ക​യ്റോ: ഗാ​സ സ​മാ​ധാ​ന പ​ദ്ധ​തി​യു​ടെ ആ​ദ്യ ഘ​ട്ടം ഇ​സ്ര​യേ​ലും ഹ​മാ​സും അം​ഗീ​ക​രി​ച്ചെ​ന്ന് യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. സ​മൂ​ഹ​മാ​ധ്യ​മ​ത്തി​ലൂ​ടെ​യാ​ണ് ഇ​തു സം​ബ​ന്ധി​ച്ച പ്ര​ഖ്യാ​പ​നം ട്രം​പ് ന​ട​ത്തി​യ​ത്. ക​രാ​ർ പ്ര​കാ​രം ബ​ന്ദി​ക​ളെ​യെ​ല്ലാം ഹ​മാ​സ് ഉ​ട​ൻ മോ​ചി​പ്പി​ക്കും. ഇ​സ്ര​യേ​ൽ അ​വ​രു​ടെ സൈ​ന്യ​ത്തെ ഇ​രു​കൂ​ട്ട​രും അം​ഗീ​ക​രി​ക്കു​ന്ന മേ​ഖ​ല​യ​യി​ലേ​ക്കു പി​ൻ​വ​ലി​ക്കും.

വെ​ടി​നി​ർ​ത്ത​ൽ എ​ത്ര​യും വേ​ഗം ന​ട​പ്പാ​ക്കാ​നും ബ​ന്ദി​ക​ളു​ടെ മോ​ച​നം വേ​ഗ​ത്തി​ലാ​ക്കാ​നും ട്രം​പി​ന്‍റെ പ്ര​ത്യേ​ക പ്ര​തി​നി​ധി സ്റ്റീ​വ് വി​റ്റ്കോ​ഫ്, മ​രു​മ​ക​ൻ ജാ​റെ​ഡ് കു​ഷ്ന​ർ എ​ന്നി​വ​ര​ട​ങ്ങി​യ യു​എ​സ് സം​ഘം ഇ​ന്ന് ഈ​ജി​പ്തി​ലെ​ത്തും. ട്രം​പ് ഈ ​ആ​ഴ്‌​ച ഈ​ജി​പ്ത് സ​ന്ദ​ർ​ശി​ച്ചേ​ക്കു​മെ​ന്നും പ​റ​ഞ്ഞു.

ഹ​മാ​സ് ഇ​സ്രാ​യേ​ലി​ൽ ആ​ക്ര​മ​ണം ന​ട​ത്തി​യ​തി​ന്‍റെ ര​ണ്ടാം വാ​ർ​ഷി​ക​ത്തി​നു പി​ന്നാ​ലെ​യാ​ണ് ഡോ​ണ​ൾ​ഡ് ട്രം​പി​ന്‍റെ പ്ര​ഖ്യാ​പ​നം. ച​രി​ത്ര​പ​ര​മാ​യ സം​ഭ​വം യാ​ഥാ​ർ​ഥ്യ​മാ​ക്കാ​ൻ പ്ര​വ​ർ​ത്തി​ച്ച ഖ​ത്ത​ർ, ഈ​ജി​പ്ത്, തു​ർ​ക്കി എ​ന്നീ രാ​ജ്യ​ങ്ങ​ളി​ൽ നി​ന്നു​ള്ള മ​ധ്യ​സ്ഥ​ർ​ക്ക് ന​ന്ദി പ​റ​യു​ന്ന​താ​യും സ​മാ​ധാ​ന സ്ഥാ​പ​ക​ർ അ​നു​ഗ്ര​ഹീ​ത​രാ​ണെ​ന്നും ട്രം​പ് സ​മൂ​ഹ​മാ​ധ്യ​മ​ത്തി​ൽ കു​റി​ച്ചു.