| | Back to Home | |
| ഇംഗ്ലീഷ് ഭാഷാപഠനം ആവശ്യം |
ഇംഗ്ലീഷ് ഭാഷ ഇപ്പോൾ കോർ സബ്ജക്ട് ഇനത്തിൽ ഉൾപ്പെടുത്തി സയൻസ്, കണക്ക്, സാമൂഹ്യശാസ്ത്രം, ഇംഗ്ലീഷ് എന്ന തോതിൽ 1:1:1:1 എന്ന ക്രമത്തിലാണ് ഹൈസ്കൂൾ ഡിവിഷന് ആനുപാതികമായി തസ്തികകൾ അനുവദിക്കുന്നത്. മലയാളം, ഹിന്ദി, സംസ്കൃതം എന്നിവയുടെ ഗണത്തിൽ ഇംഗ്ലീഷ് കൂടി ഉൾപ്പെടുത്തി ഇംഗ്ലീഷ് ഭാഷാപഠനം സജീവമാക്കേണ്ടത് ഈ കാലഘട്ടത്തിന്‍റെ ആവശ്യമാണ്.
സംസ്ഥാനത്തിനു പുറത്തും ഇന്ത്യക്കു പുറത്തും ഒരു ജോലി സന്പാദിക്കുന്നതിന് ഇംഗ്ലീഷ് ഭാഷ ആവശ്യമാണെന്ന കാര്യം എല്ലാം മലയാളത്തിലാക്കണമെന്നു വാദിക്കുന്നവർക്ക് അറിയാത്തതല്ല. അവരിൽ പലരുടെയും മക്കളും ബന്ധുക്കളും രാഷ്‌ട്രീയ നേതാക്കളുടെ മക്കളും ഭൂരിഭാഗവും ഇംഗ്ലീഷ് മീഡിയം സ്കൂളിലാണ് പഠിക്കുന്നതെന്നതു വസ്തുതയാണ്.
കണക്കും ശാസ്ത്രവിഷയങ്ങളും ബഹിരാകാശ വിഷയങ്ങളും ടെക്നിക്കൽ എൻജിനിയറിംഗ് വിഷയങ്ങളും ഇംഗ്ലീഷിൽ പഠിപ്പിക്കുന്നത്ര വിശദമായി മലയാളത്തിൽ പഠിപ്പിക്കാൻ പ്രയാസമാണ്. ശാസ്ത്രസാങ്കേതിക വിഷയങ്ങളിലെ പിഎസ്‌സി പരീക്ഷകളും മലയാളത്തിലാക്കുന്നത് ഭാവിതലമുറയോട് ചെയ്യുന്ന വലിയ അപരാധമായി മാറും. ഇത്തരം വിഷയങ്ങളിൽ പല വാക്കിനും തത്തുല്യമായ മലയാള പദങ്ങൾ ലഭ്യമല്ല. പുതുതായി സൃഷ്ടിക്കുന്ന മലയാള പദങ്ങൾ കടിച്ചാൽ പൊട്ടാത്തതാണ്. ഭാവിതലമുറയെ കുരുതി കൊടുക്കുന്ന ഇത്തരം നീക്കങ്ങളെ സാധാരണക്കാരായ ജനങ്ങൾ ശക്തമായി നേരിടേണ്ടതുണ്ട്. അല്ലെങ്കിൽ ഭാവിയിൽ വലിയ വിപത്ത് നേരിടേണ്ടിവരും.
അതിനാൽ സ്കൂളുകളിൽ എല്ലാ ഡിവിഷനുകളിലും മലയാളം, ഹിന്ദി എന്നപോലെ ഇംഗ്ലീഷ് ഭാഷ പഠിപ്പിക്കാൻ കൂടുതൽ ഇംഗ്ലീഷ് അധ്യാപകരെ നിയമിക്കേണ്ടത് ആവശ്യമാണ്. ഇംഗ്ലീഷ് ഐച്ഛിക വിഷയമായെടുത്തിട്ടുള്ള ബിഎഡ് ബിരുദധാരികളെ ഇംഗ്ലീഷ് അധ്യാപകരായി നിയമിക്കണം. നമ്മുടെ കുട്ടികൾ ഇംഗ്ലീഷ് പഠിച്ച് പുറത്ത് എവിടെയെങ്കിലും ഉപരിപഠനം നേടി ജീവിച്ചോട്ടെ. പിഎസ്‌സി പരീക്ഷകളെല്ലാം മലയാളത്തിലാക്കിയിട്ട് പ്രത്യേകിച്ച് ഒരു നേട്ടവും സമൂഹത്തിന് ഉണ്ടാക്കാൻ കഴിയില്ല.
അഴിമതിക്കും സ്വജനപക്ഷപാതത്തിനും കൈക്കൂലിക്കുമെതിരേ സമരം ചെയ്യാൻ ആരെയും കാണാറില്ല. കേരളത്തിലെ 31 വ്യവസായ സ്ഥാപനങ്ങളിലെ നിയമനങ്ങൾ പിഎസ്‌സി വഴിയല്ല നടക്കുന്നത്. ഭരണകക്ഷികളും സിൽബന്ധികളാണ് അവിടങ്ങളിലെ നിയമനങ്ങളിൽ കയറിപ്പറ്റുന്നത്. ഇത്തരം രാഷ്‌ട്രീയ അഴിമതിക്കെതിരേ ആരും പ്രതികരിക്കില്ല.
ഉണ്ണിക്കൃഷ്ണൻ മണലൂർ, തൃശൂർ
|
| ഓർമപ്പെടുത്തലുകൾ | | ടെലിവിഷൻ നന്നാക്കാൻ പണമില്ലാത്തതിനാൽ ഓൺലൈൻ അധ്യയനത്തിന്‍റെ ഭാഗമാകാൻ കഴിയാത്തതിന്‍റെ ഫലമായി ജീവ | |
| ഓൺലൈൻ സൗകര്യം ഒരുക്കണം | | കോവിഡ് പ്രതിസന്ധിക്കിടയിൽ എസ്എസ്എൽസി പരീക്ഷ വിജയകരമായി പൂർത്തിയാക്കി രാജ്യത്തിനു മാതൃകയായിരിക്കു | |
| ഡാമുകളിലെ ജലനിരപ്പ് ഉടൻ താഴ്ത്തുക | | കാലവർഷം എത്തിക്കഴിഞ്ഞു, കൊറോണ ഭീതിയിൽ നിന്നു നാം പൂർണമായി മുക്തരായിട്ടുമില്ല. 2020ലെ കാലവർഷം വീണ്ടും അതിഭീകരമായ വെള്ളപ്പൊക്കം ഉണ്ടാക്കുമെന്നാണു പല വിദ | |
| കൊറോണ ഭീതി അകന്നിട്ടില്ല | | കൊറോണ ഭീതിയിലാണ് ലോകമാകമാനം. ആരോഗ്യ വകുപ്പിന്‍റെ ശക്തമായ ഇടപെടൽവഴി രാജ്യത്തെ മറ്റു സംസ്ഥാനങ്ങളെ അ | |
| ക്വാറന്‍റൈൻ ലംഘനം | | വീടുകളിൽ ക്വാറന്‍റൈനിൽ കഴിയാൻ നിർദേശിക്കപ്പെട്ടവർ അതു ലംഘിച്ച് കൊച്ചി നഗരത്തിൽ കറങ്ങിനടന്ന സംഭവം | |
| സിനിമയിൽ തുപ്പൽ സീൻ വേണോ? | | കൊറോണോ വൈറസ് കേരളത്തിനും ഇന്ത്യക്കും നൽകിയ സമ്മാനങ്ങളിൽ ഒന്നാണ് പൊതു സ്ഥലങ് | |
| സ്വയം പഠിച്ച ജനങ്ങൾ | | മനുഷ്യർ അച്ചടക്കം പഠിച്ചു. ഉള്ളതുകൊണ്ടു ജീവിക്കാൻ പഠിച്ചു. പച്ചക്കറി സോപ്പിടാൻ പഠിച് | |
| പഴയ ശീലങ്ങൾ, പുതിയ നിർദേശങ്ങൾ | | പണ്ടൊക്കെ പുറത്തുനിന്നു വരുന്നവർ കൈകാലുകളും മുഖവും വൃത്തിയായി കഴുകിയതിനുശേഷം മാത്രമേ വീ | |
| ജീവിതശൈലിയെപ്പറ്റി വിചിന്തനം അനിവാര്യമല്ലേ? | | ലോക്ക്ഡൗൺ കാലവും കൊറോണയുടെ പ്രശ്നങ്ങളും അവസാനിക്കുന്നതോടെ ലോകത്താകമാനം ആശങ് | |
| പഠിക്കേണ്ട പാഠങ്ങൾ | | സദ്യക്കു പോകുന്പോൾ കൈ കഴുകാതെ ഭക്ഷണം കഴിക്കുന്ന മലയാളിയെ ആവശ്യമുള്ളപ്പോഴൊക്കെ കൈകഴ | |
|
|
|
|