കുവൈറ്റ് സിറ്റി: ഇന്ത്യൻ റിപ്പബ്ലിക് ദിനാഘോഷത്തിന്റെ ഭാഗമായി ലുലു ഹൈപ്പർ മാർക്കറ്റ് കുവൈറ്റ് "ഇന്ത്യ ഉത്സവ്' സംഘടിപ്പിക്കുന്നു. കുവൈറ്റിലെ വിവിധ ഔട്ട്ലെറ്റുകളിലായി 2026 - 27 വരെ നീണ്ടു നിൽക്കുന്ന "ഇന്ത്യ ഉത്സവ്' അൽ-റായി ലുലു ഹൈപ്പർമാർക്കറ്റിൽ കുവൈറ്റിലെ ഇന്ത്യൻ അംബാസഡർ പരമിത ത്രിപാഠിയാണ് ഉദ്ഘാടനം നിർവഹിച്ചു.
ലുലു കുവൈറ്റിന്റെ ഉന്നത മാനേജ്മെന്റ് അംഗങ്ങളും ഉദ്യോഗസ്ഥരും ചടങ്ങിൽ പങ്കെടുത്തു. പരമ്പരാഗത ഇന്ത്യൻ സംഗീത ബാൻഡിന്റെ അവതരണത്തോടെയാണ് ആഘോഷങ്ങൾക്ക് തുടക്കം കുറിച്ചത്.
ഇന്ത്യൻ ബ്രാൻഡഡ് ഉത്പന്നങ്ങളായ ഗ്രോസറികൾ, മാംസം, പഴങ്ങളും പച്ചക്കറികളും ഹെൽത്ത് ആൻഡ് ബ്യൂട്ടി ഉത്പന്നങ്ങൾ, ഫ്രെഷ്, ഫ്രോസൺ ഭക്ഷ്യവസ്തുക്കൾ, ഫാഷൻ വസ്ത്രങ്ങൾ, പാദരക്ഷകൾ എന്നിവയുൾപ്പെടെ നിരവധി വിഭാഗങ്ങളിൽ ആകർഷകമായ വിലക്കുറവുകളും പ്രത്യേക ഓഫറുകളും ഉപഭോക്താക്കൾക്ക് ലഭിക്കും.
സാരികൾ, ചുരിദാറുകൾ, ലെഹങ്കകൾ എന്നിവയ്ക്ക് ഫ്ലാറ്റ് 25 ശതമാനം ഡിസ്കൗണ്ട് പ്രഖ്യാപിച്ചതോടെ എല്ലാ പ്രായത്തിലുള്ള ഷോപ്പർമാരുടെയും ആവേശം ഇരട്ടിയായി.

ഇന്ത്യൻ എത്നിക് വെയർ ഫാഷൻ ഷോയും ഇന്ത്യൻ ദേശഭക്തി ഗ്രൂപ്പ് ഗാനമത്സരവും ആഘോഷത്തിന്റെ ഭാഗമായി സംഘടിപ്പിച്ചു.
കുവൈറ്റിലെ 15-ലധികം ഇന്ത്യൻ സ്കൂളുകൾ ഈ മത്സരങ്ങളിൽ പങ്കെടുത്തു. ആദ്യ മൂന്ന് സ്ഥാനങ്ങൾ നേടിയവർക്ക് ഗിഫ്റ്റ് വൗച്ചറുകളും ട്രോഫികളും സമ്മാനമായി നൽകി. മറ്റ് എല്ലാ പങ്കെടുത്തവർക്കും അവരുടെ കഴിവിനെയും ഉത്സാഹത്തെയും അംഗീകരിച്ച് പങ്കാളിത്ത സർട്ടിഫിക്കറ്റുകളും നൽകി.
ലുലു ഹൈപ്പർമാർക്കറ്റിന്റെ "ഇന്ത്യ ഉത്സവ്' കുവൈറ്റിലെ ഇന്ത്യൻ സമൂഹത്തെ ഒരുമിപ്പിച്ച് പാരമ്പര്യവും സംസ്കാരവും ദേശീയ അഭിമാനവും ആഘോഷിക്കുന്ന ഒരു വിജയകരമായ വേദിയായി മാറി.
വിനോദം, വിജ്ഞാനം, ഷോപ്പിംഗ് അനുഭവങ്ങൾ എന്നിവ ഒരുമിച്ച് പകരുന്ന ഈ ആഘോഷം ഇന്ത്യൻ റിപ്പബ്ലിക് ദിനത്തിനുള്ള മനോഹരമായ ഒരു സ്മരണയായി.
Tags : Lulu Hypermarket India Utsav Kuwait