30

ഗ്ലാസ്കോ: കോമണ്‍വെൽത്ത് ഗെയിംസ് പുരുഷ ലോംഗ്ജംപ് മത്സരത്തിൽ മലയാളി താരം എം. ശ്രീശങ്കറിന് വെള്ളി. 8.09 മീറ്റർ ദൂരം ചാടിയാണ് ശ്രീശങ്കർ വെള്ളി നേടിയത്. രണ്ടാം ശ്രമത്തിലായിരുന്നു 8.9 മീറ്റർ ദൂരം താണ്ടിയത്. കോമണ്‍വെൽത്ത് ഗെയിംസിൽ ശ്രീശങ്കറിന്‍റെ രണ്ടാം വെള്ളിയാണിത്.

ജമൈക്കയുടെ തജയ് ഗെയ്ലിനാണ് സ്വർണം. 8.15 മീറ്റർ ചാടിയാണ് തജയ് സ്വർണം കൊയ്തത്. ആദ്യ മൂന്നു ശ്രമങ്ങൾ പൂർത്തിയായപ്പോൾ ഗോൾഡ് പൊസിഷനിലുണ്ടായിരുന്ന ശ്രീശങ്കറിനെ നാലാം ശ്രമത്തിലാണ് തജയ് പിന്തളിയത്.

ഇതോടെ തജയയെ മറികടക്കാൻ ശ്രീശങ്കർ ശ്രമിച്ചെങ്കിലും രണ്ടു ശ്രമങ്ങളും ഫൗളിലാണ് കലാശിച്ചത്. മൂന്നും നാലും ശ്രമങ്ങളാണ് ശ്രീശങ്കറിന്‍റെ ഫൗളിൽ കലാശിച്ചത്. പിന്നിടുള്ള ചാട്ടങ്ങളിൽ എട്ടു മീറ്റർ പിന്നിടാൻ ശ്രീശങ്കറിനു സാധിച്ചില്ല.

Tags : MSreeshankar CommonwealthGames Silver Deepika DeepikaNewspaper BreakingNews NewsUpdate Headlines