സ്വാശ്രയ മെഡിക്കൽ പ്രവേശനം: സർക്കാർ ഉത്തരവ് ഹൈക്കോടതി സ്റ്റേ ചെയ്തു
Friday, August 26, 2016 4:52 AM IST
കൊച്ചി: സ്വാശ്രയ മെഡിക്കൽ പ്രവേശനവുമായി ബന്ധപ്പെട്ട് സർക്കാരിന് ഹൈക്കോടതിയിൽനിന്നും വൻ തിരിച്ചടി. മാനേജ്മെന്റ് സീറ്റുകളടക്കം മുഴുവൻ മെഡിക്കൽ സീറ്റും ഏറ്റെടുത്ത സർക്കാർ ഉത്തരവ് ഹൈക്കോടതി സ്റ്റേ ചെയ്തു. ഉപാധികളോടെയാണ് സ്റ്റേ അനുവദിച്ചിരിക്കുന്നത്. പ്രവേശനം സുതാര്യമായിരിക്കണമെന്നും കോടതി വ്യക്‌തമാക്കി. സർക്കാർ നടപടികൾക്കെതിരെ സ്വാശ്രയ മെഡിക്കൽ മാനേജ്മെന്റുകൾ ഹൈക്കോടതിയിൽ സമർപ്പിച്ച ഹർജിയിലാണ് വിധിയുണ്ടായിരിക്കുന്നത്. <യൃ><യൃ> മാനേജുമെന്റുകൾക്ക് അപേക്ഷ സ്വീകരിക്കുകയും പ്രവേശനം നടത്തുകയും ചെയ്യാം. അപേക്ഷ സ്വീകരിക്കുന്നത് ഓൺലൈൻ മുഖേനയാവണം. നീറ്റ് പട്ടികയിൽനിന്നും മെറിറ്റ് അടിസ്‌ഥാനത്തിൽ മാത്രമേ പ്രവേശനം നടത്താൻ സാധിക്കുകയുള്ളു. പ്രവേശനവുമായി ബന്ധപ്പെട്ട എല്ലാ വിവരങ്ങളും ജയിംസ് കമ്മിറ്റിക്ക് നൽകണം. അപേക്ഷയുടെ വിവരങ്ങളും റാങ്ക് പട്ടികയും വെബ്സൈറ്റിൽ അപ്ലോഡ് ചെയ്യണം. പ്രോസ്പെക്ടസിന് ജയിംസ് കമ്മിറ്റിയുടെ അംഗീകാരം വേണം. സുപ്രീം കോടതി ഉത്തരവിന് വിരുദ്ധമാണ് സർക്കാർ നടപടിയെന്നും കോടതി വ്യക്‌തമാക്കി. മാനേജ്മെന്റ് സീറ്റിൽ മാനേജുമെന്റുകൾക്ക് പൂർണ അവകാശം ഉണ്ടെന്നും കോടതി ചൂണ്ടിക്കാട്ടി.<യൃ><യൃ>സ്വാശ്രയ കോളജുകളിലെ മുഴുവൻ എംബിബിഎസ്, ബിഡിഎസ് സീറ്റുകളും ഏറ്റെടുത്തു സംസ്‌ഥാന പ്രവേശന പരീക്ഷാ കമ്മീഷണറെക്കൊണ്ട് അലോട്ട്മെന്റ് നടത്താനുള്ള ഉത്തരവ് കഴിഞ്ഞ ദിവസം സർക്കാർ പുറത്തിറക്കിയിരുന്നു. ഇതിനാണ് ഇപ്പോൾ തിരിച്ചടി ലഭിച്ചിരിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.