ഇ​സ്ര​യേ​ൽ ഇ​റാ​നെ ആ​ക്ര​മി​ച്ചു. അ​റ​ബ് രാ​ജ്യ​ങ്ങ​ൾ പ്ര​തി​ഷേ​ധി​ച്ചെ​ങ്കി​ലും ന​ട​പ​ടി​ക​ൾ ഗാ​സ​യി​ൽ ക​ണ്ട​തു​ത​ന്നെ​യാ​യി​രി​ക്കും. ഇ​ന്ത്യ തീ​വ്ര​വാ​ദ​ത്തെ എ​തി​ർ​ക്കു​ന്നു​ണ്ടെ​ങ്കി​ലും ഇ​റാ​നെ വെ​റു​പ്പി​ക്കാ​നു​മി​ട​യി​ല്ല. അ​വ​രു​മാ​യി ചി​ല ച​ർ​ച്ച​ക​ൾ പു​ന​രാ​രം​ഭി​ച്ച​ത് അ​ടു​ത്ത​ി​ടെ​യാ​ണ്. എ​ല്ലാ​വ​ർ​ക്കും ക​ച്ച​വ​ട​മാ​ണ് മു​ഖ്യം.

ഗാ​സ​യി​ൽ വെ​ടി നി​ർ​ത്തു​മോ​യെ​ന്ന് ലോ​കം ചോ​ദി​ച്ചു​കൊ​ണ്ടി​രി​ക്കെ ഇ​സ്ര​യേ​ൽ ഇ​റാ​നി​ലും വെ​ടി പൊ​ട്ടി​ച്ചി​രി​ക്കു​ന്നു. ത​ങ്ങ​ൾ​ക്കൊ​രു പ​ങ്കു​മി​ല്ലെ​ന്ന് അ​മേ​രി​ക്ക പ​റ​ഞ്ഞെ​ങ്കി​ലും, ആ​രും വി​ശ്വ​സി​ച്ചി​ട്ടി​ല്ല. ഇ​റാ​ൻ തി​രി​ച്ച​ടി​ക്കാ​ൻ ശ്ര​മി​ക്കു​ക​യാ​ണ്. ഇ​ന്ത്യ​ക്കു പ​ക്ഷം പി​ടി​ക്ക​ൽ എ​ളു​പ്പ​മ​ല്ല. ഹ​മാ​സി​നെ​തി​രേ ഇ​സ്ര​യേ​ൽ പ​ക്ഷ​ത്ത് നി​ല​യു​റ​പ്പി​ച്ച ഇ​ന്ത്യ​ക്ക് ഇ​പ്പോ​ൾ ഇ​സ്ര​യേ​ലു​മാ​യു​ള്ള ബ​ന്ധം മാ​ത്ര​മ​ല്ല, ഇ​റാ​നു​മാ​യു​ള്ള വ്യാ​പാ​ര ഇ​ട​പാ​ടു​ക​ളും ഗ​താ​ഗ​ത പ​ദ്ധ​തി​ക​ളും പ​രി​ഗ​ണി​ക്കേ​ണ്ടി​വ​രും.

അ​തു​പോ​ലെ ഇ​സ്‌​ലാ​മി​ക തീ​വ്ര​വാ​ദ​ത്തി​ന്‍റെ ശ​ല്യം സ​ഹി​ക്കാ​നാ​വാ​തെ ഓ​പ്പ​റേ​ഷ​ൻ സി​ന്ദൂ​റി​ലൂ​ടെ പാ​ക്കി​സ്ഥാ​നെ ആ​ക്ര​മി​ച്ച ഇ​ന്ത്യ​ക്ക്, തീ​വ്ര​വാ​ദ ഭീ​ഷ​ണി​യു​ടെ പേ​രി​ൽ ഇ​റാ​നെ ആ​ക്ര​മി​ച്ച ഇ​സ്ര​യേ​ലി​നെ എ​തി​ർ​ക്കാ​നു​മാ​വി​ല്ല. പ​ക്ഷേ, റ​ഷ്യ​യു​ടെ യു​ക്രെ​യ്ൻ അ​ധി​നി​വേ​ശ​ത്തെ, ചു​ളു​വി​ല​യ്ക്ക് റ​ഷ്യ​യി​ൽ​നി​ന്ന് എ​ണ്ണ വാ​ങ്ങാ​നു​ള്ള അ​വ​സ​ര​മാ​ക്കി​യ ന​യ​ത​ന്ത്രം ഈ ​പ്ര​തി​സ​ന്ധി​യി​ലും സ​ഹാ​യ​ക​മാ​യേ​ക്കാം.

ഇ​റാ​ന്‍റെ ആ​ണ​വാ​യു​ധ നി​ർ​മാ​ണ​മാ​ണ് വി​ഷ​യം. പ​ക്ഷേ, ലോ​ക​ത്ത് അ​ണു​ബോം​ബ് ഉ​പ​യോ​ഗി​ച്ച ഏ​ക രാ​ഷ്‌​ട്ര​മാ​യ അ​മേ​രി​ക്ക​യാ​ണ് ആ​ണ​വാ​യു​ധ​ശേ​ഖ​ര​ത്തി​നു മു​ക​ളി​ലി​രു​ന്നു​കൊ​ണ്ട് മ​റ്റു രാ​ജ്യ​ങ്ങ​ളെ ആ​ണ​വ​സ​ന്മാ​ർ​ഗം പ​ഠി​പ്പി​ക്കാ​ൻ മു​ന്നി​ലു​ള്ള​തെ​ന്ന വൈ​ചി​ത്ര്യ​വു​മു​ണ്ട്. ന്യാ​യീ​ക​ര​ണ​മാ​യി അ​മേ​രി​ക്ക​ൻ പ​ക്ഷം ഉ​യ​ർ​ത്തു​ന്ന​ത് ഇ​റാ​ന്‍റെ ആ​പ​ത്ക​ര​മാ​യ മ​ത​മൗ​ലി​ക​വാ​ദ നി​ല​പാ​ടാ​ണ്. വ​ർ​ധി​ച്ചു​വ​രു​ന്ന ഇ​സ്‌​ലാ​മി​ക തീ​വ്ര​വാ​ദം മ​തേ​ത​ര-​ജ​നാ​ധി​പ​ത്യ​രാ​ജ്യ​ങ്ങ​ൾ​ക്കു ഭീ​ഷ​ണി​യാ​യ​തി​നാ​ൽ അ​മേ​രി​ക്ക​ൻ നി​ല​പാ​ടി​നെ പി​ന്തു​ണ​യ്ക്കു​ന്ന​വ​ർ ഏ​റെ​യാ​ണ്. അ​ൽ-​ക്വ​യ്ദ ഉ​ൾ​പ്പെ​ടെ​യു​ള്ള സു​ന്നി ഭീ​ക​ര പ്ര​സ്ഥാ​ന​ങ്ങ​ളെ ഷി​യാ രാ​ജ്യ​മാ​യ ഇ​റാ​ൻ പി​ന്തു​ണ​യ്ക്കു​ന്ന​തി​ന്‍റെ അ​ടി​സ്ഥാ​ന​വും മ​ത​മൗ​ലി​ക​വാ​ദ സാ​ഹോ​ദ​ര്യ​മാ​ണ്; ഒ​പ്പം, ഇ​റാ​ക്കി​ലു​ൾ​പ്പെ​ടെ ഷി​യ വി​ഭാ​ഗം ആ​ക്ര​മി​ക്ക​പ്പെ​ടാ​തി​രി​ക്കു​ക​യും വേ​ണം.

ഇ​ത്ത​ര​മൊ​രു പ​ശ്ചാ​ത്ത​ല​ത്തി​നൊ​പ്പം, ഗാ​സ​യി​ൽ ഹ​മാ​സി​നെ​യും ലെ​ബ​ന​നി​ല്‍ ഹി​സ്ബു​ള്ള​യെ​യും പി​ന്തു​ണ​യ്ക്കു​ന്ന​ത് ഇ​റാ​നോ​ടു​ള്ള ഇ​സ്ര​യേ​ലി​ന്‍റെ ശ​ത്രു​ത ഇ​ര​ട്ടി​പ്പി​ച്ചു. ഇ​തി​നി​ടെ​യാ​ണ്, ആ​ണ​വ നി​രാ​യു​ധീ​ക​ര​ണ മാ​ന​ദ​ണ്ഡ​ങ്ങ​ൾ ഇ​റാ​ൻ ലം​ഘി​ച്ച​താ​യി അ​ന്താ​രാ​ഷ്‌​ട്ര ആ​ണ​വോ​ർ​ജ ഏ​ജ​ൻ​സി ബോ​ർ​ഡ് ക​ഴി​ഞ്ഞ ദി​വ​സം പ്ര​ഖ്യാ​പി​ച്ച​ത്. കി​ട്ടി​യ അ​വ​സ​ര​ത്തി​ൽ ഇ​സ്ര​യേ​ൽ ഇ​റാ​നെ ആ​ക്ര​മി​ക്കു​ക​യും ചെ​യ്തു. ഞാ​യ​റാ​ഴ്ച ഇ​റാ​നു​മാ​യി അ​മേ​രി​ക്ക യു​റേ​നി​യം സ​ന്പു​ഷ്ടീ​ക​ര​ണ പ​ദ്ധ​തി സം​ബ​ന്ധി​ച്ച ച​ർ​ച്ച​യു​ടെ ആ​റാം റൗ​ണ്ട് ന​ട​ത്താ​നി​രി​ക്കെ​യാ​ണ് ആ​ക്ര​മ​ണം. ഇ​റാ​നി​ലും പ​ശ്ചി​മേ​ഷ്യ​യി​ലു​മു​ള്ള അ​മേ​രി​ക്ക​ക്കാ​രോ​ടു മ​ട​ങ്ങി​യെ​ത്താ​ൻ ക​ഴി​ഞ്ഞ​ദി​വ​സം ട്രം​പ് നി​ർ​ദേ​ശി​ച്ച​ത് കാ​ര്യ​ങ്ങ​ളെ​ല്ലാം മു​ൻ​കൂ​ട്ടി അ​റി​ഞ്ഞാ​ണെ​ന്നു വ്യ​ക്തം.

ത​ല​സ്ഥാ​ന​മാ​യ ടെ​ഹ്റാ​നി​ൽ ഉ​ൾ​പ്പെ​ടെ 13 കേ​ന്ദ്ര​ങ്ങ​ളി​ലാ​ണ് ‘ഓ​പ്പ​റേ​ഷ​ൻ റൈ​സിം​ഗ് ല​യ​ൺ’ എ​ന്ന പേ​രി​ൽ ഇ​സ്ര​യേ​ൽ ആ​ക്ര​മ​ണം ന​ട​ത്തി​യ​ത്. ഇ​റാ​ൻ സൈ​നി​ക ക​മാ​ൻ​ഡ​ർ മു​ഹ​മ്മ​ദ് ബാ​ഗേ​രി, ഇ​റാ​ൻ വി​പ്ല​വ സേ​നാ മേ​ധാ​വി ഹൊ​സൈ​ൻ സ​ലാ​മി, ഖ​ത്തം അ​ൽ അ​ൻ​ബി​യാ സെ​ൻ​ട്ര​ൽ ഹെ​ഡ്‍​ക്വാ​ർ​ട്ടേ​ഴ്സ് മേ​ധാ​വി ഗു​ലാം അ​ലി റാ​ഷി​ദ് എ​ന്നി​വ​രും ആ​ണ​വ​ശാ​സ്ത്ര​ജ്ഞ​രും ഉ​ള്‍​പ്പെ​ടെ നി​ര​വ​ധി നേ​താ​ക്ക​ളെ വ​ധി​ച്ച​താ​യി ഇ​സ്രേ​ലി പ്ര​തി​രോ​ധ​സേ​ന അ​റി​യി​ച്ചു. ഇ​രു​ന്നൂ​റി​ല​ധി​കം യു​ദ്ധ​വി​മാ​ന​ങ്ങ​ൾ നൂ​റോ​ളം ല​ക്ഷ്യ​സ്ഥാ​ന​ങ്ങ​ളി​ൽ മു​ന്നൂ​റി​ല​ധി​കം ആ​യു​ധ​ങ്ങ​ളു​പ​യോ​ഗി​ച്ചു.

ആ​ണ​വ, സൈ​നി​ക കേ​ന്ദ്ര​ങ്ങ​ളി​ലാ​ണ് ആ​ക്ര​മ​ണ​മെ​ന്ന് ഇ​സ്ര​യേ​ൽ അ​വ​കാ​ശ​പ്പെ​ട്ടെ​ങ്കി​ലും ജ​ന​വാ​സ​മേ​ഖ​ല​ക​ളി​ലാ​ണ് ആ​ക്ര​മ​ണം ന​ട​ത്തി​യ​തെ​ന്നും നി​ര​വ​ധി സ്ത്രീ​ക​ളും കു​ട്ടി​ക​ളും കൊ​ല്ല​പ്പെ​ട്ടെ​ന്നും ഇ​റാ​ൻ ആ​രോ​പി​ച്ചു. തൊ​ട്ടു​പി​ന്നാ​ലെ ഇ​സ്ര​യേ​ലി​ലേ​ക്ക് ഇ​റാ​ൻ ഡ്രോ​ൺ ആ​ക്ര​മ​ണ​ങ്ങ​ൾ ആ​രം​ഭി​ച്ചി​ട്ടു​ണ്ട്. ഡ്രോ​ണു​ക​ൾ ഇ​സ്ര​യേ​ലി​ൽ എ​ത്ത​ണ​മെ​ങ്കി​ൽ ഏ​ഴ് മ​ണി​ക്കൂ​റെ​ങ്കി​ലു​മെ​ടു​ക്കും. അ​തി​നു​മു​ന്പ് ത​ങ്ങ​ൾ അ​വ​യെ ത​ക​ർ​ക്കു​മെ​ന്നാ​ണ് ഇ​സ്ര​യേ​ൽ അ​വ​കാ​ശ​പ്പെ​ട്ട​ത്. ക​ഴി​ഞ്ഞ ഒ​ക്ടോ​ബ​റി​ൽ ഇ​രു​വി​ഭാ​ഗ​വും ഏ​റ്റു​മു​ട്ടി​യ​പ്പോ​ഴും കൂ​ടു​ത​ൽ ന​ഷ്ടം ഇ​റാ​നാ​യി​രു​ന്നു.

ഏ​തൊ​രു യു​ദ്ധ​വും എ​ന്ന​പോ​ലെ ഇ​തും എ​ല്ലാ രാ​ജ്യ​ങ്ങ​ളെ​യും ബാ​ധി​ക്കും. ഇ​റാ​നും ഇ​സ്ര​യേ​ലും ത​ങ്ങ​ളു​ടെ വ്യോ​മ​പാ​ത അ​ട​ച്ചു. ഇ​ന്ത്യ ഉ​ൾ​പ്പെ​ടെ നി​ര​വ​ധി രാ​ജ്യ​ങ്ങ​ളു​ടെ വ്യോ​മ​ഗ​താ​ഗ​ത ചെ​ല​വ് വ​ർ​ധി​ച്ചു​ക​ഴി​ഞ്ഞു. ഇ​ന്ത്യ​യു​ടെ വ​ലി​യ ആ​ശ​ങ്ക ക്രൂ​ഡ് ഓ​യി​ൽ വി​ല​യാ​ണ്. നി​ല​വി​ൽ 88.2 ശ​ത​മാ​നം എ​ണ്ണ​യും ഇ​ന്ത്യ ഇ​റ​ക്കു​മ​തി ചെ​യ്യു​ക​യാ​ണ്. യു​ക്രെ​യ്ൻ അ​ധി​നി​വേ​ശ​ത്തെ തു​ട​ർ​ന്ന് പാ​ശ്ചാ​ത്യ രാ​ജ്യ​ങ്ങ​ൾ റ​ഷ്യ​യി​ൽ​നി​ന്നു​ള്ള എ​ണ്ണ ക​യ​റ്റു​മ​തി​ക്ക് ഉ​പ​രോ​ധം ഏ​ർ​പ്പെ​ടു​ത്തി​യ​തോ​ടെ ത​ന്ത്ര​പ​ര​മാ​യ ഇ​ട​പാ​ടി​ലൂ​ടെ റ​ഷ്യ​യി​ൽ​നി​ന്ന് നി​സാ​ര വി​ല​യ്ക്ക് ഇ​ന്ത്യ എ​ണ്ണ ഇ​റ​ക്കു​മ​തി ചെ​യ്തു. പ​ക്ഷേ, ഇ​റാ​ന്‍റെ പ​ക്ഷ​ത്താ​ണ് റ​ഷ്യ എ​ന്ന​തി​നാ​ൽ ര​ണ്ടി​ട​ങ്ങ​ളി​ൽ​നി​ന്നും മ​റ്റ് അ​റ​ബ് രാ​ജ്യ​ങ്ങ​ളി​ൽ​നി​ന്നും എ​ണ്ണ ഇ​റ​ക്കു​മ​തി ചെ​യ്യു​ന്ന ഇ​ന്ത്യ ജാ​ഗ്ര​ത പാ​ലി​ച്ചേ തീ​രൂ.

മ​റ്റൊ​ന്ന്, ഇ​റാ​നു​മാ​യു​ള്ള ഗ​താ​ഗ​ത പ​ദ്ധ​തി​ക​ളാ​ണ്. ഇ​ട​യ്ക്കു മ​ന്ദ​ഗ​തി​യി​ലാ​യി​രു​ന്നെ​ങ്കി​ലും ച​ബ​ഹാ​ർ തു​റ​മു​ഖ​ത്തി​ന്‍റെ​യും ഐ​എ​ൻ​എ​സ്‌​ടി​സി (ഇ​ന്‍റ​ർ​നാ​ഷ​ണ​ൽ നോ​ർ​ത്ത് സൗ​ത്ത് ട്രാ​ൻ​സ്പോ​ർ​ട്ട് കോ​റി​ഡോ​ർ) യു​ടെ​യും വി​ക​സ​ന​ത്തി​ൽ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നെ​ക്കു​റി​ച്ച് ക​ഴി​ഞ്ഞ മാ​സം ഇ​ന്ത്യ​ൻ ദേ​ശീ​യ​സു​ര​ക്ഷാ ഉ​പ​ദേ​ഷ്ടാ​വ് അ​ജി​ത് ഡോ​വ​ലും ഇ​റേ​നി​യ​ന്‍ ദേ​ശീ​യ​സു​ര​ക്ഷാ ഉ​പ​ദേ​ഷ്‌​ടാ​വ് അ​ലി അ​ക്ബ​ര്‍ അ​ഹ​മ​ദീ​യ​നും ച​ർ​ച്ച ന​ട​ത്തി​യി​രു​ന്നു. ഇ​റാ​ന്‍റെ ഊ​ർ​ജ​സ​മ്പ​ന്ന​മാ​യ തെ​ക്ക​ൻ തീ​ര​ത്ത് സി​സ്താ​ൻ-​ബ​ലൂ​ചി​സ്ഥാ​ൻ പ്ര​വി​ശ്യ​യി​ലെ ച​ബ​ഹാ​ർ തു​റ​മു​ഖം, ഗ​താ​ഗ​ത​വും സാ​മ്പ​ത്തി​ക ബ​ന്ധ​ങ്ങ​ളും മെ​ച്ച​പ്പെ​ടു​ത്തു​ന്ന​തി​നാ​യി ഇ​ന്ത്യ​യും ഇ​റാ​നും ചേ​ർ​ന്നാ​ണു നി​ർ​മി​ക്കു​ന്ന​ത്. ഇ​ന്ത്യ, ഇ​റാ​ൻ, അ​ഫ്ഗാ​നി​സ്ഥാ​ൻ, അ​ർ​മേ​നി​യ, അ​സ​ർ​ബൈ​ജാ​ൻ, റ​ഷ്യ, മ​ധ്യേ​ഷ്യ, യൂ​റോ​പ്പ് എ​ന്നി​വി​ട​ങ്ങ​ളെ ബ​ന്ധി​പ്പി​ക്കു​ന്ന 7,200 കി​ലോ​മീ​റ്റ​ർ ച​ര​ക്ക് ഗ​താ​ഗ​ത പ​ദ്ധ​തി​യാ​ണ് ഐ​എ​ൻ​എ​സ്‌​ടി​സി. ഇ​തൊ​ക്കെ അ​വ​ഗ​ണി​ക്കാ​ൻ ഇ​ന്ത്യ​ക്കു ക​ഴി​യി​ല്ല. സ​മ​ദൂ​ര സി​ദ്ധാ​ന്ത​മാ​ണ് അ​ഭി​കാ​മ്യ​മെ​ന്നു ചു​രു​ക്കം.

എ​ല്ലാ​വ​രും എ​ല്ലാ​വ​രെ​യും സം​ശ​യി​ക്കു​ന്ന ഒ​രു സാ​ഹ​ച​ര്യം അ​ന്താ​രാ​ഷ്‌​ട്ര ത​ല​ത്തി​ൽ രൂ​പ​പ്പെ​ട്ടി​ട്ടു​ണ്ട്. വ്യാ​പാ​ര​ത്തി​ലാ​യാ​ലും സൈ​നി​ക നീ​ക്ക​ങ്ങ​ളി​ലാ​യാ​ലും പ​ര​സ്പ​രം കൈ ​കൊ​ടു​ക്കു​ന്പോ​ഴും ക​ണ്ണ് പി​ന്നാ​ന്പു​റ​ങ്ങ​ളി​ലേ​ക്കാ​ണ്. അ​തി​ൽ ഒ​രു നി​ർ​ണാ​യ​ക ഘ​ട​ക​മാ​യി ഇ​സ്‌​ലാ​മി​ക തീ​വ്ര​വാ​ദം മാ​റു​ക​യും ഭീ​ക​ര​വാ​ദ വി​രു​ദ്ധ​ത മ​തേ​ത​ര-​ജ​നാ​ധി​പ​ത്യ രാ​ജ്യ​ങ്ങ​ളു​ടെ പ​രി​ഗ​ണ​ന​യി​ൽ ഉ​ൾ​പ്പെ​ടു​ക​യും ചെ​യ്തു. പ​ക്ഷേ, അ​തി​നും മു​ക​ളി​ലാ​ണ് വ്യാ​പാ​ര-​സൈ​നി​ക താ​ത്പ​ര്യ​ങ്ങ​ളും ലാ​ഭ​ങ്ങ​ളും.

പാ​ക്കി​സ്ഥാ​നെ ത​ല്ലു​മെ​ന്നു പ​റ​യു​ന്ന അ​മേ​രി​ക്ക ആ ​തീ​വ്ര​വാ​ദ രാ​ഷ്‌​ട്ര​ത്തെ പ​ല​പ്പോ​ഴും ത​ലോ​ടു​ന്ന​ത് അ​തു​കൊ​ണ്ടാ​ണ്. ഇ​സ്ര​യേ​ൽ മാ​ത്ര​മാ​ണ് അ​തി​ന് അ​പ​വാ​ദ​മെ​ന്നു പ​റ​യാം. ഇ​സ്‌​ലാ​മി​ക ഭീ​ക​ര​പ്ര​സ്ഥാ​ന​ങ്ങ​ളും രാ​ജ്യ​ങ്ങ​ളു​മാ​ണ് അ​വ​രു​ടെ മു​ൻ​ഗ​ണ​നാ പ​ട്ടി​ക​യി​ൽ ഒ​ന്നാ​മ​ത്. അ​ല്ലെ​ങ്കി​ൽ ത​ങ്ങ​ൾ ഭൂ​മു​ഖ​ത്ത് ഉ​ണ്ടാ​കി​ല്ലെ​ന്നാ​ണ് അ​വ​ർ ക​രു​തു​ന്ന​ത്. ബാ​ക്കി​യെ​ല്ലാ തീ​വ്ര​വാ​ദ വി​രു​ദ്ധ​ത​യും മ​ത​സാ​ഹോ​ദ​ര്യ​വു​മൊ​ക്കെ ത​ത്കാ​ലം ആ​ളും ത​ര​വും നോ​ക്കി​യാ​ണ്. പ്ര​മു​ഖ അ​റ​ബ് രാ​ജ്യ​ങ്ങ​ൾ വാ​ക്കു​കൊ​ണ്ട​ല്ലാ​തെ പ്ര​വൃ​ത്തി​കൊ​ണ്ട് ഇ​സ്ര​യേ​ലി​നെ എ​തി​ർ​ക്കാ​ത്ത​ത് ഉ​ദാ​ഹ​ര​ണം.

ഇ​ന്ത്യ​യി​ലേ​ക്കു വ​ന്നാ​ൽ, ഭീ​ക​ര​വാ​ദ​വും ക​ച്ച​വ​ട​വും സ​ങ്കീ​ർ​ണ​മാ​ക്കി​യ ഈ ​ലോ​ക​ക്ര​മ​ത്തെ പ​രി​ഗ​ണി​ക്കാ​തെ, ഇ​സ്ര​യേ​ൽ പ​ണ്ടേ തെ​മ്മാ​ടി​രാ​ഷ്‌​ട്ര​മാ​ണെ​ന്ന് പി​ണ​റാ​യി വി​ജ​യ​നു പ​റ​യാം. പ​ക്ഷേ, ഇ​സ്ര​യേ​ലി​നെ തെ​മ്മാ​ടി​യെ​ന്നോ ഇ​റാ​നെ ഭീ​ക​ര​വാ​ദി​യെ​ന്നോ പ്ര​ധാ​ന​മ​ന്ത്രി​യെ​ന്ന നി​ല​യി​ൽ മോ​ദി​ക്കു വി​ളി​ക്കാ​നാ​വി​ല്ല. മ​റ്റു രാ​ജ്യ​ങ്ങ​ളോ​ടു ചേ​ർ​ന്ന് യു​ദ്ധ​സാ​ഹ​ച​ര്യം ഒ​ഴി​വാ​ക്കാ​ൻ ശ്ര​മി​ക്കു​ക​യേ നി​ർ​വാ​ഹ​മു​ള്ളൂ; പ്ര​ത്യേ​കി​ച്ച് അ​മേ​രി​ക്ക​യും ഇ​സ്ര​യേ​ലും കൈ​കോ​ർ​ത്തു നി​ൽ​ക്കു​ന്പോ​ൾ.