ക​ർ​ണാ​ട​ക​സം​ഗീ​ത​ലോ​ക​ത്തി​ന് യേ​ശു​ദാ​സ് ആ​രാ​ണ്? ത​ല​മു​റ​ക​ൾ അ​ദ്ദേ​ഹ​ത്തി​ന്‍റെ ക​ച്ചേ​രി​ക​ൾ കേ​ട്ട​ത് ഏ​തു​വി​ധ​മാ​ണ്?.. എം.​എ​സ്. സു​ബ്ബ​ല​ക്ഷ്മി​യു​ടെ പേ​രി​ലു​ള്ള ത​മി​ഴ്നാ​ട് സ​ർ​ക്കാ​രി​ന്‍റെ പു​ര​സ്കാ​രം യേ​ശു​ദാ​സി​ലേ​ക്ക് എ​ത്തു​ന്ന വേ​ള​യി​ൽ വേ​റി​ട്ടൊ​രു കേ​ൾ​വി...

ഏ​തൊ​രു ക​ല​യു​ടെ​യും വ​ള​ർ​ച്ച​യും തു​ട​ർ​ച്ച​യും സം​ഭ​വി​ക്കു​ന്ന​ത് കാ​ലാ​കാ​ല​ങ്ങ​ളി​ൽ പു​തി​യ ആ​സ്വാ​ദ​ക​ർ സൃ​ഷ്ടി​ക്ക​പ്പെ​ടു​ന്ന​തി​ലൂ​ടെ​യാ​ണ്. ഓ​രോ ക​ലാ​കാ​ര​നും (ക​ലാ​കാ​രി​യും) താ​ൻ ക​യ്യാ​ളു​ന്ന ക​ല​യു​ടെ വ​ക്താ​വാ​യി മാ​റു​ന്പോ​ൾ ഒ​രു ആ​സ്വാ​ദ​ക സ​മൂ​ഹം രൂ​പ​പ്പെ​ടു​ന്നു.

വ​ശ്യ​മാ​യ ശ​ബ്ദ​ഗു​ണം​കൊ​ണ്ട് അ​നേ​കാ​യി​ര​ങ്ങ​ളെ ആ​രാ​ധ​ക​രാ​ക്കി​മാ​റ്റി എ​ന്ന​തു​മാ​ത്ര​മ​ല്ല എം.​എ​സ്. സു​ബ്ബ​ല​ക്ഷ്മി​യെ​യും യേ​ശു​ദാ​സി​നെ​യും വേ​റി​ട്ടു​നി​ർ​ത്തു​ന്ന​ത്. ഈ ​ആ​രാ​ധ​ക​രി​ലെ വ​ലി​യൊ​രു വി​ഭാ​ഗ​ത്തെ​യും സ്വ​ക്ഷേ​ത്ര​മാ​യ ക​ർ​ണാ​ട​ക സം​ഗീ​ത​ത്തി​ലേ​ക്ക് അ​ടു​പ്പി​ച്ചു​നി​ർ​ത്താ​ൻ ഇ​വ​രോ​ളം സാ​ധി​ച്ച മ​റ്റ് എ​ത്ര​പേ​രു​ണ്ട്?

മു​ത്തു​സ്വാ​മി ദീ​ക്ഷി​ത​രെ​ക്കു​റി​ച്ച് ഒ​രു സാ​ധാ​ര​ണ​ക്കാ​ര​ൻ അ​റി​യു​ന്ന​ത് എം.​എ​സ്. പാ​ടു​ന്ന രം​ഗ​പു​ര​വി​ഹാ​ര കേ​ട്ടി​ട്ടാ​യി​രി​ക്കും. അ​തു​പോ​ലെ യേ​ശു​ദാ​സ് പാ​ടി​യ പാ​ട്ടു​ക​ൾ ഏ​റ്റു​പാ​ടു​ന്ന​ത് കേ​ട്ട​തു​കൊ​ണ്ടാ​യി​രി​ക്കും കേ​ര​ള​ത്തി​ലെ മാ​താ​പി​താ​ക്ക​ൾ മ​ക്ക​ളു​ടെ സം​ഗീ​ത​വാ​സ​ന തി​രി​ച്ച​റി​ഞ്ഞ​തും പാ​ട്ടു പ​ഠി​പ്പി​ച്ച​തും.

ഇ​ത്ത​ര​ത്തി​ലു​ള്ള വ്യ​ക്തി​പ്ര​ഭാ​വ​ങ്ങ​ളു​ടെ അ​സാ​ന്നി​ധ്യ​ത്തി​ൽ (ക​ഴി​ഞ്ഞ ഒ​ര​ഞ്ചു​വ​ർ​ഷ​ത്തി​ൽ) ക​ർ​ണാ​ട​ക സം​ഗീ​ത​ത്തി​ന് എ​ത്ര പു​തി​യ ആ​സ്വാ​ദ​ക​ർ, അ​ല്ലെ​ങ്കി​ൽ വി​ദ്യാ​ർ​ഥി​ക​ൾ ഉ​ണ്ടാ​യി​ട്ടു​ണ്ട് എ​ന്ന ക​ണ​ക്കെ​ടു​ത്താ​ൽ സ​ന്തോ​ഷി​ക്കാ​ൻ അ​ധി​ക​മു​ണ്ടാ​വി​ല്ല.

ക​ച്ചേ​രി​ക​ളി​ലെ യേ​ശു​ദാ​സ്

സി​നി​മാ​ഗാ​ന​രം​ഗ​ത്തി​ന് ദാ​സേ​ട്ട​ൻ ആ​രാ​ണെ​ന്ന കാ​ര്യ​ത്തി​ൽ ത​ർ​ക്ക​മി​ല്ല. എ​ന്നാ​ൽ ക​ർ​ണാ​ട​ക​സം​ഗീ​ത​ലോ​ക​ത്തി​ന് കെ.​ജെ. യേ​ശു​ദാ​സ് ആ​രാ​ണ്? വ​ലി​യൊ​രു വി​ഭാ​ഗ​ത്തി​ന് യേ​ശു​ദാ​സെ​ന്നാ​ൽ ചെ​ന്പൈ വൈ​ദ്യ​നാ​ഥ ഭാ​ഗ​വ​ത​രെ അ​നു​സ്മ​രി​പ്പി​ക്കു​ന്ന, വാ​താ​പി​യും താ​യേ യ​ശോ​ദ​യും പാ​വ​ന​ഗു​രു​വും പാ​ടു​ന്ന വ​ത്സ​ല ശി​ഷ്യ​നാ​ണ്.

വേ​റേ ചി​ല​ർ​ക്ക് ഗോ​പാ​ല​ക പാ​ഹി​മാം, ക്ഷീ​ര​സാ​ഗ​ര ശ​യ​ന, കൃ​പ​യാ പാ​ല​യ എ​ന്നീ കൃ​തി​ക​ൾ ക​ടു​കി​ട മാ​റ്റ​മി​ല്ലാ​തെ കേ​ൾ​ക്കാ​നാ​ണി​ഷ്ടം. യേ​ശു​ദാ​സി​ന്‍റെ ഒ​ട്ടു​മി​ക്ക ക​ച്ചേ​രി​ക​ളു​ടെ​യും ഉ​ത്ത​രാ​ർ​ധം നി​ശ്ച​യി​ച്ചി​രു​ന്ന​ത് സി​നി​മാ​ഗാ​ന, ല​ളി​ത​ഗാ​ന പ്രേ​മി​ക​ളു​ടെ ഇം​ഗി​ത​ങ്ങ​ൾ​ക്ക​നു​സ​രി​ച്ചാ​ണ്.

കു​റ​ച്ചു​കൂ​ടി ഗൗ​ര​വ​മാ​യി ക​ച്ചേ​രി​കേ​ൾ​ക്കു​ന്ന​വ​ർ​ക്ക് അ​ദ്ദേ​ഹം ക​ല്യാ​ണി, ഖ​ര​ഹ​ര​പ്രി​യ, ശ​ങ്ക​രാ​ഭ​ര​ണം, ചാ​രു​കേ​ശി, മോ​ഹ​നം, മ​ധ്യ​മാ​വ​തി തു​ട​ങ്ങി​യ രാ​ഗ​ങ്ങ​ൾ വി​സ്ത​രി​ച്ചു​പാ​ടു​ന്ന​ത് എ​ത്ര​കേ​ട്ടാ​ലും മ​തി​വ​രി​ല്ല. അ​ത്ര​ത്തോ​ളം​ത​ന്നെ വി​മ​ർ​ശ​ക​രു​മു​ണ്ട് ഇ​ക്കാ​ര്യ​ത്തി​ൽ. ക്ര​മ​സ​ന്പൂ​ർ​ണ​ങ്ങ​ളാ​യ രാ​ഗ​ങ്ങ​ളും ഒൗ​ഡ​വ, ഷാ​ഡ​വ രാ​ഗ​ങ്ങ​ളും വി​സ്ത​രി​ക്കു​ന്ന​തി​ല​ല്ല മ​ഹ​ത്വം എ​ന്നാ​ണ് ഇ​വ​രു​ടെ വാ​ദം.

എ​ന്നാ​ൽ യേ​ശു​ദാ​സ് പാ​ടു​ന്ന തി​ക​വോ​ടു​കൂ​ടി മൂ​ന്നു സ്ഥാ​യി​ക​ളി​ലും അ​ന്യ​സ്വ​ര​ങ്ങ​ൾ ക​ട​ന്നു​കൂ​ടാ​തെ അ​തി​വി​ളം​ബ​വും അ​തി​ദ്രു​ത​വും സ്വാ​യ​ത്ത​മാ​ക്കാ​ൻ മേ​ള​ക​ർ​ത്താ​രാ​ഗ​ങ്ങ​ൾ എ​ത്ര നി​ഷ്ഠ​യോ​ടെ സാ​ധ​കം ചെ​യ്തു​കൊ​ണ്ടി​രി​ക്ക​ണം എ​ന്ന​ത് കേ​ൾ​വി​ക്കാ​ര​ന് അ​റി​യേ​ണ്ട​ല്ലോ!

ശേ​ഷി​ക്കു​ന്ന ഒ​രു വി​ഭാ​ഗം കേ​ൾ​വി​ക്കാ​രു​ടെ കാ​ര്യം എ​ടു​ത്തു​പ​റ​യ​ണം. സാ​ന്പ്ര​ദാ​യി​ക​മാ​യ സം​ഗീ​തം മാ​ത്രം അം​ഗീ​ക​രി​ക്കു​ന്ന ഇ​വ​ർ​ക്ക് അ​ദ്ദേ​ഹം പാ​ടു​ന്ന നാ​രാ​യ​ണ​ഗൗ​ള​യോ നാ​സി​കാ​ഭൂ​ഷ​ണി​യോ വി​വ​ർ​ധി​നി​യോ വാ​ഗ​ധീ​ശ്വ​രി​യോ കോ​മ​ളാം​ഗി​യോ രാ​മ​പ്രി​യ​യോ ഒ​ന്നും കേ​ൾ​ക്കാ​തി​രി​ക്കാ​നാ​വി​ല്ല. അ​ത് പ​റ​ഞ്ഞു​ന​ട​ക്കാ​റി​ല്ലെ​ന്നു മാ​ത്രം.

സി​നി​മാ​പ്പാ​ട്ടു​കാ​ര​ന് ക​ർ​ണാ​ട​ക​സം​ഗീ​ത​ത്തി​ന്‍റെ ര​ക്തി വ​ഴ​ങ്ങു​മോ എ​ന്ന് സം​ശ​യ​മു​ള്ള​വ​ർ​ക്ക് അ​ദ്ദേ​ഹം പ​ണ്ടു പാ​ടി​വ​ച്ചി​ട്ടു​ള്ള ഭൈ​ര​വി രാ​ഗ​ത്തി​ന്‍റെ ആ​ലാ​പ​നം ഒ​ന്നു കേ​ട്ടു​നോ​ക്കാ​വു​ന്ന​താ​ണ്. ഗ​മ​ക​ങ്ങ​ളും അ​ച​ല​സ്വ​ര​ങ്ങ​ളും വേ​ർ​തി​രി​ച്ചു പ്ര​യോ​ഗി​ക്കു​ന്ന​തി​ലു​ള്ള പ്രാ​ഗ​ത്ഭ്യം കേ​ട്ടു​മ​ന​സി​ലാ​ക്കേ​ണ്ട​താ​ണ്.

അ​തെ​വി​ടെ​യെ​ല്ലാം പ്ര​യോ​ഗി​ക്കു​ന്നു എ​ന്ന കാ​ര്യ​ത്തി​ൽ അ​ഭി​പ്രാ​യ​ങ്ങ​ൾ പ​ല​തു​ണ്ടാ​കാം. എ​ന്നാ​ൽ ഇ​ന്ന​ത്തെ സം​ഗീ​ത​സ​ദി​രു​ക​ളി​ൽ വ​ന്നു​കൂ​ടി​യി​ട്ടു​ള്ള ഗ​മ​ക​ങ്ങ​ളു​ടെ ദു​ർ​വി​നി​യോ​ഗം കേ​ൾ​ക്കു​ന്പോ​ൾ, ഒ​രു​കാ​ല​ത്ത് സി​നി​മാ​പ്പാ​ട്ടു​കാ​ര​ൻ എ​ന്നു​പ​റ​ഞ്ഞ് മാ​റ്റി​നി​ർ​ത്തി​യ ആ ​ഗാ​യ​ക​ൻ കാ​ണി​ച്ച​തി​ന്‍റെ പ​കു​തി ശ്ര​ദ്ധ​പോ​ലും ഇ​വ​ർ​ക്കൊ​ന്നും ഇ​ല്ലാ​തെ​പോ​യ​ല്ലോ എ​ന്ന് അ​ദ്ഭു​ത​പ്പെ​ടും.

ക​ച്ചേ​രി​യി​ൽ കെ.​ജെ. യേ​ശു​ദാ​സി​ന് നേ​രി​ടേ​ണ്ടി​വ​ന്നി​ട്ടു​ള്ള​ത് അ​ദ്ദേ​ഹ​ത്തി​ന്‍റെ പ്ര​തി​ച്ഛാ​യ​യോ​ടു മാ​ത്ര​മാ​ണ്. തെ​ളി​ഞ്ഞ ശ​ബ്ദ​ത്തി​ൽ, സ്ഫു​ട​മാ​യി തി​രു​ത്ത​ലു​ക​ൾ​ക്കി​ട​യി​ല്ലാ​ത്ത​വ​ണ്ണം അ​വ​ത​രി​പ്പി​ക്ക​പ്പെ​ടു​ന്ന ക​ച്ചേ​രി​ക​ൾ​ക്ക് "അ​ഴ്ത്ത'​മി​ല്ല എ​ന്ന് പാ​ര​ന്പ​ര്യ​വാ​ദി​ക​ൾ വി​ശ്വ​സി​ച്ചു.

പ​രി​മി​തി​ക​ളി​ല്ലാ​ത്ത ശാ​രീ​രം അ​വ​രെ ഒ​രു പ​രി​ധി​ക്ക​പ്പു​റം വി​സ്മ​യ​പ്പെ​ടു​ത്തി​യി​ല്ല. എ​ന്നാ​ൽ ന്യൂ​ന​ത​ക​ളു​ള്ള ശ​ബ്ദ​ത്തി​ന് പ​ല​പ്പോ​ഴും ക​ർ​ണാ​ട​ക സം​ഗീ​താ​സ്വാ​ദ​ക​ർ ന​ൽ​കി​വ​ന്നി​ട്ടു​ള്ള പ​രി​ഗ​ണ​ന പ്ര​തീ​ക്ഷി​ക്കു​ന്ന​തി​ലും അ​പ്പു​റ​മാ​യി​രി​ക്കും.

വ​രാ​നി​രി​ക്കു​ന്ന ത​ല​മു​റ​യെ​ങ്കി​ലും മു​ൻ​വി​ധി​ക​ളി​ല്ലാ​തെ യേ​ശു​ദാ​സി​ന്‍റെ ക​ച്ചേ​രി​ക​ളു​ടെ ഓ​ഡി​യോ കേ​ൾ​ക്കു​മെ​ന്നു ക​രു​താം. ചെ​ന്പൈ ഭാ​ഗ​വ​ത​രി​ൽ​നി​ന്നു പ​ഠി​ച്ച​തും, സം​ഗീ​ത​കോ​ള​ജി​ൽ​നി​ന്ന് പ​ഠി​പ്പി​ച്ച​തു​മ​ല്ലാ​തെ അ​ന​വ​ധി അ​പൂ​ർ​വ കീ​ർ​ത്ത​ന​ങ്ങ​ളും യേ​ശു​ദാ​സ് കേ​ട്ടു​പ​ഠി​ച്ചു.

ഭാ​വ​ന​ക​ള​ത്ര​യും പ്ര​ക​ട​മാ​ക്കാ​ൻ​പോ​ന്ന ക​ണ്ഠം കൈ​മു​ത​ലാ​ക്കി അ​പൂ​ർ​വ​രാ​ഗ​ങ്ങ​ളി​ൽ​പ്പോ​ലും അ​ദ്ദേ​ഹം ത​ന്‍റെ മ​നോ​ധ​ർ​മ​ങ്ങ​ൾ ലോ​ഭ​മി​ല്ലാ​തെ പ്ര​യോ​ഗി​ച്ചു. എ​ന്നാ​ൽ സം​ഗീ​ത​സം​വി​ധാ​യ​ക​ർ നി​ശ്ച​യി​ക്കു​ന്ന സി​നി​മാ​സം​ഗീ​ത​പാ​ഠ​ങ്ങ​ളി​ൽ ഒ​ന്നു​പോ​ലും ത​ന്‍റെ മ​നോ​ധ​ർ​മ​ങ്ങ​ൾ പ്ര​ക​ട​മാ​ക്കാ​നു​ള്ള ആ​യു​ധ​ങ്ങ​ളാ​യി മ​ന​പ്പൂ​ർ​വം അ​ദ്ദേ​ഹം മാ​റ്റി​യി​ട്ടി​ല്ല.

ശ​താ​ഭി​ഷേ​കം ക​ഴി​ഞ്ഞു​നി​ൽ​ക്കു​ന്പോ​ഴും യേ​ശു​ദാ​സ് ശ്രു​തി​ചേ​ർ​ത്തു​പാ​ടാ​തെ പോ​കു​ന്ന ദി​വ​സ​ങ്ങ​ൾ കു​റ​വാ​യി​രി​ക്കും. അ​തു കേ​ൾ​ക്കാ​നും പ്ര​ചോ​ദി​ത​രാ​കാ​നും ക​ഴി​യു​ന്നി​ല്ലെ​ങ്കി​ൽ ന​ഷ്ടം ഈ ​ത​ല​മു​റ​യ്ക്കും വ​രാ​നി​രി​ക്കു​ന്ന ത​ല​മു​റ​ക​ൾ​ക്കു​മാ​ണ്.

സം​ഗീ​ത​സ​ത്യം, ആ​ച​ന്ദ്ര​താ​രം

എം.​എ​സ്. സു​ബ്ബ​ല​ക്ഷ്മി​യു​ടെ പേ​രി​ലു​ള്ള പു​ര​സ്കാ​രം യേ​ശു​ദാ​സി​നു ല​ഭി​ക്കു​ന്പോ​ൾ ആ​ധു​നി​ക​സ​മൂ​ഹം ച​ർ​ച്ച​ചെ​യ്യേ​ണ്ട​ത് അ​വ​ർ ഇ​രു​വ​രും എ​ങ്ങ​നെ ഒ​രു കാ​ല​ത്തി​ന്‍റെ പാ​ട്ടു​കാ​രാ​യി എ​ന്നാ​ണ്. അ​വ​രു​ടെ കു​ടും​ബ പ​ശ്ചാ​ത്ത​ലം എ​ങ്ങ​നെ​യാ​യി​രു​ന്നു എ​ന്ന​ല്ല, ച​രി​ത്രം അ​വ​ർ​ക്കു മു​ന്പും ശേ​ഷ​വു​മെ​ന്ന് എ​ങ്ങ​നെ കു​റി​ക്ക​പ്പെ​ട്ടു എ​ന്നാ​ണ്..

ര​ണ്ടു​പേ​രും ഗു​രു​സ്ഥാ​ന​ത്തു ക​ണ്ടി​രു​ന്ന ശെ​മ്മാ​ങ്കു​ടി ശ്രീ​നി​വാ​സ​യ്യ​ർ എ​ന്ന മ​ഹാ​ഗു​രു​വി​നെ​യും അ​ദ്ദേ​ഹ​ത്തി​ന്‍റെ സം​ഗീ​ത​പ​ര​ന്പ​ര​യെ​യും അ​നു​സ്മ​രി​ക്കേ​ണ്ട​തു​ണ്ട്. സി​നി​മാ സം​ഗീ​ത​ശാ​ഖ​യ്ക്ക് ഇ​നി വ​രാ​നി​രി​ക്കു​ന്ന കാ​ലം ഏ​റ്റ​വു​മാ​വ​ശ്യം സാ​ങ്കേ​തി​ക​വി​ദ്യ​ത​ന്നെ​യാ​യി​രി​ക്കും, ശാ​സ്ത്രീ​യ​മാ​യ സം​ഗീ​താ​ഭ്യ​സ​ന​മാ​യി​രി​ക്കി​ല്ല.

കൃ​ത്രി​മ​ബു​ദ്ധി​ക്ക് മ​നു​ഷ്യ​മ​ന​സി​ൽ ഉ​ണ്ടാ​ക്കാ​വു​ന്ന ച​ല​ന​ങ്ങ​ൾ​ക്ക് അ​ധി​കം ആ​യു​സി​ല്ലെ​ന്ന് പാ​ട്ടി​ന്‍റെ ഉ​ട​യോ​ന്മാ​ർ തി​രി​ച്ച​റി​യു​ന്ന കാ​ലം വ​രാ​തി​രി​ക്കി​ല്ല. അ​ന്ന് നാ​ദം എ​ന്ന വാ​ക്കി​ന്‍റെ അ​ർ​ഥ​മ​ന്വേ​ഷി​ച്ച് അ​വ​ർ യാ​ത്ര പു​റ​പ്പെ​ടും. അ​തി​ൽ ചി​ല​ർ സ​മു​ദ്ര​നി​ര​പ്പി​ൽ​നി​ന്ന് നാ​ലാ​യി​രം അ​ടി മു​ക​ളി​ലു​ള്ള കാ​ന​ന​ക്ഷേ​ത്ര​ത്തി​ൽ എ​ത്തി​യേ​ക്കാം.

അ​വി​ടെ മ​ക​ര​മാ​സ​രാ​ത്രി​യി​ലെ മ​രം​കോ​ച്ചു​ന്ന ത​ണു​പ്പി​ലും ആ​യി​ര​ക്ക​ണ​ക്കി​ന് മ​നു​ഷ്യ​ർ ഒ​രു ശ​ബ്ദ​ത്തി​നാ​യി ചെ​വി​യോ​ർ​ക്കു​ന്ന​തു കാ​ണാം. മ​ധ്യ​മാ​വ​തി രാ​ഗ​ത്തി​ലു​ള്ള ആ ​സം​ഗീ​തം പ്ര​കൃ​തി​യു​മാ​യി ല​യി​ച്ചു​ചേ​രു​ന്പോ​ൾ മ​നു​ഷ്യ​ൻ തി​രി​ച്ച​റി​യും, സം​ഗീ​ത​ത്തി​ന് സ​ത്യ​മു​ണ്ടെ​ങ്കി​ൽ അ​ത് ആ​ച​ന്ദ്ര​താ​രം നി​ല​കൊ​ള്ളു​മെ​ന്ന്.

(പ്ര​ശ​സ്ത ക​ർ​ണാ​ട​ക സം​ഗീ​ത​ജ്ഞ​നാ​ണ് ലേ​ഖ​ക​ൻ)