വാഷിംഗ്ട​ൺ: അ​മേ​രി​ക്ക​യി​ലെ വ​ർ​ജീ​നി​യ​യി​ൽ ബാ​ത്ട​ബ്ബി​ൽ വെ​ള്ളം തു​റ​ന്നു​വച്ചതിനെ തുടർന്ന് എ​ട്ട് മാ​സം പ്രാ​യ​മു​ള്ള കു​ഞ്ഞ് മുങ്ങി മരിച്ചു. കുഞ്ഞിനെ അശ്രദ്ധമായി ഒ​റ്റ​യ്ക്ക് വി​ട്ട സം​ഭ​വ​ത്തി​ൽ അ​മ്മ അ​റ​സ്റ്റി​ൽ. 

മു​പ്പ​തു​കാ​രി​യാ​യ റോ​സെ​ല്ലേ​ന പി​സാ​നി ആ​ണ് അ​റ​സ്റ്റി​ലാ​യ​ത്. കൊ​ല​പാ​ത​കം , ര​ണ്ട് കു​ട്ടി​ക​ളോ​ട് ക്രൂ​ര​ത കാ​ണി​ക്ക​ൽ , മൂ​ന്ന് ത​വ​ണ കു​ട്ടി​ക​ളെ അ​പ​ക​ട​ത്തി​ലാ​ക്ക​ൽ തു​ട​ങ്ങി​യ ഗു​രു​ത​ര​മാ​യ കു​റ്റ​ങ്ങ​ളാ​ണ് ഇ​വ​ർ​ക്കെ​തി​രെ ചു​മ​ത്തി​യി​രി​ക്കു​ന്ന​തെ​ന്ന് ലൗ​ഡൗ​ൺ കൗ​ണ്ടി ഷെ​രീ​ഫ് ഓ​ഫീ​സ് അ​റി​യി​ച്ചു. ചൊ​വ്വാ​ഴ്ച​യാ​ണ് ഇ​വ​രെ അ​റ​സ്റ്റ് ചെ​യ്ത​ത്.

 ബാ​ത്ട​ബ്ബി​ൽ വെ​ള്ളം തു​റ​ന്നു​വ​ച്ച് മു​തി​ർ​ന്ന​വ​രു​ടെ മേ​ൽ​നോ​ട്ട​മി​ല്ലാ​തെ ഒ​റ്റ​യ്ക്ക് വി​ട്ട​തി​നെ​ത്തു​ട​ർ​ന്നാണ് എ​ട്ട് മാ​സം പ്രാ​യ​മു​ള്ള കു​ഞ്ഞ് മു​ങ്ങി​മ​രി​ച്ചത്. സം​ഭ​വ​സ​മ​യ​ത്ത് വീ​ട്ടി​ൽ എ​ട്ട് മാ​സം മു​ത​ൽ എ​ട്ട് വ​യ​സ് വ​രെ പ്രാ​യ​മു​ള്ള മ​റ്റ് ര​ണ്ട് കു​ട്ടി​ക​ൾ​കൂ​ടി ഉ​ണ്ടാ​യി​രു​ന്നു​വെ​ന്ന് പൊലിസ് ക​ണ്ടെ​ത്തി.

സെ​പ്റ്റം​ബ​ർ 10-നാ​ണ് പ്ര​തി​ക​രി​ക്കാ​നാ​വാ​ത്ത അ​വ​സ്ഥ​യി​ലാ​യ ഒ​രു കു​ഞ്ഞി​നെ ര​ക്ഷി​ക്കാ​ൻ ലൗ​ഡൗ​ൺ കൗ​ണ്ടി ഫ​യ​ർ ആ​ൻ​ഡ് റെ​സ്ക്യൂ വി​ഭാ​ഗം ഷെ​രീ​ഫ് ഓ​ഫീ​സി​ന്‍റെ സ​ഹാ​യം തേ​ടി​യ​ത്. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് കു​ഞ്ഞി​നെ മു​തി​ർ​ന്ന​വ​രു​ടെ ശ്ര​ദ്ധ​യി​ല്ലാ​തെ ബാ​ത്ട​ബ്ബി​ൽ വെ​ള്ളം തു​റ​ന്നു​വ​ച്ച നി​ല​യി​ൽ ഒ​റ്റ​യ്ക്ക് ഇ​രു​ത്തി​യി​രു​ന്ന​താ​യി വ്യ​ക്ത​മാ​യ​ത്.

സം​ഭ​വ​സ​മ​യ​ത്ത് അ​മ്മ​യാ​യ പി​സാ​നി എ​ന്തു ചെ​യ്യു​ക​യാ​യി​രു​ന്നു എ​ന്ന​ത് സം​ബ​ന്ധി​ച്ച് അ​ധി​കൃ​ത​ർ കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വി​ട്ടി​ട്ടി​ല്ല. എ​ങ്കി​ലും ഇ​തൊ​രു ഹൃ​ദ​യ​ഭേ​ദ​ക​മാ​യ സം​ഭ​വ​മാ​ണെ​ന്നും, കു​ട്ടി​ക​ളു​ടെ സം​ര​ക്ഷ​ണ​വും സു​ര​ക്ഷ​യും ഉ​റ​പ്പാ​ക്കേ​ണ്ട​ത് മാ​താ​പി​താ​ക്ക​ളു​ടെ പ്രാ​ഥ​മി​ക ഉ​ത്ത​ര​വാ​ദി​ത്ത​മാ​ണെ​ന്നും ലൗ​ഡൗ​ൺ കൗ​ണ്ടി ഷെ​രീ​ഫ് മൈ​ക്ക് ചാ​പ്മാ​ൻ വ്യ​ക്ത​മാ​ക്കി. കേ​സി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്ന് പൊ​ലി​സ് അ​റി​യി​ച്ചു.

Tags : baby drowns in a bathtub Deepika DeepikaNewspaper BreakingNews NewsUpdate Eight-month-old baby drowns in bathtub