രാമപുരം മാര് ആഗസ്തീനോസ് കോളജിലെ ഫ്രഷേഴ്സ് ദിനാഘോഷം
രാമപുരം: മാര് ആഗസ്തീനോസ് കോളജ് കലാലയത്തിലെ ഫ്രഷേഴ്സ് ഡേ ആഘോഷങ്ങള്ക്ക് ആവേശം പകര്ന്ന് അധ്യാപകര്. കൂടെ കൂളിംഗ് ഗ്ലാസ് ധരിച്ച് മാസ് ചുവടുകളുമായി പ്രിന്സിപ്പല് ഡോ. റെജി വര്ഗീസ് മേക്കാടന് കൂടി എത്തിയതോടെ ആഘോഷങ്ങള്ക്ക് ഇരട്ടി മധുരം. നവാഗതരായ വിദ്യാര്ഥികളെ സ്വാഗതം ചെയ്യുന്നതിനായി സംഘടിപ്പിച്ച ചടങ്ങില് വേദിയില് മറ്റ് അധ്യാപകര്ക്കൊപ്പം പ്രിന്സിപ്പല് തകര്പ്പന് ഡാന്സ് കളിച്ചപ്പോള് വിദ്യാര്ഥികള് വന് ആര്പ്പുവിളികളുമായി ഒപ്പം ചേര്ന്നതോടെ കാമ്പസ് ഒന്നാകെ ആഘോഷക്കടലായി മാറി.
പ്രിന്സിപ്പലും അധ്യാപകരും വിദ്യാര്ഥികളും തമ്മിലുള്ള ഊഷ്മളമായ സ്നേഹത്തിന്റെയും സുഹൃദ്ബന്ധത്തിന്റെയും നേര്ക്കാഴ്ചയായി മാറിയ ഈ ഡാന്സ് വീഡിയോ ഇപ്പോള് സോഷ്യല് മീഡിയയിലും വന് തരംഗമായിരിക്കുകയാണ്.
കോളജിലെ ബയോടെക്നോളജി വിഭാഗത്തിലെ അധ്യാപകന് സുബിന്റെ നേതൃത്വത്തില് വിദ്യാര്ഥികളുടെ സര്ഗവാസനകളെ പ്രോത്സാഹിപ്പിക്കുന്ന വൈവിധ്യമാര്ന്ന എക്സ്ട്രാ കരിക്കുലര് പ്രവര്ത്തനങ്ങളും കോളജില് സജീവമായി നടന്നുവരുന്നു.