കണിയൊരുക്കാൻ കൃ​ത്രി​മ കൊ​ന്നപ്പൂവും
Friday, April 12, 2024 12:44 AM IST
ക​ണ്ണൂ​ർ: വി​ഷു​വി​നെ വ​ര​വേ​ല്‍​ക്കാ​ൻ കൃ​ത്രി​മ കൊ​ന്ന പൂ​ക്ക​ളെ​ത്തി. ഒ​റി​ജി​ന​ലി​നെ വെ​ല്ലു​ന്ന ഇ​വ​യ്ക്ക് വ​ൻ ഡി​മാ​ൻ​ഡ് ആ​ണ് ക​ട​ക​ളി​ലിപ്പോ​ള്‍. കേ​ര​ള​ക്കാ​രു​ടെ വി​ശേ​ഷ​ദി​വ​സ​ങ്ങ​ള്‍ ന​മ്മ​ളെ​ക്കാ​ള്‍ കൂ​ടു​ത​ല്‍ നി​ശ്ച​യം ഇ​ത​ര സം​സ്ഥാ​ന​ങ്ങ​ള്‍​ക്കും ചൈ​ന​ക്കാ​ർ​ക്കും ആ​ണ്. അ​തി​നാ​യി വേ​ണ്ട സാ​ധ​ന​ങ്ങ​ള്‍ ഒ​രു​മാ​സം മു​ൻ​പേ അ​വ​ർ വി​പ​ണി​യി​ലി​റ​ക്കി.

ന​മ്മു​ടെ നാ​ട്ടി​ല്‍ കൊ​ന്ന പൂ​ക്കു​ന്ന​തി​ന് മു​ൻ​പേ ചൈ​ന​ക്കാ​ര​ന്‍റെ ഫാ​ക്ട​റി​യി​ല്‍ കൊ​ന്ന​പ്പൂ​ക്ക​ള്‍ വി​രി​ഞ്ഞു ക​ഴി​ഞ്ഞു. ദി​വ​സ​ങ്ങ​ള്‍ കൊ​ണ്ട് ത​ന്നെ ഇ​വ വി​പ​ണി​യി​ല്‍ സ​ജീ​വ​മാ​വു​ക​യും ചെ​യ്തു. വി​ഷു​വി​ന് ക​ണി​ക്കൊ​ന്ന പൂ​വി​നാ​യി പ​ര​ക്കം പാ​യു​ന്ന​വ​ർ​ക്ക് ഈ ​കൃ​ത്രി​മ പൂ​വ് ചി​ല​പ്പോ​ള്‍ ഒ​രാ​ശ്വാ​സ​മാ​കാം.

എ​ങ്കി​ലും വേ​ന​ല്‍ അ​വ​ധി​ക്കാ​ല​ത്ത് കൊ​ന്ന​പ്പൂ പ​റി​ച്ചു വി​ല്‍​പ​ന ന​ട​ത്തി പ​ണം സം​ന്പാ​ദി​ക്കു​ന്ന കു​ട്ടി​ക​ള്‍​ക്ക് ഇ​തൊ​രു തി​രി​ച്ച​ടി​യാ​ണ്. വി​ഷു​വി​ന് ക​ണി​കാ​ണു​ന്ന​തി​നാ​യു​ള്ള ഒ​രു കൊ​ലു​ക്ക് പൂ​വി​ന് 50ന് ​മു​ക​ളി​ലോ​ട്ടാ​ണ് വി​ല​യി​ടാ​ക്കി​വ​രു​ന്ന​ത്. ഇ​നി ക്രി​സ്മ​സി​ന് പു​ല്‍​ക്കൂ​ടും രൂ​പ​ങ്ങ​ളും റെ​ഡി​മെ​യ്ഡ് കി​ട്ടു​ന്ന​തു​പോ​ലെ ഇ​നി ക​ണി​വ​ക്കാ​നു​ള്ള സാ​ധ​ന​ങ്ങ​ളും പ്ലാ​സ്റ്റി​ക്കാ​യി ചൈ​ന​യി​ൽ നി​ന്നും മ​റ്റും കി​റ്റാ​യി ഇ​റ​ങ്ങാ​നു​ള്ള കാ​ല​വും വി​ദൂ​ര​മ​ല്ല.

Copyright @ 2022 , Rashtra Deepika Ltd.