ലോ​​ക​​ത്തി​​നു വി​​ശ്വ​​സി​​ക്കാം, സ​​മാ​​ധാ​​ന​​ത്തി​​ന്‍റെ പാ​​ത​​യൊ​​രു​​ക്കു​​ന്ന​​തി​​നു​​ള്ള ക​​രാ​​ർ ഫ്രാ​​ൻ​​സി​​സി​​ൽ​​നി​​ന്ന് ലെ​​യോ ഏ​​റ്റെ​​ടു​​ത്തി​​രി​​ക്കു​​ന്നു.

ഫ്രാ​ൻ​സി​സ് മാ​ർ​പാ​പ്പ​യി​ൽ​നി​ന്നു ലെ​യോ മാ​ർ​പാ​പ്പ​യി​ലേ​ക്കു​ള്ള ദൂ​രം അ​ള​ക്കാ​നു​ള്ള ലോ​ക​ത്തി​ന്‍റെ കൗ​തു​കം അ​വ​സാ​നി​ച്ചു. “യു​ദ്ധം വേ​ണ്ട. ഇ​തു സ്നേ​ഹ​ത്തി​ന്‍റെ സ​മ​യ​മാ​ണ്. പ​ര​സ്പ​രം സ്നേ​ഹി​ക്കു​ന്ന ഒ​രു ലോ​ക​ത്തെ ന​മു​ക്കു സൃ​ഷ്ടി​ക്കാം. വി​വി​ധ മ​ത​സ്ഥ​രു​മാ​യു​ള്ള ഐ​ക്യം പ്ര​ധാ​ന​മാ​ണ്. പ​രി​സ്ഥി​തി​യെ ചൂ​ഷ​ണം ചെ​യ്യു​ന്ന​തും ദ​രി​ദ്ര​രെ അ​രി​കു​വ​ത്ക​രി​ക്കു​ന്ന​തും അ​വ​സാ​നി​പ്പി​ക്ക​ണം.

കു​ടി​യേ​റ്റ​ക്കാ​രു​ടെ അ​ന്ത​സ് മാ​നി​ക്ക​ണം...” ഫ്രാ​ൻ​സി​സ് മാ​ർ​പാ​പ്പ നി​ര​ന്ത​രം ഓ​ർ​മി​പ്പി​ച്ചു​കൊ​ണ്ടി​രു​ന്ന സ്നേ​ഹ​ത്തി​ന്‍റെ​യും സ​ഹ​വ​ർ​ത്തി​ത്വ​ത്തി​ന്‍റെ​യും തു​ല്യ​ത​യു​ടെ​യും പാ​ഠ​ങ്ങ​ൾ ലെ​യോ പ​തി​നാ​ലാ​മ​ൻ മാ​ർ​പാ​പ്പ ആ​വ​ർ​ത്തി​ച്ചി​രി​ക്കു​ന്നു. ഒ​രു മാ​ർ​പാ​പ്പ​യി​ൽ​നി​ന്നു മ​റ്റൊ​രാ​ളി​ലേ​ക്കു​ള്ള ദൂ​ര​മ​ല്ല, ക്രി​സ്തു​വു​മാ​യു​ള്ള അ​ടു​പ്പ​വും സു​വി​ശേ​ഷ​ത്തി​ന്‍റെ മാ​റ്റൊ​ലി​യാ​കാ​നും സ​ഭ​യെ ന​യി​ക്കാ​നു​ള്ള നി​യോ​ഗ​വു​മാ​ണ് സ​ഭാ ത​ല​വ​ന്‍റെ വാ​ക്കു​ക​ളി​ൽ തെ​ളി​ഞ്ഞ​ത്.

267-ാമ​ത് മാ​ർ​പാ​പ്പ​യാ​യി ചു​മ​ത​ല​യേ​റ്റ​ശേ​ഷം വി​ശു​ദ്ധ കു​ർ​ബാ​ന​മ​ധ്യേ ന​ൽ​കി​യ സ​ന്ദേ​ശ​ത്തി​ൽ ഏ​ഴി​ട​ത്ത് ഐ​ക്യ​ത്തെ​ക്കു​റി​ച്ചും നാ​ലി​ട​ത്ത് സൗ​ഹാ​ർ​ദ​ത്തെ​ക്കു​റി​ച്ചും ലെ​യോ മാ​ർ​പാ​പ്പ പ​റ​ഞ്ഞു; സ്നേ​ഹ​ത്തെ​ക്കു​റി​ച്ച് അ​തി​ലേ​റെ ത​വ​ണ​യും. മാ​റു​ന്ന​തു ന​യ​മ​ല്ല, തു​ട​ർ​ച്ച​ക്കാ​ര​ന്‍റെ പേ​രു മാ​ത്രം.

ഞാ​യ​റാ​ഴ്ച സെ​ന്‍റ് പീ​റ്റേ​ഴ്സ് ച​ത്വ​ര​ത്തി​നു മ​ധ്യ​ത്തി​ൽ പ്ര​ത്യേ​കം ത​യാ​റാ​ക്കി​യ ബ​ലി​വേ​ദി​യി​ലെ തി​രു​ക്ക​ർ​മ​ങ്ങ​ൾ​ക്കു മ​ധ്യേ​യാ​ണ് ലെ​യോ പ​തി​നാ​ലാ​മ​ൻ മാ​ർ​പാ​പ്പ ചു​മ​ത​ല​യേ​റ്റ​ത്. വി​വി​ധ രാ​ഷ്‌​ട്ര​ത്ത​ല​വ​ന്മാ​രും സ​ഭാ പി​താ​ക്ക​ന്മാ​രും ലോ​ക​മെ​ങ്ങും​നി​ന്നു​ള്ള സ​ന്യ​സ്ത​രും വി​ശ്വാ​സി​ക​ളും യാ​ത്രി​ക​രു​മു​ൾ​പ്പെ​ടെ പ​തി​നാ​യി​ര​ങ്ങ​ൾ സാ​ക്ഷി​ക​ളാ​യി.

സ്നേ​ഹം, സ​മാ​ധാ​നം, സ​ത്യം, നീ​തി തു​ട​ങ്ങി​യ ദൗ​ത്യ​ങ്ങ​ൾ​ക്കു​വേ​ണ്ടി​യു​ള്ള സ​ഭ​യു​ടെ പ്ര​വ​ർ​ത്ത​ന​ങ്ങ​ളി​ൽ ഊ​ന്നി​യാ​യി​രു​ന്നു മാ​ർ​പാ​പ്പ​യു​ടെ സ​ന്ദേ​ശം. കു​ടി​യേ​റ്റ​ത്തി​ന്‍റെ​യും നി​ർ​മി​ത​ബു​ദ്ധി​യു​ടെ​യും വെ​ല്ലു​വി​ളി​ക​ളു​ടെ കാ​ല​ത്ത്, ആ​ഗോ​ള സം​ഭാ​ഷ​ണ​ത്തി​നും ന​യ​ത​ന്ത്ര​ത്തി​നും മ​നു​ഷ്യാ​ന്ത​സി​നോ​ടു​ള്ള ബ​ഹു​മാ​ന​ത്തി​നു​മു​ള്ള ആ​ഹ്വാ​ന​മാ​യി അ​തു മാ​റി.

അ​മേ​രി​ക്ക​യി​ൽ​നി​ന്നു​ള്ള ആ​ദ്യ മാ​ർ​പാ​പ്പ ആ​രു​ടെ​യും വി​ധേ​യ​ന​ല്ലെ​ന്ന സൂ​ച​ന​ക​ൾ കു​ടി​യേ​റ്റ​ത്തെ​ക്കു​റി​ച്ചു​ള്ള വാ​ക്കു​ക​ളി​ൽ പ്ര​ക​ടം. കു​ടി​യേ​റ്റ​ക്കാ​രു​ടെ അ​ന്ത​സ് മാ​നി​ക്ക​പ്പെ​ട​ണ​മെ​ന്ന് അ​ദ്ദേ​ഹം എ​ടു​ത്തു​പ​റ​ഞ്ഞ​ത്, യു​എ​സി​ലു​ള്ള അ​ന​ധി​കൃ​ത കു​ടി​യേ​റ്റ​ക്കാ​രെ ട്രം​പ് സ​ർ​ക്കാ​ർ നി​ർ​ബ​ന്ധി​ച്ച് നാ​ടു​ക​ട​ത്തു​ന്ന സാ​ഹ​ച​ര്യ​ത്തി​ലാ​യി​രു​ന്നു​വെ​ന്ന​ത് ശ്ര​ദ്ധേ​യ​മാ​യി.

മെ​ച്ച​പ്പെ​ട്ട ജീ​വി​ത​സാ​ഹ​ച​ര്യം തേ​ടി മ​റ്റു രാ​ജ്യ​ങ്ങ​ളി​ലേ​ക്ക് കു​ടി​യേ​റു​ന്ന​വ​രോ​ട് സ​ഹാ​നു​ഭൂ​തി​യും ഐ​ക്യ​ദാ​ർ​ഢ്യ​വും പ്ര​ക​ടി​പ്പി​ക്കാ​നു​ള്ള ആ​ഹ്വാ​നം, ഷി​ക്കാ​ഗോ​യി​ൽ ജ​നി​ച്ചു​വ​ള​ർ​ന്ന കു​ടി​യേ​റ്റ പാ​ര​ന്പ​ര്യ​മു​ള്ള മാ​ർ​പാ​പ്പ സ്വ​ന്തം അ​നു​ഭ​വ പ​ശ്ചാ​ത്ത​ല​ത്തി​ലാ​ണ് ന​ട​ത്തി​യ​ത്. പ​രി​സ്ഥി​തി​യെ ചൂ​ഷ​ണം ചെ​യ്യു​ന്ന​തും ദ​രി​ദ്ര​രെ അ​രി​കു​വ​ത്ക​രി​ക്കു​ന്ന​തും അ​വ​സാ​നി​പ്പി​ക്ക​ണ​മെ​ന്ന വാ​ക്കു​ക​ളി​ലും വ്യ​ക്ത​മാ​യ നി​ല​പാ​ട് പ്ര​ക​ട​മാ​യി.

അ​തു പ​റ​യു​ന്പോ​ൾ പാ​രീ​സ് കാ​ലാ​വ​സ്ഥാ ഉ​ട​മ്പ​ടി​യി​ൽ​നി​ന്ന് പി​ന്മാ​റി​യ അ​മേ​രി​ക്ക​യു​ടെ പ്ര​തി​നി​ധി​യാ​യി വൈ​സ് പ്ര​സി​ഡ​ന്‍റ് ജെ.​ഡി. വാ​ൻ​സ് അ​വി​ടെ ഉ​ണ്ടാ​യി​രു​ന്നു. സ​ന്ദേ​ശം ഇ​ങ്ങ​നെ തു​ട​ർ​ന്നു: “എ​ന്‍റേ​താ​യ ഒ​രു യോ​ഗ്യ​ത​യു​മി​ല്ലാ​തെ​യാ​ണു ഞാ​ൻ തെ​ര​ഞ്ഞെ​ടു​ക്ക​പ്പെ​ട്ട​ത്. ഭീ​തി​യും വി​റ​യ​ലും മാ​റാ​തെ, ഒ​രു സ​ഹോ​ദ​ര​നെ​ന്ന നി​ല​യി​ലാ​ണു ഞാ​ൻ നി​ങ്ങ​ളു​ടെ അ​ടു​ക്ക​ലേ​ക്കു വ​രു​ന്ന​ത്.

ദൈ​വ​സ്നേ​ഹ​ത്തി​ന്‍റെ പാ​ത​യി​ൽ നി​ങ്ങ​ളോ​ടൊ​പ്പം ന​ട​ക്കാ​ൻ ഞാ​ൻ ആ​ഗ്ര​ഹി​ക്കു​ന്നു. കാ​ര​ണം, ന​മ്മ​ളെ​ല്ലാ​വ​രും ഒ​രു കു​ടും​ബ​ത്തി​ൽ ഒ​ന്നാ​യി​രി​ക്ക​ണ​മെ​ന്ന് ദൈ​വം ആ​ഗ്ര​ഹി​ക്കു​ന്നു. ഇ​തു സ്‌​നേ​ഹ​ത്തി​ന്‍റെ സ​മ​യ​മാ​ണ്. സ്‌​നേ​ഹ​ത്തി​ന്‍റെ പാ​ല​ങ്ങ​ള്‍ തീ​ര്‍​ത്ത് പ​ര​സ്പ​രം സ്‌​നേ​ഹി​ക്കു​ന്ന ഒ​രു ലോ​ക​ത്തെ ന​മു​ക്ക് സൃ​ഷ്‌​ടി​ക്കാം. യു​ദ്ധം മൂ​ലം ക​ഷ്ട​പ്പെ​ടു​ന്ന​വ​ർ​ക്കാ​യി പ്രാ​ർ​ഥി​ക്കാം. സം​ഘ​ർ​ഷ​ങ്ങ​ൾ ഒ​ഴി​വാ​ക്കി സ​ഹ​ജീ​വി​ക​ളെ മ​ന​സി​ലാ​ക്കി ജീ​വി​ക്കാം.

ദ​രി​ദ്ര​രെ അ​രി​കു​വ​ത്ക​രി​ക്ക​രു​ത്. ക്രി​സ്തു ഒ​ന്നാ​യി​രി​ക്കു​ന്ന​തു​പോ​ലെ സ​ഭ​യും ഒ​ന്നാ​യി​രി​ക്ക​ണം. വി​വി​ധ മ​ത​സ്ഥ​രു​മാ​യു​ള്ള ഐ​ക്യം പ്ര​ധാ​ന​മാ​ണ്. സ്വ​യം പി​ൻ​വാ​ങ്ങാ​ത്ത, ഐ​ക്യ​മു​ള്ള, മി​ഷ​ന​റി സ്വ​ഭാ​വ​മു​ള്ള ഒ​രു സ​ഭ​യാ​ണു വേ​ണ്ട​ത്. ഐ​ക്യ​ത്തോ​ടെ​യും സാ​ഹോ​ദ​ര്യ​ത്തോ​ടെ​യും മു​ന്നോ​ട്ടു പോ​ക​ണം. ഐ​ക്യ​മു​ള്ള സ​ഭ​യാ​ണ് എ​ന്‍റെ ആ​ദ്യ​ത്തെ ആ​ഗ്ര​ഹം.”

സം​ഘ​ർ​ഷ​ങ്ങ​ളു​ടെ കാ​ല​മാ​ണെ​ന്നും പ​രി​ഹാ​ര​ശ്ര​മ​ങ്ങ​ളൊ​ന്നും എ​ളു​പ്പ​മ​ല്ലെ​ന്നു​മു​ള്ള ബോ​ധ്യം മാ​ർ​പാ​പ്പ​യ്ക്കു​ണ്ട്. ഏ​താ​നും ദി​വ​സ​ങ്ങ​ൾ​ക്കു മു​ന്പ് പോ​ൾ ആ​റാ​മ​ൻ ഹാ​ളി​ൽ മാ​ധ്യ​മ​പ്ര​വ​ർ​ത്ത​ക​രു​മാ​യി ന​ട​ത്തി​യ കൂ​ടി​ക്കാ​ഴ്ച​യി​ൽ മാ​ർ​പാ​പ്പ പ​റ​ഞ്ഞ​ത്, ക​ഠി​ന​മാ​യ വെ​ല്ലു​വി​ളി​ക​ളു​ടെ കാ​ല​ത്താ​ണ് നാം ​ജീ​വി​ക്കു​ന്ന​തെ​ങ്കി​ലും അ​വ​യി​ൽ​നി​ന്നു​ള്ള ഒ​ളി​ച്ചോ​ട്ടം ന​മു​ക്ക് അ​സാ​ധ്യ​മാ​ണെ​ന്നാ​ണ്.

ന​മ്മ​ൾ ന​ന്നാ​യി ജീ​വി​ച്ചാ​ൽ ന​മ്മു​ടെ കാ​ല​ഘ​ട്ട​വും ന​ല്ല​താ​യി​രി​ക്കു​മെ​ന്നും നാം ​ജീ​വി​ക്കു​ന്ന കാ​ല​ഘ​ട്ടം ന​മ്മ​ൾ​ത​ന്നെ​യാ​ണെ​ന്നും വി​ശു​ദ്ധ അ​ഗ​സ്റ്റി​ന്‍റെ വാ​ക്കു​ക​ളെ ഉ​ദ്ധ​രി​ച്ച് അ​ദ്ദേ​ഹം ഓ​ർ​മി​പ്പി​ച്ചു. മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞ വാ​ക്കു​ക​ളി​ൽ ഏ​റ്റ​വും ശ്ര​ദ്ധേ​യ​മാ​യ​ത്, ന​മു​ക്ക് ആ​ദ്യം വാ​ക്കു​ക​ളെ നി​രാ​യു​ധീ​ക​രി​ക്കാം, അ​പ്പോ​ൾ ലോ​കം​ത​ന്നെ നി​രാ​യു​ധ​മാ​കും എ​ന്ന​താ​ണ്.

ഒ​രു പ​ക്ഷേ, സ​മാ​ധാ​ന​ത്തി​നു​ള്ള ത​ന്‍റെ ആ​ഹ്വാ​നം പ്രാ​വ​ർ​ത്തി​ക​മാ​ക്കാ​ൻ ലെ​യോ പ​തി​നാ​ലാ​മ​ൻ മാ​ർ​പാ​പ്പ ലോ​ക​ത്തി​നു ന​ൽ​കി​യ ഗൃ​ഹ​പാ​ഠ​മാ​യി അ​തി​നെ കാ​ണാം. വാ​ക്കു​ക​ളി​ൽ​നി​ന്നു പ്ര​വൃ​ത്തി​ക​ളി​ലേ​ക്കും അ​വി​ടെ​നി​ന്നു വി​ശ്വ​സാ​ഹോ​ദ​ര്യ​ത്തി​ലേ​ക്കും വ​ഴി​തെ​ളി​ച്ചേ​ക്കാ​വു​ന്ന വ്യ​ക്തി​പ​ര​മാ​യ നി​രാ​യു​ധീ​ക​ര​ണം. ലോ​ക​ത്തി​ന് വി​ശ്വ​സി​ക്കാം, സ​മാ​ധാ​ന​ത്തി​ന്‍റെ പാ​ത​യൊ​രു​ക്കു​ന്ന​തി​നു​ള്ള ക​രാ​ർ ഫ്രാ​ൻ​സി​സി​ൽ​നി​ന്ന് ലെ​യോ ഏ​റ്റെ​ടു​ത്തി​രി​ക്കു​ന്നു.