മനിലയിൽ നടന്ന 49-ാമത് ആസിയാൻ ഉച്ചകോടിക്കിടെ ഗാല ഡിന്നറിന് മുന്നോടിയായി ഫിലിപ്പീൻസ് പ്രസിഡന്റ് ഫെർഡിനാൻഡ് മാർക്കോസ് ജൂനിയർ ഇന്ത്യൻ പ്രധാനമന്ത്രി നരേന്ദ്ര മോദിയുമായി ഹസ്തദാനം ചെയ്യുന്നു.
മനില: തെക്കുകിഴക്കന് ഏഷ്യന് രാജ്യങ്ങളുമായി ഉഭയകക്ഷിബന്ധം ശക്തിപ്പെടുത്തുക ലക്ഷ്യമിട്ട് ആസിയാൻ ഉച്ചകോടിക്കായി പ്രധാനമന്ത്രി നരേന്ദ്രമോദി ഫിലിപ്പീന്സ് തലസ്ഥാനമായ മനിലയിലെത്തി.
ഫിലിപ്പീന്സ് പ്രസിഡന്റ് ഫെര്ഡിനാന്ഡ് ആര്. മാര്ക്കോസ് ജൂണിയറിന്റെ ക്ഷണപ്രകാരമെത്തിയ പ്രധാനമന്ത്രി ഇന്നു നടക്കുന്ന ആസിയാന്-ഇന്ത്യ ഉച്ചകോടിയിലും ഈസ്റ്റ് ഏഷ്യ ഉച്ചകോടിയിലും പങ്കെടുക്കും.
ഫിലിപ്പീന്സിലെ ഇന്ത്യന് സമൂഹവുമായുള്ള പ്രധാനമന്ത്രിയുടെ കൂടിക്കാഴ്ചയും നിശ്ചയിച്ചിട്ടുണ്ട്. ഇന്ത്യയും യുഎസും ഓസ്ട്രേലിയയും ജപ്പാനും അടങ്ങുന്ന ക്വാഡ് രാജ്യങ്ങളിലെ നേതാക്കളുടെ കൂടിക്കാഴ്ച ഇന്നു മനിലയിൽ നടക്കുമെന്ന് വൈറ്റ്ഹൗസ് അസിസ്റ്റന്റ് പ്രസ് സെക്രട്ടറി ഒലിവിയ വെയ്ൽസ് അറിയിച്ചു.
രണ്ടുവര്ഷത്തിലൊരിക്കല് ചേരുന്ന സമ്മേളനത്തിൽ യുഎസ് പ്രസിഡന്റ് ഡോണള്ഡ് ട്രംപ്, ഓസ്ട്രേലിയന് പ്രധാനമന്ത്രി ആന്റണി ആല്ബനിസ്, ജപ്പാന് പ്രധാനമന്ത്രി തകയ്ചി സനെ എന്നിവരും പങ്കെടുക്കും. ഈ യോഗത്തിനുമുന്പ് മോദിയും ട്രംപും ഹ്രസ്വചര്ച്ച നടത്തിയേക്കുമെന്നു സൂചനയുണ്ട്. ഇന്ത്യ-യുഎസ് വ്യാപാരക്കരാര് ഉള്പ്പടെ ചർച്ചയിൽ ഇടംപിടിച്ചേക്കുമെന്നും റിപ്പോർട്ടുകൾ പറയുന്നു.
Tags : Narendra Modi Manila Trump Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash