രണ്ടാമത്തെ ഇൻക്രിമെന്‍റ് പ്രൊബേഷൻ ഡിക്ലയർ ചെയ്ത തീയതിയിൽ

വിദ്യാഭ്യാസ വകുപ്പിൽ ഓഫീസ് അറ്റൻഡന്‍റ് ആയിരിക്കേ പിഎസ്‌‌സി മുഖേന പഞ്ചായത്ത് വകുപ്പിൽ ക്ലർക്ക് ആയി 10 -8- 2013ൽ ജോലിയിൽ പ്രവേശിച്ചു. 2014ലെ ശന്പള പരിഷ്കരണ പ്രകാരം ഓപ്ഷൻ എല്ലാവർക്കും ജൂലൈ മാസത്തിലായിരുന്നല്ലോ. ഡിപ്പാർട്ട്മെന്‍റൽ ടെസ്റ്റുകൾ പാസാകാൻ താമസിച്ചതിനാൽ എന്‍റെ പ്രൊബേഷൻ 2018 മേയിലാണ് പൂർത്തീകരിച്ചത്. ഇതിൻ പ്രകാരം എന്‍റെ ഇൻക്രിമെന്‍റുകൾ ഏതു മാസത്തിലായിരിക്കും ലഭിക്കുക. എനിക്ക് ആദ്യത്തെ ഇൻക്രിമെന്‍റ് മാത്രമാണ് ലഭിച്ചിട്ടുള്ളത്. രണ്ടാമത്തെയും തുടർന്നുള്ള ഇൻക്രിമെന്‍റുകളും ഏതു മാസത്തിലാണ് ലഭിക്കുക.
ശ്രീജയ, ഏറ്റുമാനൂർ

ശന്പളപരിഷ്കരണ പ്രകാരം 1 -7- 2014വച്ച് എല്ലാ ജീവനക്കാരുടേയും ശന്പളം പരിഷ്കരിച്ചില്ലെങ്കിലും തുടർന്നുള്ള ഇൻക്രിമെന്‍റുകൾ മുന്പ് വാങ്ങിച്ചിരുന്ന തീയതികളിലാണ്. താങ്കളുടെ ഇൻക്രിമെന്‍റ് എട്ടാം മാസത്തിലാണ് എന്നു കാണുന്നു. പ്രൊബേഷൻ ഡിക്ലയർ ചെയ്യാൻ താമസിച്ചതുകൊണ്ട് രണ്ടാം ഇൻക്രിമെന്‍റ് പ്രൊബേഷൻ ഡിക്ലയർ ചെയ്ത തീയതിയിൽ ലഭിക്കും. എന്നാൽ ആ തീയതിയിൽതന്നെ താങ്കൾക്ക് കുടിശികയായി കിടന്നിരുന്ന ഇൻക്രിമെന്‍റുകൾ കൂടി നൽകുന്നതാണ്. അതിനുശേഷം പിന്നീടുള്ള ഇൻക്രിമെന്‍റുകൾ എട്ടാം മാസം വച്ചുതന്നെ തുടർന്നു ലഭിക്കും.