പെ​ട്രോ​ളും ഡീ​സ​ലും ജി​എ​സ്ടി​യു​ടെ പ​രി​ധി​യി​ല്‍ കൊ​ണ്ടു​വ​രു​ന്ന​തി​നെ സം​ബ​ന്ധി​ച്ച് ഒ​രു പൊ​തു​താ​ത്‍പ​ര്യ ഹ​ര്‍ജി പ​രി​ഗ​ണി​ക്ക​വേ, കേ​ര​ള ഹൈ​ക്കോ​ട​തി ജി​എ​സ്ടി കൗ​ണ്‍സി​ലി​നോ​ട് ഇ​ക്കാ​ര്യ​ത്തി​ല്‍ ആ​ലോ​ചി​ച്ച് ഉ​ചി​ത​മാ​യ ശിപാ​ര്‍ശ​ക​ള്‍ ന​ല്‍കാ​ന്‍ അ​ടു​ത്തി​ടെ ആ​വ​ശ്യ​പ്പെ​ട്ടി​രു​ന്നു. എ​ന്നി​രു​ന്നാ​ലും ഇന്നു കൂ​ടാ​നി​രി​ക്കു​ന്ന യോ​ഗ​ത്തി​ല്‍ ഈ ​വി​ഷ​യ​ത്തി​ല്‍ ഒ​രു അ​ന്തി​മ തീ​രു​മാ​നം ഉ​ണ്ടാ​കാ​ന്‍ സാ​ധ്യ​ത​യി​ല്ല.

കേ​ര​ള സ​ര്‍ക്കാ​രി​ന്‍റെ ശ​ക്ത​മാ​യ എ​തി​ര്‍പ്പ് ഇ​ന്നും ധ​ന​മ​ന്ത്രി കെ.​എ​ന്‍. ബാ​ല​ഗോ​പാ​ല്‍ ആ​വ​ര്‍ത്തി​ച്ചു. സം​സ്ഥാ​ന സ​ര്‍ക്കാ​ര്‍ ഗു​രു​ത​ര​മാ​യ സാ​മ്പ​ത്തി​ക പ്ര​തി​സ​ന്ധി​യി​ലാ​ണെ​ന്ന് അ​ദ്ദേ​ഹം തു​റ​ന്ന​ടി​ക്കു​ന്നു. ഈ ​മാ​സ​വും 6000 കോ​ടി ക​ട​മെ​ടു​ത്തെ​ന്നും അ​തു മു​ഴു​വ​ന്‍ സ​ര്‍ക്കാ​ര്‍ ജീ​വ​ന​ക്കാ​ര്‍ക്ക് ശ​മ്പ​ള​വും പെ​ന്‍ഷ​നും ന​ല്കാ​നാ​ണ് മു​ട​ക്കി​യ​തെ​ന്നും, ഇ​തെ​ല്ലാ​വ​രും അ​റി​യ​ട്ടെ എ​ന്നും രൂ​ക്ഷ​മാ​യ ഭാ​ഷ​യി​ല്‍ വെ​ളി​പ്പെ​ടു​ത്തി​ക്കൊ​ണ്ട് ആ​ഞ്ഞ​ടി​ച്ചു.

കേ​ന്ദ്ര സ​ര്‍ക്കാ​ർ ഒ​രു ലി​റ്റ​ര്‍ ഡീ​സ​ലി​ന് 18 രൂ​പ റോ​ഡ് വി​ക​സ​ന സെ​സും 4 രൂ​പ കാ​ര്‍ഷി​ക മേ​ഖ​ല​യി​ല്‍ പ​ശ്ചാ​ത്ത​ല സൗ​ക​ര്യ​മൊ​രു​ക്കു​ന്ന​തി​നു​ള്ള സെ​സും ഈ​ടാ​ക്കു​ന്ന​ത് അ​വ​സാ​നി​പ്പി​ക്കാ​ന്‍ ത​യാ​റാ​കു​മെ​ന്ന് ക​രു​താ​ന്‍ ക​ഴി​യി​ല്ല. ഇ​ന്ധ​ന ചെ​ല​വ് ലാ​ഭി​ക്കാ​ന്‍ മി​ക​ച്ച റോ​ഡ് ആ​വ​ശ്യ​വു​മാ​ണ് താ​നും.

കാ​ല​ക്ര​മേ​ണ ച​ര​ക്കു​സേ​വ​ന നി​കു​തി (ജി​എ​സ്ടി) പ​രി​ധി​യി​ല്‍ പെ​ട്രോ​ളും ഡീ​സ​ലും ഉ​ള്‍പ്പെ​ടു​ത്തു​ന്ന​ത് അ​നി​വാ​ര്യ​മാ​യി​ത്തീ​രും. അ​നാ​വ​ശ്യ മേ​ഖ​ല​ക​ളി​ല്‍ നി​ന്നും സ​ര്‍ക്കാ​ര്‍ പി​ന്‍മാ​റു​ക​യും ചെ​ല​വു​ചു​രു​ക്കു​ക​യും ചെ​യ്യു​ന്ന ഉ​ദാ​ത്ത മാ​തൃ​ക പ​ല സം​സ്ഥാ​ന സ​ര്‍ക്കാ​രു​ക​ളും കേ​ന്ദ്ര സ​ര്‍ക്കാ​രും കാ​ണി​ച്ചു ത​രു​ന്നു.

ഒ​ന്നാ​മ​താ​യി ബി​സി​ന​സ് ന​ട​ത്തു​ക എ​ന്ന​ത് സ​ര്‍ക്കാ​രി​ന്‍റെ പ​ണി അ​ല്ല എ​ന്ന കേ​ന്ദ്ര നി​ല​പാ​ട് കേ​ര​ള സ​ര്‍ക്കാ​രും അം​ഗീ​ക​രി​ക്കേ​ണ്ടി വ​രും.
സ​ര്‍ക്കാ​ര്‍ നി​കു​തി കു​റ​ച്ചി​ട്ട് പെ​ട്രോ​ള്‍ വി​ല കു​റ​യും എ​ന്ന് സ്വ​പ്നം കാ​ണാ​ന്‍ മ​ല​യാ​ളി​ക്ക് അ​വ​കാ​ശ​മി​ല്ല.

പെ​ട്രോ​ള്‍ വി​ല നി​ര്‍ണ​യാ​ധി​കാ​രം കോ​ര്‍പ​റേ​റ്റു​ക​മ്പ​നി​ക​ളെ ഏ​ല്പി​ക്കു​ന്ന​തി​ല്‍ നി​ല​വി​ളി​ച്ചി​രു​ന്ന​വ​ര്‍ ഇ​തു​കൂ​ടി മ​ന​സി​ലാ​ക്കു​ക. ബ​ഹു​രാ​ഷ്‌ട്ര കോ​ര്‍പ​റേ​റ്റ് ക​മ്പ​നി​ക​ള്‍ ക​ഴി​ഞ്ഞ പ​തി​റ്റാ​ണ്ടി​ല്‍ ഈ​ടാ​ക്കി​യി​രു​ന്ന​തി​ന്‍റെ പ​കു​തി വി​ല​യ്ക്കാ​ണ് ഇ​ന്ത്യ​ക്ക് ക്രൂ​ഡ് ഓ​യി​ല്‍ ഇ​പ്പോ​ള്‍ ത​രു​ന്ന​ത് എ​ന്ന​ത് മാ​ത്ര​മാ​ണ് ഈ ​മേ​ഖ​ല​യി​ലെ ഏ​ക ആ​ശ്വാ​സം. ക​ഴി​ഞ്ഞ പ​തി​റ്റാ​ണ്ടി​ല്‍ 140 ഡോ​ള​ര്‍ വി​ല​യു​ണ്ടാ​യി​രു​ന്ന ക്രൂ​ഡ് ഓ​യി​ലി​ന് ഇ​പ്പോ​ള്‍ ന്യാ​യ​മാ​യും 210 ഡോ​ള​ര്‍ വി​ല​യി​ട്ടാ​ലും ആ​ര്‍ക്ക് കു​റ്റം പ​റ​യാ​ന്‍ പ​റ്റും? അ​തേ സ​മ​യം ബ​ഹു​രാ​ഷ്‌ട്ര ‘കു​ത്ത​ക’ കോ​ര്‍പറേ​റ്റ് ക​മ്പ​നി​ക​ള്‍ ത​ങ്ങ​ളു​ടെ ‘വി​ല നി​ര്‍ണ​യാ​ധി​കാ​രം’ ഉ​പ​യോ​ഗി​ച്ച് അ​തി​ന്‍റെ മു​ന്നി​ലൊ​ന്ന് വി​ല​യാ​യ 70 ഡോ​ള​ര്‍ മാ​ത്ര​മാ​ണ് ഈടാ​ക്കു​ന്ന​ത്.

ടെ​ലി​കോം, ഓ​ട്ടോ​മൊ​ബൈ​ല്‍, ഇ​ല​ക‌്‌ട്രോ​ണി​ക്‌​സ് ഉ​ത്പ​ന്ന​ങ്ങ​ള്‍ ഉ​ള്‍പ്പെ​ടെ കോ​ര്‍പ​റേ​റ്റു​ക​ള്‍ ഭ​രി​ക്കു​ന്ന മേ​ഖ​ല​ക​ളി​ലെ​ല്ലാം ഇ​താ​ണ് സ്ഥി​തി..!

കോ​ര്‍പറേറ്റ് വത്കരണം‍ അ​തി​ന്‍റെ ഉച്ഛസ്ഥായിൽ‍ ഇ​ന്ത്യ​യി​ല്‍ തു​ട​ങ്ങി​യി​രി​ക്കു​ന്നു..!

ക​മ്യൂ​ണി​സ്റ്റ് സോ​ഷ്യ​ലി​സ്റ്റ് മൈ​ന്‍ഡ് സെ​റ്റ് ഉ​പേ​ക്ഷി​ക്കാ​ന്‍ ത​യാ​റു​ള്ള ആ​ര്‍ക്കും ഓ​ഹ​രി നി​ക്ഷേ​പ​ക​ര്‍ എ​ന്ന നി​ല​യി​ലും വി​ദ്യാ​ഭ്യാ​സ​വും പ​രി​ശീ​ല​ന​വും സി​ദ്ധി​ച്ച് പ്ര​ഫ​ഷ​ണ​ലു​ക​ള്‍ എ​ന്ന നി​ല​യി​ലും ഈ ​വ​ള​ര്‍ച്ച​യി​ല്‍ അ​ണി​ചേ​രാം.

ജ​യിം​സ് മാ​ത്യു, പൂ​വ​ത്തു​ങ്ക​ല്‍,പ്ലാ​ശ​നാ​ല്‍