വാ​തി​ലു​ക​ളും പൂ​ട്ടു​ക​ളു​മി​ല്ലാ​ത്ത ഒ​രു വീ​ട്ടി​ല്‍ ജീ​വി​ക്കു​ന്ന​തി​നെ​ക്കു​റി​ച്ച് നി​ങ്ങ​ള്‍​ക്ക് സ​ങ്ക​ല്‍​പ്പി​ക്കാ​നാ​വു​മോ? ഇ​ന്ത്യ​യി​ല്‍ അ​ങ്ങ​നെ​യൊ​രു ഗ്രാ​മംത​ന്നെ​യു​ണ്ടെ​ന്ന് പ​റ​ഞ്ഞാ​ല്‍ എ​ത്ര​പേ​ര്‍ വി​ശ്വ​സി​ക്കും. എ​ന്നാ​ല്‍ അതു യാ​ഥാ​ര്‍​ഥ്യമാണ്. മ​ഹാ​രാ​ഷ്ട്ര​യി​ലെ ശ​നി ശിം​ഗ​നാ​പു​ര്‍ ആ​ണ് ആ ​അ​ദ്ഭു​ത ഗ്രാ​മം. വീ​ടുകൾക്കു വാ​തി​ലു​ക​ളും ക​ട​ക​ള്‍​ക്ക് പൂ​ട്ടു​ക​ളു​മി​ല്ലെ​ങ്കി​ലും ഗ്രാ​മ​വാ​സി​ക​ള്‍​ക്ക് യാ​തൊ​രു അ​ര​ക്ഷി​ത​ത്വ​വും ഇ​വി​ടെ അ​നു​ഭ​വ​പ്പെ​ടാ​റി​ല്ല.

ശ​നി ഭ​ഗ​വാ​നി​ലു​ള്ള വി​ശ്വാ​സ​മാ​ണ് ഈ ​നാ​ട്ടു​കാ​രു​ടെ ധൈ​ര്യ​ത്തി​നു കാ​ര​ണമത്രേ. ത​ങ്ങ​ളു​ടെ ഗ്രാ​മ​ത്തെ ശ​നി ദേ​വ​ന്‍ ആ​പ​ത്തു​ക​ളി​ല്‍നി​ന്നു സം​ര​ക്ഷി​ക്കു​ന്നു​വെ​ന്നാ​ണ് ഇ​വ​രു​ടെ വി​ശ്വാ​സം. ദി​വ​സേ​ന നി​ര​വ​ധി തീ​ര്‍​ത്ഥാ​ട​ക​രാ​ണ് ഇ​വി​ടെ​യു​ള്ള ശ​നി​ദേ​വ ക്ഷേ​ത്രം സ​ന്ദ​ര്‍​ശി​ക്കു​ന്ന​ത്.

ശ​നി​ദേ​വ ക്ഷേ​ത്ര​ത്തെ​യും ഈ ​ഗ്രാ​മ​ത്തെ​യും പ​റ്റി പ​ല ഐ​തി​ഹ്യ​ങ്ങ​ളു​മു​ണ്ട്. അ​തി​ല്‍ പ്ര​ധാ​ന​മാ​യ​ത് ഇ​ങ്ങ​നെ: ഏ​താ​ണ്ട് 300 വ​ര്‍​ഷ​ങ്ങ​ള്‍​ക്കുമു​മ്പ് ഈ പ്ര​ദേ​ശ​ത്ത് വ​ലി​യൊ​രു വെ​ള്ള​പ്പൊ​ക്ക​മു​ണ്ടാ​യി. വെ​ള്ളം താ​ഴ്ന്ന​പ്പോ​ള്‍ പ​ന​സ്നാ​ലാ ന​ദി​യു​ടെ തീ​ര​ത്ത് ഒ​രു വ​ലി​യ ക​റു​ത്ത ക​ല്ല് നാ​ട്ടു​കാ​ര്‍ ക​ണ്ടെ​ത്തി. ഗ്രാ​മ​വാ​സി​ക​ളി​ലൊ​രാ​ള്‍ ഒ​രു വ​ടികൊ​ണ്ട് ക​ല്ലി​ല്‍ സ്പ​ര്‍​ശി​ച്ചമാ​ത്ര​യി​ല്‍ അ​തി​ല്‍നി​ന്ന് അ​ദ്ഭു​താ​വ​ഹ​മാ​യി ര​ക്തം ചീ​റ്റു​ക​യാ​യി​രു​ന്നു.

അ​ന്ന് രാ​ത്രി​യി​ല്‍ ശ​നി​ദേ​വ​ന്‍ ഗ്രാ​മ​വാ​സി​ക​ളു​ടെ സ്വ​പ്ന​ത്തി​ല്‍ പ്ര​ത്യ​ക്ഷ​പ്പെ​ട്ടു. ഈ ​ക​ല്ല് ത​ന്‍റെ ബിം​ബം ആ​ണെ​ന്നും അ​തി​നെ മ​തി​ല്‍​ക്കെ​ട്ടു​ക​ളൊ​ന്നു​മി​ല്ലാ​തെ തു​റ​സാ​യ സ്ഥ​ല​ത്തുവ​ച്ച് ആ​രാ​ധി​ക്ക​ണ​മെ​ന്നും ഗ്രാ​മ​വാ​സി​ക​ളോ​ടു നി​ര്‍​ദ്ദേ​ശി​ച്ചു.

അ​തോ​ടൊ​പ്പം ഗ്രാ​മ​ത്തെ മേ​ലി​ല്‍ സം​ര​ക്ഷി​ച്ചു കൊ​ള്ളാ​മെ​ന്നു വാ​ക്കുന​ല്‍​കി​യ ദേ​വ​ന്‍ വാ​തി​ലു​ക​ളും പൂ​ട്ടു​ക​ളു​മി​ല്ലാ​തെ ഭ​വ​ന​ങ്ങ​ള്‍ പ​ണി​യാ​ന്‍ നി​ര്‍​ദ്ദേ​ശി​ച്ചു​വെ​ന്നു​മാ​ണ് ഐ​തി​ഹ്യം. അ​ഞ്ച​ര​യ​ടി നീ​ള​മു​ള്ള ക​റു​ത്ത ആ ​ക​ല്ലാ​ണ് ശ​നി​ക്ഷേ​ത്ര​ത്തി​ലെ ബിം​ബം. ഇ​ത് ശ​നി​ദേ​വ​ന്‍റെ ആ​ജ്ഞാ​നു​സൃ​ത​മാ​യി തു​റ​സാ​യ സ്ഥ​ല​ത്താ​ണ് പ്ര​തി​ഷ്ഠി​ച്ചി​രി​ക്കു​ന്ന​ത്.

ക​ള്ള​ന്മാ​ര്‍​ക്കും അ​സ​ന്മാ​ര്‍​ഗി​ക​ള്‍​ക്കും ശ​നി​ദേ​വ​ന്‍ ഉ​ട​ന​ടി ശി​ക്ഷ ന​ല്‍​കു​മെ​ന്നാ​ണ് ഗ്രാ​മ​വാ​സി​ക​ളു​ടെ വി​ശ്വാ​സം. അ​തി​നാ​ല്‍ത​ന്നെ നൂ​റ്റാ​ണ്ടു​ക​ളാ​യി അ​വ​ര്‍ വാ​തി​ലു​ക​ളും പൂ​ട്ടു​ക​ളും ഇല്ലാത്ത‍ വീ​ടു​ക​ള്‍ പ​ണി​തു വ​സി​ച്ചു പോ​ന്നു. കു​റ​ച്ചു കാ​ലം മു​മ്പുവ​രെ ക​ട​ക​ളും ബാ​ങ്കു​ക​ളും പോലും ഈ ​പാ​ര​മ്പ​ര്യം തു​ട​ര്‍​ന്നി​രു​ന്നു.

2011ല്‍ ​യൂ​ക്കോ ബാ​ങ്ക് പൂ​ട്ടു​ക​ളി​ല്ലാ​ത്ത ഒ​രു ശാ​ഖ ഇ​വി​ടെ തു​റ​ന്നി​രു​ന്നു. എ​ന്നാ​ല്‍ അ​ടു​ത്തി​ടെ​യാ​യി ചി​ല ആ​ളു​ക​ള്‍ വാ​തി​ലു​ക​ള്‍ ഉ​പ​യോ​ഗി​ക്കാ​ന്‍ തു​ട​ങ്ങി​യി​ട്ടു​ണ്ട്. എ​ന്നി​രു​ന്നാ​ലും പൂ​ട്ടു​ക​ള്‍ മി​ക്ക​യി​ട​ത്തും ഇ​ല്ല. സ​മീ​പ ദ​ശാ​ബ്ദ​ങ്ങ​ളി​ല്‍ അ​ല്ല​റ ചി​ല്ല​റ മോ​ഷ​ണ​ങ്ങ​ള്‍ ഇ​വി​ടെ നി​ന്ന് റി​പ്പോ​ര്‍​ട്ട് ചെ​യ്തി​ട്ടു​ണ്ടെ​ങ്കി​ലും ശ​നി​ദേ​വ​നി​ലു​ള്ള ആ​ളു​ക​ളു​ടെ വി​ശ്വാ​സ​ത്തി​ന് ഇ​ള​ക്കംത​ട്ടി​യി​ട്ടി​ല്ല.

ശ​നി​യാ​ഴ്ച ദി​വ​സ​ങ്ങ​ളി​ലും ശ​നി അ​മാ​വാ​സി നാ​ളു​ക​ളി​ലും ആ​യി​ര​ങ്ങ​ളാ​ണ് ശ​നി​ക്ഷേ​ത്ര​ത്തി​ലേ​ക്ക് ഒ​ഴു​കു​ന്ന​ത്. ആ​ഴ​ത്തി​ലു​ള്ള വി​ശ്വാ​സം ഒ​രു ജ​ന​ത​യു​ടെ സം​സ്കാ​ര​ത്തി​ലും ജീ​വി​ത​ത്തി​ലും എ​ത്ര​മാ​ത്രം പ​രി​വ​ര്‍​ത്ത​ന​മു​ണ്ടാ​ക്കു​ന്നു എ​ന്ന​തി​ന്‍റെ ഉ​ത്ത​മ ദൃ​ഷ്ടാ​ന്ത​മാ​യാ​ണ് ശ​നി ശിം​ഗ​നാ​പു​ര്‍ ഇ​ന്നും നി​ല​കൊ​ള്ളു​ന്ന​ത്.