വ​സ്തു​നി​ഷ്ഠ​വും സ്വ​ത​ന്ത്ര​വും സാ​മൂ​ഹി​ക​പ്ര​തി​ബ​ദ്ധ​ത​യു​മു​ള്ള ഭ​യ​ര​ഹി​ത മാ​ധ്യ​മ​പ്ര​വ​ർ​ത്ത​ന​ത്തി​ന് ല​ഭി​ച്ച അം​ഗീ​കാ​ര​മാ​ണ് ഇ​ത്ത​വ​ണ​ത്തെ നൊ​ബേ​ൽ സ​മാ​ധാ​ന​ പു​ര​സ്കാ​രം. അ​ന്വേ​ഷ​ണാ​ത്മ​ക മാ​ധ്യ​മ​പ്ര​വ​ർത്ത​ന​ത്തി​നും ആ​വി​ഷ്കാ​ര​സ്വാ​ത​ന്ത്ര്യ​ത്തി​നും വേ​ണ്ടി​യു​ള്ള അ​ക്ഷീ​ണ​പ​രി​ശ്ര​മ​ത്തി​ന് ഫി​ലി​പ്പീ​ൻ​സി​ൽ നി​ന്നു ള്ള ​മ​രി​യ റെ​സ​യും റ​ഷ്യ​ക്കാ​ര​നാ​യ ദി​മി​ത്രി മു​റ​ടോ​വും പു​ര​സ്കാ​രം പ​ങ്കി​ടു​ന്പോ​ൾ ലോ​ക​ത്തെ​ന്പാ​ടു​ം സ​ത്യ​സ​ന്ധ​മാ​യ മാ​ധ്യ​മ​പ്ര​വ​ർ​ത്ത​ന​ത്തി​ന് ജീ​വി​താ​ർ​പ്പ​ണം ചെ​യ്തി​രി​ക്കു​ന്ന സ​ക​ല മാ​ധ്യ​മ​പ്ര​വ​ർ​ത്ത​ക​ർ​ക്കു​മുള്ള ​ആ​ദ​രം​കൂ​ടി​യാ​ണ​ത്.

മാ​ധ്യ​മ​പ്ര​വ​ർ​ത്ത​നം പൊ​തു​ക്ഷേ​മം മു​ൻ​നി​ർ​ത്തി​യു​ള്ള സേ​വ​ന​മാ​ണ്. കൃ​ത്യ​ത​യോ​ടെ​യും വ​സ്തു​നി​ഷ്ഠ​മാ​യും വി​വ​ര​ങ്ങ​ളും വാ​ർ​ത്ത​ക​ളും പൊ​തു​ജ​ന​ങ്ങ​ളി​ലേ​ക്ക് എ​ത്തി​ക്കു​ക​യെ​ന്ന​താ​ണ് അ​തി​ന്‍റെ ധ​ർ​മം.

ഇ​ന്ന്, സെ​ൻ​സേ​ഷ​ണ​ലി​സ​ത്തി​ന്‍റെ​യും കി​ട​മ​ത്സ​ര​ങ്ങ​ളു​ടെ​യും പി​ടി​യി​ല​മ​ർ​ന്നി​രി​ക്കു​ക​യാ​ണ് മാ​ധ്യ​മ​ങ്ങ​ൾ. മ​നു​ഷ്യ​ജീ​വി​ത​വും മാ​ന​വി​ക​ത​യും എ​ന്ന​തി​ലു​പ​രി ലാ​ഭ​വും നേ​ട്ട​വും എ​ന്ന ക​ന്പോ​ള​ത്തി​നും ക​ച്ച​വ​ട​താ​ത്പ​ര്യ ങ്ങ​ൾ​ക്കും അ​തു വ​ഴി​മാ​റി. മ​നു​ഷ്യ​ജീ​വി​ത​ത്തി​ന്‍റെ പൊ​ള്ളു​ന്ന നേ​രിനേക്കാ​ൾ വി​നോ​ദ​പ​രി​പാ​ടി​ക​ളും അ​തി​ന്‍റെ റേ​റ്റിം​ഗും വി​സി​ബി​ലി​റ്റി​യും സ്ഥാ​നം പി​ടി​ച്ചി​രി​ക്കു​ന്നു.

"ഞാ​ൻ ഏ​റ്റ​വും കൂ​ടു​ത​ൽ ശ്ര​ദ്ധി​ച്ച​ത് ഒ​രു ത​ക​ർ​ന്ന ക​ഥ​യി​ലെ മ​നു​ഷ്യ​മു​ഖം പ​ക​ർ​ത്തു​ന്ന​തി​ലാ​യി​രു​ന്നു.’ ഫോ​ട്ടോ​ഗ്ര​ഫി​ക്കു​ള്ള പു​ലിറ്റ്സർ അ​വാ​ർ​ഡ് ജേ​താ​വ് ഡാ​നി​ഷ് സി​ദ്ദി​ഖി​യു​ടെ ഈ ​വാ​ക്കു​ക​ൾ ശ്ര​ദ്ധേ​യ​മാ​ണ്. ഉ​യ​ർ​ന്ന ചി​ന്ത​യും ഉ​ത്കൃ​ഷ്ട​മാ​യ നീ​തിബോ​ധ​വും രാ​ഷ്ട്രീ​യ സാ​മൂ​ഹി​ക​ പ്ര​തി​ബ​ദ്ധ​ത​യും മാ​ധ്യ​മ​പ്ര​വ​ർ​ത്ത​ക​രി​ൽ രൂ​പ​പ്പെ​ടേ​ണ്ടി​യി​രി​ക്കു​ന്നു.

സ്വ​ത​ന്ത്ര​ മാ​ധ്യ​മ​പ്ര​വ​ർ​ത്ത​ന​ത്തി​ൽ ഭ​ര​ണ​കൂ​ട​ത്തി​നും ചി​ല ഉ​ത്ത​ര​വാ​ദി​ത്വ​ങ്ങ​ളുണ്ട്. വി​മ​ർ​ശി​ക്കു​ന്ന​വ​രെ​യും തെ​റ്റ് ചൂ​ണ്ടി​ക്കാ​ണി​ക്കു​ന്ന​വ​രെ​യും ഇ​ല്ലാ​താ​ക്കു​ന്ന ഭ​ര​ണ​കൂ​ട​ നി​ല​പാ​ട് ജ​നാ​ധി​പ​ത്യ​വി​രു​ദ്ധ​മാ​ണ്. പ്ര​തി​പ​ക്ഷ​ത്താ​കു​ന്പോ​ൾ ഭ​ര​ണ​പ​ക്ഷ​ത്തെ എ​തി​ർ​ക്കാ​ൻ മാ​ധ്യ​മ​ങ്ങ​ളെ കൂ​ട്ടു​പി​ടി​ക്കു​ക​യും ഭ​ര​ണ​ത്തി​ലേ​റു​ന്പോ​ൾ മാ​ധ്യ​മ​ങ്ങ​ളോ​ട് അ​സ​ഹി​ഷ്ണു​ത പു​ല​ർ​ത്തു​ക​യും ചെ​യ്യു​ന്ന പ​തി​വു​ശൈ​ലി തി​രു​ത്ത​പ്പെ​ടേ​ണ്ട​താ​ണ്.

ജ​ന​ദ്രോ​ഹ​പ​ര​മാ​യ സ​മീ​പ​ന​ങ്ങ​ളും അ​നു​ചി​ത​മാ​യ അ​വ​ത​ര​ണ​രീ​തി​ക​ളും വ്യ​ക്തി​സ്വാ​ത​ന്ത്ര്യ​ത്തി​ന്മേ​ലു​ള്ള ക​ട​ന്നു​ക​യ​റ്റ​വും ചോ​ദ്യം ചെ​യ്യ​പ്പെ​ട​ണ്ട​വ​ത​ന്നെ. "ത​ങ്ങ​ളു​ടെ കൈ​വ​ശ​മു​ള്ള ഉ​പ​ക​ര​ണ​ത്തി​ന്‍റെ ദൂ​ര​വ്യാ​പ​ക ഫ​ല​ങ്ങ​ൾ തി​രി​ച്ച​റി​ഞ്ഞ്, സ​ത്യ​മെ​ന്നു ബോ​ധ്യ​പ്പെ​ടാ​ത്ത ഒ​രു വാ​ർ​ത്ത എ​ളു​പ്പ​ത്തി​ൽ പ്ര​സി​ദ്ധീ​ക​രി​ക്കാ​നു​ള്ള വ്യ​ഗ്ര​ത അ​ട​ക്കാ​നും സ​മ​യ​മെ​ടു​ത്ത് മ​ന​സി​ലാ​ക്കാ​നും പ​രി​ശ്ര​മി​ക്കു​ന്ന​വ​രു​മാ​യി​രി​ക്ക​ണം മാ​ധ്യ​മ​പ്ര​വ​ർ​ത്ത​ക​ർ’ (ഫ്രാ​ൻ​സി​സ് മാ​ർ​പാ​പ്പ). സ​ത്യ​സ​ന്ധ​വും നീ​തി​യു​ക്ത​വു​മാ​യ മാ​ധ്യ​മ​പ്ര​വ​ർ​ത്ത​ന​ത്തി​നു സം​ര​ക്ഷ​ണം ന​ൽ​കാ​ൻ ഭ​ര​ണ​കൂ​ട​വും സ്വാ​ഗ​തം ചെ​യ്യാ​ൻ സ​മൂ​ഹ​വും ത​യാ​റാ​കു​ന്പോ​ൾ, ജ​നാ​ധി​പ​ത്യ​ത്തി​ന് തീ​ർ​ച്ച​യാ​യും സു​സ്ഥി​ര​ത കൈ​വ​രും.

ഫാ. ​ജോ​യി ചെ​ഞ്ചേ​രി​ൽ എംസിബിഎസ്