കേ​ര​ള​ത്തി​ലെ ഒ​രു യു​വ എം​എ​ൽ​എ​യെ​ക്കു​റി​ച്ചു​യ​ർ​ന്ന ലൈം​ഗി​ക ആ​രോ​പ​ണ​ങ്ങ​ളും അ​തി​നെ​ക്കു​റി​ച്ചു​ള്ള ച​ർ​ച്ച​ക​ളും മാ​ധ്യ​മ​ങ്ങ​ൾ കൊ​ണ്ടാ​ടു​ക​യാ​ണ്. അ​ന്ധ​മാ​യ ക​ക്ഷിരാ​ഷ്‌​ട്രീ​യ ചി​ന്ത​യും അ​ടു​ത്തു വ​രു​ന്ന തെ​ര​ഞ്ഞെ​ടു​പ്പു​മാ​ണ് ഈ ​രാ​ഷ്‌​ട്രീ​യ ആ​രോ​പ​ണ പ്ര​ത്യാ​രോ​പ​ണ​ങ്ങ​ളു​ടെ അ​ടി​സ്ഥാ​നം.

അ​തു​കൊ​ണ്ടു​ത​ന്നെ ഇ​തി​ന്‍റെ അ​വ​സാ​നം ന​മു​ക്ക് ഊ​ഹി​ക്കാ​വു​ന്ന​തേ​യു​ള്ളൂ. ലൈം​ഗി​ക സം​സ്കാ​ര​വും ന​ന്നാ​കി​ല്ല, രാ​ഷ്‌​ട്രീ​യ​വും ന​ന്നാ​കി​ല്ല. ഈ ​ലൈം​ഗി​ക സ​ദാ​ചാ​ര, ക​ക്ഷിരാ​ഷ്‌​ട്രീ​യ ച​ർ​ച്ച​ക​ൾ​പ്പു​റം കേ​ര​ളം ഒ​ന്നാ​യി ചി​ന്തി​ക്കേ​ണ്ട വി​ഷ​യം, കേ​ര​ള​ത്തി​ലെ ഭാ​വി രാ​ഷ്‌​ട്രീ​യ​ക്കാ​ർ ആ​രാ​യി​രി​ക്ക​ണം, രാ​ഷ്‌​ട്രീ​യം എ​ന്താ​യി​രി​ക്ക​ണം എ​ന്ന​താ​ണ്.

കേ​ര​ള​ത്തി​ലെ മോ​ശം സാ​മ്പ​ത്തി​ക​സ്ഥി​തി​യി​ൽ ജീ​വി​ക്കാ​ൻ ഇ​വി​ടത്തെ ജ​ന​ങ്ങ​ൾ ബു​ദ്ധി​മു​ട്ടു​ക​യാ​ണ്. അ​വ​സ​രം തേ​ടി ന​മ്മു​ടെ വി​ദ്യാ​ർ​ഥി​ക​ളും അ​ഭ്യ​സ്ത​വി​ദ്യ​രും മ​റു​നാ​ടു​ക​ളി​ലേ​ക്കു പോ​കു​ന്നു. അ​വി​ട​ങ്ങ​ളി​ലെ പ്ര​ധാ​ന സം​രം​ഭ​ക​രാ​യി വി​ജ​യി​ക്കു​ക​യും ചെ​യ്യു​ന്നു. കൂ​ടാ​തെ, അ​വി​ടത്തെ രാ​ഷ്‌​ട്രീ​യ സാ​മൂ​ഹി​ക മേ​ഖ​ല​ക​ളെ ന​യി​ക്കു​ന്നു. ഇ​തൊ​ന്നും ഇ​വി​ടെ സാ​ധ്യ​മാ​ക്കാ​ൻ കെ​ൽ​പ്പി​ല്ലാ​തെ ന​മ്മു​ടെ രാ​ഷ്‌​ട്രീ​യം വെ​റും വി​വാ​ദ​വ്യ​വ​സാ​യ​ത്തി​ൽ ഏ​ർ​പ്പെ​ട്ടു സ​മ​യം പാ​ഴാ​ക്കു​ക​യാ​ണ്.

മൊ​ണ്ടെ​ക് സിം​ഗ് അ​ലു​വാ​ലി​യ എം.​എ​സ്. സ്വാ​മി​നാ​ഥ​നെ​ക്കു​റി​ച്ചെ​ഴു​തി​യ ഓ​ർ​മ​ക്കു​റി​പ്പി​ൽ പ​റ​യു​ന്ന​ത് ഹ​രി​ത​വി​പ്ല​വം ന​ട​പ്പാ​ക്കാ​ൻ അ​ദ്ദേ​ഹ​ത്തി​ന് ഏ​റ്റ​വും ത​ട​സം നേ​രി​ട്ട​ത് രാ​ഷ്‌​ട്രീ​യ​ക്കാ​രി​ൽ നി​ന്നാ​ണെ​ന്നാ​ണ്. അ​തി​ന്‍റെ പ്ര​ധാ​ന കാ​ര​ണം അ​വ​രു​ടെ അ​ജ്ഞ​ത​യാ​യി​രു​ന്നു എ​ന്നാ​ണ് അ​ദ്ദേ​ഹം ചൂണ്ടിക്കാട്ടുന്നത്. നി​ർ​ഭാ​ഗ്യ​വ​ശാ​ൽ ന​മ്മു​ടെ രാ​ഷ്‌​ട്രീ​യ ഉ​പ​ബോ​ധ​ത്തി​ൽ ഇ​പ്പോ​ഴും സ​മ​ര​ങ്ങ​ളും അ​ക്ര​മ​ങ്ങ​ളും ടി​യ​ർ ഗാ​സും പോ​ലീ​സ് ബാ​രി​ക്കേ​ഡു​ക​ളും കൈ​യൂ​ക്കും നി​യ​മ​ലം​ഘ​ന​വും രാ​ഷ്‌​ട്രീ​യ പ്ര​സം​ഗ​ങ്ങ​ളും ച​ർ​ച്ച​ക​ളും ഒ​ക്കെ​യാ​ണ് രാ​ഷ്‌​ട്രീ​യ​നേ​തൃ​ത്വ​ത്തി​ൽ എ​ത്താ​നു​ള്ള യോ​ഗ്യ​ത​ക​ൾ. ഈ ​യു​വ എം​എ​ൽ​എ​യും ന​മ്മു​ടെ രാ​ഷ്‌​ട്രീ​യ ‘ഭാ​വ​നാലോ​ക’​ത്തി​ന്‍റെ പൂ​ർ​ണ ഉ​ത്പ​ന്ന​മാ​ണ്. ഹീ​റോ ആ​ണ്. ഇ​തി​നു​ത്ത​ര​വാ​ദി അ​ദ്ദേ​ഹം മാ​ത്ര​മ​ല്ല, ന​മ്മ​ൾ പൊ​തു​വാ​യി വ​ച്ചുപു​ല​ർ​ത്തു​ന്ന രാ​ഷ്‌​ട്രീ​യ ധാ​ര​ണ​ക​ളും ന​മ്മ​ളു​മാ​ണ്. ഇ​പ്പോ​ഴും ഭ​ര​ണ​ത്തി​ന്‍റെ പ​ല മേ​ഖ​ല​ക​ളെ​ക്കു​റി​ച്ചു​മു​ള്ള അ​റി​വും വൈ​ദ​ഗ്ധ്യ​വും രാ​ഷ്‌​ട്രീ​യ​ക്കാ​ർ​ക്ക് അ​ന്യ​മാ​ണ്. ജ​ന​കീ​യ​ത​യും ജ​ന​പ്രി​യ​ത​യും ഒ​ക്കെ​യാ​ണ് യോ​ഗ്യ​ത​ക​ൾ. ഈ ​അ​ടു​ത്ത കാ​ല​ത്ത് രാ​ഷ്‌​ട്രീ​യ നേ​തൃ​ത്വ​ത്തി​ലേ​ക്കു​വ​ന്ന എ​ല്ലാ പാ​ർ​ട്ടി​യി​ലും പെ​ട്ട യു​വ​നേ​താ​ക്ക​ൾ ഇ​ത്ത​ര​ക്കാ​രാ​ണ്. ഇ​പ്പോ​ഴ​ത്തെ ത​ല​മു​തി​ർ​ന്ന നേ​താ​ക്ക​ളി​ൽനി​ന്നു മ​റ്റൊ​ന്നും പ്ര​തീ​ക്ഷി​ക്കാ​നു​മി​ല്ല.

സ്വ​ത​ന്ത്ര ഇ​ന്ത്യ​യി​ൽ ന​മ്മ​ൾ ന​മ്മെ ഭ​രി​ക്കു​ന്നി​ട​ത്ത് ബ്രി​ട്ടീ​ഷു​കാ​ർ​ക്കെ​തി​രേ ന​ട​ത്തി​യ സ​മ​ര​മു​റ​ക​ൾ​ക്കും അ​ക്ര​മ​ത്തി​നും നി​യ​മ​ലം​ഘ​ന​ത്തി​നും സ്ഥാ​ന​മി​ല്ലെ​ന്ന് അം​ബേ​ദ്ക​ർ വ്യ​ക്ത​മാ​യി പ​റ​ഞ്ഞി​ട്ടു​ണ്ട്. പ​ക്ഷേ, ഇ​പ്പോ​ഴും ന​മ്മ​ൾ സ്വാ​ത​ന്ത്ര്യ​സ​മ​ര ഹാം​ഗ് ഓ​വ​റി​ലാ​ണ്. നാം ​ന​മു​ക്കെ​തി​രേത​ന്നെ സ​മ​രം ചെ​യ്തു​കൊ​ണ്ടേ​യി​രി​ക്കു​ന്നു. കൊ​ടി​വ​ച്ച കാ​റും പോ​ലീ​സ് ജീ​പ്പു​ക​ളും അം​ഗ​ര​ക്ഷ​ക​രും പ്രോ​ട്ടോ​കോ​ളു​ക​ളും മാ​ത്ര​മാ​യി ഭ​ര​ണം മാ​റു​ന്നു. ജ​ന​വും ഇ​തു​ക​ണ്ട് കൈ​യ​ടി​ക്കു​ന്നു. ഇ​ത്ര മ​നോ​ഹ​ര​മാ​യ പ്ര​കൃ​തിവി​ഭ​വ​ങ്ങ​ളു​ള്ള, ഇ​ത്ര ഉ​യ​ർ​ന്ന സാ​മൂ​ഹി​ക സൂ​ചി​ക​ക​ളു​ള്ള കേ​ര​ളം അ​ടി​ക്ക​ടി മു​ര​ടി​ക്കു​ന്നു. ഒ​രു പ്ര​ശ്‌​ന​ത്തി​നെ​ങ്കി​ലും ശാ​സ്ത്രീ​യ​മാ​യ പ​രി​ഹാ​രം കാ​ണാ​ൻ ക​ഴി​യാ​ത്ത​വി​ധം ഭ​ര​ണ​സം​വി​ധാ​നം അ​ധഃ​പ​തി​ച്ചി​രി​ക്കു​ന്നു.

ഈ ​യു​വ എം​എ​ൽ​എ​യു​ടെ പ​രാ​ജ​യം കേ​ര​ള​ത്തി​ന്‍റെ രാ​ഷ്‌​ട്രീ​യ പൊ​തു​ബോ​ധ​ത്തെ​യും ഉ​പ​ബോ​ധ​ത്തെ​യും പു​നഃ​ക്ര​മീ​ക​രി​ക്കാ​ൻ ഉ​പ​യോ​ഗി​ക്ക​ണം. അ​റി​വും ക​ഴി​വും കൃ​ത്യ​മാ​യ യോ​ഗ്യ​ത​യും ഉ​ള്ള​വ​ർ ഒ​രു നി​ശ്ചി​ത കാ​ല​യ​ള​വി​ൽ സേ​വ​നം ചെ​യ്ത് വേ​ത​നം​പ​റ്റി പി​രി​യു​ന്ന ജ​ന​സേ​വ​ക​രാ​യി രാ​ഷ്‌​ട്രീ​യ​ക്കാ​രെ മാ​റ്റി​യെ​ടു​ക്കാ​ൻ, അ​ത്ത​രം ആ​ളുകളെ രാ​ഷ്‌​ട്രീ​യ​ത്തി​ലേ​ക്ക് സ്വാ​ഗ​തം ചെ​യ്യാ​ൻ കേ​ര​ള​ത്തി​ന്‍റെ പൊ​തു​ബോ​ധം രൂ​പ​പ്പെ​ടേ​ണ്ട​തു​ണ്ട്. ടെ​ക്‌​നോ​ക്രാ​റ്റു​ക​ളും കൃ​ഷി വി​ദ​ഗ്ധ​രും ന​യ രൂ​പ​ക​ർ​ത്താ​ക്ക​ളും ഇ​ക്ക​ണോ​മി​സ്റ്റു​ക​ളും ആ​രോ​ഗ്യ വി​ദ​ഗ്ധ​രും എ​ന്‍ജി​നി​യ​ർ​മാ​രും ബി​സി​ന​സു​കാ​രും പ​രി​സ്ഥി​തി വി​ദ​ഗ്ധ​രും സ​ത്യ​സ​ന്ധ​രാ​യ പൊ​തു​പ്ര​വ​ർ​ത്ത​ക​രും ഒ​ക്കെ ഇ​ക്കൂ​ട്ട​ത്തി​ൽ പെ​ടും. ന​മു​ക്ക് വേ​ണ്ട​ത് വെ​റും രാ​ഷ്‌​ട്രീ​യ​ബോ​ധ​മ​ല്ല, മ​റി​ച്ച്, ഉ​യ​ർ​ന്ന ജ​നാ​ധി​പ​ത്യ​ബോ​ധ​മാ​ണ്.

ഡോ. ​പി.​ജെ. തോ​മ​സ് പ​ത്തി​ൽ​ച്ചി​റ, വാ​ഴ​പ്പ​ള്ളി ച​ങ്ങ​നാ​ശേ​രി