്ത് പ​രി​ധി​യി​ൽ ഗ​താ​ഗ​ത​യോ​ഗ്യ​മാ​യ റോ​ഡു​ണ്ട്. പാ​ല​ത്തി​ലേ​യ്ക്കെ​ത്തു​ന്ന 300 മീ​റ്റ​റോ​ളം മ​ൺ വ​ഴി​യി​ൽ വ​ലി​യ​കു​ഴി​ക​ൾ രൂ​പ​പ്പെ​ട്ടി​രി​ക്കു​ക​യാ​ണ്. പാ​ല​ത്ി​ൻ്റെ മ​റു​വ​ശം പാ​ട​ശേ​ഖ​ര​ത്തി​ന് ന​ടു​വി​ലൂ​ടെ പോ​കു​ന്ന റോ​ഡ് വെ​ള്ള​ത്തി​ൽ മു​ങ്ങി​യ നി​ല​യി​ലാ​ണ്. പു​റം ബ​ണ്ടി​ല്ലാ​ത്ത​തി​നാ​ൽ വ​ർ​ഷ​ങ്ങ​ളാ​യി ഈ ​പാ​ട​ശേ​ഖ​ര​ത്തി​ൽ കൃ​ഷി മു​ട​ങ്ങി​യി​രി​ക്കു​ക​യാ​ണ്. വെ​ള്ള​പ്പൊ​ക്കം പ​തി​വാ​യ​തോ​ടെ കു​ടും​ബ​ങ്ങ​ൾ പ​ല​തും മ​ക്ക​ളു​ടെ പ​ഠ​ന​വും മ​റ്റും ക​ണ​ക്കി​ലെ​ടു​ത്ത് വീ​ട് ഉ​പേ​ക്ഷി​ച്ച് വാ​ട​ക വീ​ടു​ക​ളി​ലേ​ക്ക് മാ​റി.
വൈ​ക്ക​ത്തെ മൂ​ന്നു പ​ഞ്ചാ​യ​ത്തു​ക​ളെ ത​മ്മി​ൽ ബ​ന്ധി​പ്പി​ക്കു​ന്ന ക​ല്ല​റ - മു​ണ്ടാ​ർ - വാ​ക്കേ​ത്ത​റ റോ​ഡ് പൂ​ർ​ത്തി​യാ​യാ​ൽ 5000 ഏ​ക്ക​റോ​ളം നെ​ൽ കൃ​ഷി​ക്കും മ​റ്റ് ഇ​ട​വി​ള​ക​ൾ​ക്കും ഗു​ണ​ക​ര​മാ​കും. വൈ​ക്ക​ത്തെ ഉ​ൾ​നാ​ട​ൻ​വി​നോ​ദ സ​ഞ്ചാ​ര മേ​ഖ​ല​യി​ലെ പ്ര​ധാ​ന ഇ​ട​മാ​യി മാ​റി​യ മു​ണ്ടാ​റി​ന്‍റെ വി​ക​സ​ന​ത്തി​നും റോ​ഡു​വി​ക​സ​നം ആ​ക്കം കൂ​ട്ടും.

Tags :