പെ​രി​ന്ത​ല്‍​മ​ണ്ണ: വ​ര്‍​ഷ​ങ്ങ​ള്‍​ക്ക് മു​മ്പ് സൗ​ദി അ​റേ​ബ്യ​യി​ലെ മ​ണ​ലാ​ര​ണ്യ​ത്തി​ല്‍ ഒ​രേ സ്ഥാ​പ​ന​ത്തി​ല്‍ വി​യ​ര്‍​പ്പൊ​ഴു​ക്കി​യ ഒ​രു കൂ​ട്ടം മ​ല​യാ​ളി​ക​ള്‍. പ്ര​വാ​സ​കാ​ലം ക​ഴി​ഞ്ഞ് അ​വ​രെ​ല്ലാ​വ​രും പ​ല​വ​ഴി​ക്ക് നാ​ട്ടി​ലേ​ക്ക് മ​ട​ങ്ങി. എ​ങ്കി​ലും ആ ​സൗ​ഹൃ​ദം അ​വി​ടെ അ​വ​സാ​നി​ച്ചി​ല്ല. എ​ല്ലാ വ​ര്‍​ഷ​വും ഒ​ക്ടോ​ബ​റി​ല്‍ "അ​ല്‍​താ​സാ​ന്‍' സം​ഗ​മം എ​ന്ന പേ​രി​ല്‍ അ​വ​ര്‍ മ​ങ്ക​ട​യി​ല്‍ ഒ​ത്തു​കൂ​ടും.

വി​വാ​ഹ​ങ്ങ​ളി​ലും ദുഃ​ഖ​ങ്ങ​ളി​ലും ഒ​രു കു​ടും​ബ​ത്തെ​പ്പോ​ലെ അ​വ​ര്‍ പ​ര​സ്പ​രം താ​ങ്ങാ​യി നി​ന്നു. 12 വ​ർ​ഷം തി​ക​യു​ന്ന കൂ​ട്ടാ​യ്മ​യു​ടെ ഈ ​വ​ര്‍​ഷ​ത്തെ ഒ​ത്തു​കൂ​ട​ല്‍ മ​ങ്ക​ട വേ​രും​പു​ലാ​ക്ക​ല്‍ ക​ല്‍​പ​ക ബി​ല്‍​ഡിം​ഗി​ൽ ന​ട​ന്ന​പ്പോ​ൾ അ​തി​ൽ പ​ങ്കെ​ടു​ക്കാ​ൻ എ​ത്തി​യ​ത് ഒ​രു വി​ശി​ഷ്ട വ്യ​ക്തി​ത്വ​മാ​യി​രു​ന്നു.

സം​ഗ​മ​ത്തെ​ക്കു​റി​ച്ച് സ​മൂ​ഹ​മാ​ധ്യ​മ​ത്തി​ലൂ​ടെ അ​റി​ഞ്ഞ പ​ഴ​യ അ​റ​ബി തൊ​ഴി​ലു​ട​മ അ​ബ്ദു​ള്ള ത​സ്സാ​നാ​ണ് ത​ന്‍റെ പ്രി​യ​പ്പെ​ട്ട തൊ​ഴി​ലാ​ളി​ക​ളെ ഒ​ന്നു​കൂ​ടി കാ​ണാ​നും സൗ​ഹൃ​ദം പു​തു​ക്കാ​നും സൗ​ദി​യി​ൽ​നി​ന്നും മ​ങ്ക​ട​യി​ലെ​ത്തി​യ​ത്. അ​ബ്ദു​ള്ള ത​സ്സാ​ന്‍ വേ​ദി​യി​ലേ​ക്ക് ക​ട​ന്നു​വ​ന്ന നി​മി​ഷം, ആ ​പ​ഴ​യ പ്ര​വാ​സി​ക​ളു​ടെ ക​ണ്ണു​ക​ള്‍ സ​ന്തോ​ഷം​കൊ​ണ്ട് നി​റ​ഞ്ഞു. സ്‌​നേ​ഹ​ത്തി​ന് അ​തി​രു​ക​ളി​ല്ലെ​ന്ന് ആ ​കൂ​ടി​ക്കാ​ഴ്ച വീ​ണ്ടും തെ​ളി​യി​ച്ചു.

ച​ട​ങ്ങി​ല്‍ പ​ങ്കെ​ടു​ത്ത നൂ​റി​ലേ​റെ വ​രു​ന്ന മു​ന്‍ തൊ​ഴി​ലാ​ളി​ക​ള്‍​ക്ക് അ​ദ്ദേ​ഹം സാ​മ്പ​ത്തി​ക സ​ഹാ​യം അ​ട​ങ്ങി​യ ക​വ​റു​ക​ള്‍ സ​മ്മാ​നി​ച്ചു. ച​ട​ങ്ങി​ല്‍ മു​ഹ​മ്മ​ദ് കു​ട്ടി ഹാ​ജി മാ​ട​ശേ​രി അ​ധ്യ​ക്ഷ​ത വ​ഹി​ച്ചു. സ​ലാ​ഹു​ദ്ദീ​ന്‍ മാ​ട​ശേ​രി, കു​ഞ്ഞു സാ​ഹി​ബ് കോ​ര​മ്പ എ​ന്നി​വ​ര്‍ പ്രാ​ര്‍​ഥ​ന ന​ട​ത്തി. അ​ബ്ദു​ള്ള ത​സ്സാ​ന്‍ പ​രി​പാ​ടി​യു​ടെ ഉ​ദ്ഘാ​ട​നം നി​ര്‍​വ​ഹി​ച്ചു. അ​ഷ്റ​ഫ് കാ​രി പ്ര​സം​ഗി​ച്ചു.

Tags :