പത്തനംതിട്ട: എൽഡിഎഫ് സ്ഥാനാർഥി ഡോ. തോമസ് ഐസക് ആറന്മുള മണ്ഡലത്തിൽ മൂന്നാംഘട്ട പര്യടനം നടത്തി. രാവിലെ മെഴുവേലി പഞ്ചായത്തിലെ ഇലവുംതിട്ടയിൽനിന്നാരംഭിച്ച സ്വീകരണപര്യടനം മാത്യു ടി. തോമസ് എംഎൽഎ ഉദ്ഘാടനം ചെയ്തു. ആറന്മുള, കുളനട, ചെന്നീർക്കര, ഓമല്ലൂർ, പത്തനംതിട്ട നഗരസഭ, ഇലന്തൂർ, മല്ലപ്പുഴശേരി, കോയിപ്രം, ഇരവിപേരൂർ പഞ്ചായത്തുകളിൽ പര്യടനം നടത്തി രാത്രിയിൽ വള്ളംകുളം നന്നൂരിൽ സമാപിച്ചു.
പുഷ്പങ്ങളും പുസ്തകങ്ങളും നല്കിയാണ് സ്ഥാനാർഥിയെ സ്വീകരിച്ചത്. വിവിധ സ്വീകരണ കേന്ദ്രങ്ങളിൽ മന്ത്രി വീണാ ജോർജ്, ഡെപ്യൂട്ടി സ്പീക്കർ ചിറ്റയം ഗോപകുമാർ, എ. പത്മകുമാർ. ഓമല്ലൂർ ശങ്കരൻ, എസ്. നിർമലാദേവി, കെ.സി. രാജഗോപാലൻ, ആർ. അജയകുമാർ, എം.വി. സഞ്ജു, മാത്യൂസ് ജോർജ്, ജോൺസൺ കുടപ്പുരയിൽ,
മാത്യൂ മരോട്ടിമൂട്ടിൽ, പി.വി. സതീഷ് കുമാർ, സുനിതാ കുര്യൻ, സനിലാസുനിൽ, രാജു കടകരപ്പള്ളി, കുര്യൻ മടക്കൽ, സക്കീർ ഹുസൈൻ, കെ. അനിൽകുമാർ, ഷിജു സാമുവേൽ, പി.കെ. ജേക്കബ്, മനോജ് മാധവശേരിൽ, മാത്തൂർ സുരേഷ്, ബാബു കോയിക്കലേത്ത്, എൻ. സജികുമാർ തുടങ്ങിയവർ പ്രസംഗിച്ചു.