അടിമാലിയിൽ ഒൻപത് വയസുകാരന് ക്രൂരപീഡനം: മാതാവിനെ റിമാൻഡ് ചെയ്തു
Friday, August 26, 2016 3:21 AM IST
ദേവികുളം മാതാപിതാക്കളുടെ ക്രൂരപീഡനത്തിന് ഒൻപതു വയസുകാരൻ ഇരയായ സംഭവത്തിൽ അറസ്റ്റിലായ മാതാവിനെ കോടതി 14 ദിവസത്തേക്ക് റിമാൻഡ് ചെയ്തു. ദേവികുളം കോടതിയാണ് മാതാവ് സെലീനയെ റിമാൻഡ് ചെയ്തത്. കഞ്ചാവ് കേസിൽ ജയിലിൽ കഴിയുന്ന സെലീനയുടെ ഭർത്താവ് നസീറിനെ കസ്റ്റഡിയിൽ വാങ്ങാൻ പോലീസ് അപേക്ഷ സമർപ്പിച്ചിട്ടുണ്ട്. റിമാൻഡിലായ സെലീനയെ വിയ്യൂർ സെൻട്രൽ ജയിലിലേയ്ക്ക് മാറ്റി. ഇന്ന് രാവിലെയാണ് പോലീസ് ഇവരുടെ അറസ്റ്റ് രേഖപ്പെടുത്തിയത്.

സംഭവത്തിൽ വിശദമായ അന്വേഷണം വേണമെന്ന ചൈൽഡ് വെൽഫയർ കമ്മിറ്റിയുടെ നിർദ്ദേശത്തെ തുടർന്നാണ് ചെറുതോണിയിലെ ഷെൽറ്റർഹോമിൽ നിന്നും സെലീനയെ കസ്റ്റഡിയിലെടുത്തത്. വിശദമായ ചോദ്യം ചെയ്യലിൽ കുട്ടിയെ ഉപദ്രവിക്കുമായിരുന്നു എന്ന കാര്യം ഇവർ സമ്മതിച്ചു. ഇവരെ വീട്ടിലെത്തിച്ച് തെളിവെടുപ്പ് നടത്തുകയും ചെയ്തു. ഇവരുടെ ഇളയകുട്ടിയും സെലീനയ്ക്ക് ഒപ്പമുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.