300 റോബോട്ടിക് ഗൈനക്കോളജി ശസ്ത്രക്രിയകള്‍; അപ്പോളോ ഹോസ്പിറ്റല്‍ ചരിത്രനേട്ടത്തിൽ
Saturday, May 31, 2025 1:29 AM IST
അങ്കമാലി: രണ്ടുവര്‍ഷത്തിനുള്ളില്‍ 300 റോബോട്ടിക് ഗൈനക്കോളജി ശസ്ത്രക്രിയകള്‍ പൂര്‍ത്തിയാക്കിയ അങ്കമാലി അപ്പോളോ അഡ്‌ലക്സ് ഹോസ്പിറ്റലിനു ചരിത്ര നേട്ടം.
റോബോട്ടിക് ഗൈനക്കോളജി ശസ്ത്രക്രിയാ വിദഗ്ധ ഡോ. ഊര്‍മിള സോമന്‍റെ നേതൃത്വത്തിലാണ് ഈ അപൂര്‍വ നേട്ടം കൈവരിച്ചത്. കേരളത്തില്‍ ആദ്യവും ഇന്ത്യയില്‍ ഏറ്റവും വേഗത്തിലും ഈ നേട്ടം കൈവരിച്ച സ്ഥാപനമാണ് അപ്പോളോ അഡ്‌ലക്സ്.
ഗൈനക്കോളജി രംഗത്ത് വിപ്ലവകരമായ മാറ്റങ്ങള്‍ സൃഷ്ടിക്കാന്‍ റോബോട്ടിക് സര്‍ജറിയിലൂടെ സാധിക്കുമെന്നും രോഗികള്‍ക്ക് ഏറ്റവും മികച്ച പരിചരണം നല്‍കിക്കൊണ്ട് ഇത്തരമൊരു നേട്ടം കൈവരിക്കാന്‍ സാധിച്ചതില്‍ വലിയ സന്തോഷമുണ്ടെന്നും അപ്പോളോ അഡ്‌ലക്സ് ഹോസ്പിറ്റല്‍ സിഇഒ ഡോ.ഏബല്‍ ജോര്‍ജ് പറഞ്ഞു.
‘റോബോട്ടിക് സാങ്കേതികവിദ്യ ഉപയോഗിച്ച് 300ല്‍പരം സങ്കീര്‍ണ ഗൈനക്കോളജി ശസ്ത്രക്രിയകള്‍ വിജയകരമായി പൂര്‍ത്തിയാക്കിയെന്ന് ഡോ. ഊര്‍മിള സോമന്‍ പറഞ്ഞു. സാധാരണ ശസ്ത്രക്രിയകളെ അപേക്ഷിച്ച് മറ്റു സങ്കീര്‍ണതകള്‍ കുറവാണെന്നതും റോബോട്ടിക് സര്‍ജറിയുടെ സവിശേഷതയാണ്.