സേ​വ​നം തേ​ടി​ ആ​ത്മ​ഹ​ത്യാ പ്ര​തി​രോ​ധ ക്ലി​നി​ക്കി​ലെത്തിയത് നാ​നൂ​റി​ല​ധി​കം പേ​ര്‍
Monday, August 11, 2025 1:46 AM IST
ചെ​റു​വ​ത്തൂ​ര്‍: ആ​ത്മ​ഹ​ത്യാ പ്ര​വ​ണ​ത​യു​ടെ ആ​ശ​ങ്കാ​ജ​ന​ക​മാ​യ വ​ര്‍​ധ​ന​വി​നെ ത​ട​യു​ക എ​ന്ന ല​ക്ഷ്യ​ത്തോ​ടെ നീ​ലേ​ശ്വ​രം ബ്ലോ​ക്ക് പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ല്‍ പ്ര​വ​ര്‍​ത്ത​ന​മാ​രം​ഭി​ച്ച ചെ​റു​വ​ത്തൂ​ര്‍ സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ലെ ആ​ത്മ​ഹ​ത്യാ പ്ര​തി​രോ​ധ ക്ലി​നി​ക് നി​ര​വ​ധി പേ​ര്‍​ക്ക് ജീ​വി​ത​ത്തി​ലേ​ക്കു​ള്ള പ്ര​ത്യാ​ശ​യാ​യി മാ​റു​ക​യാ​ണ്.

2022ല്‍ ​ബ്ലോ​ക്ക് പ​ഞ്ചാ​യ​ത്തി​ന്‍റെ വാ​ര്‍​ഷി​ക പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി​യാ​ണ് ക്ലി​നി​ക്കി​ന്‍റെ പ്ര​വ​ര്‍​ത്ത​നം ആ​രം​ഭി​ച്ച​ത്. വ​ര്‍​ധി​ച്ചു​വ​രു​ന്ന ആ​ത്മ​ഹ​ത്യാ പ്ര​വ​ണ​ത ക​റ​യ്ക്കു​ക, മാ​ന​സി​ക ആ​രോ​ഗ്യം ശ​ക്തി​പ്പെ​ടു​ത്തു​ക, ആ​ളു​ക​ളെ പ്ര​ശ്‌​ന പ​രി​ഹാ​ര​ത്തി​നാ​യി സ്വ​യം സ​ജ്ജ​രാ​ക്കു​ക, കു​ടും​ബ ബ​ന്ധ​ങ്ങ​ള്‍ ദൃ​ഢ​മാ​ക്കു​ക എ​ന്നീ ല​ക്ഷ്യ​ങ്ങ​ള്‍ മു​ന്‍​നി​ര്‍​ത്തി​യാ​ണ് പ്ര​തി​രോ​ധ ക്ലി​നി​ക്ക് ആ​രം​ഭി​ക്കു​ന്ന​ത്.

തു​ട​ക്ക​ത്തി​ല്‍ സ്വ​ന്തം പ്ര​ശ്‌​ന​ങ്ങ​ള്‍ തു​റ​ന്നു​പ​റ​യാ​ന്‍ ത​യാ​റാ​യി മു​ന്നോ​ട്ടു​വ​രു​ന്ന​വ​രു​ടെ എ​ണ്ണം വ​ള​രെ കു​റ​വാ​യി​രു​ന്നു. എ​ന്നാ​ല്‍, ഇ​പ്പോ​ള്‍ മാ​സം​തോ​റും ഏ​ക​ദേ​ശം 25 മു​ത​ല്‍ 30 വ​രെ ആ​ള്‍​ക്കാ​രാ​ണ് ക്ലി​നി​ക്കി​ന്‍റെ സേ​വ​നം തേ​ടു​ന്ന​ത്. കൗ​മാ​ര​ക്കാ​രും ഇ​തി​ലു​ണ്ട്. ര​ണ്ടു​വ​ര്‍​ഷ​ത്തി​നി​ട​യി​ല്‍ സേ​വ​നം തേ​ടി​യെ​ത്തി​യ​ത് നാ​ന്നൂ​റി​ല​ധി​കം പേ​രാ​ണ്.

ചെ​റു​വ​ത്തൂ​ര്‍ സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ലെ മൂ​ന്നാം നി​ല​യി​ല്‍ പ്ര​വ​ര്‍​ത്തി​ക്കു​ന്ന ക്ലി​നി​ക്കി​ല്‍ ആ​ഴ്ച​യി​ല്‍ അ​ഞ്ചു​ദി​വ​സം രാ​വി​ലെ 10 മു​ത​ല്‍ വൈ​കു​ന്നേ​രം നാ​ലു​വ​രെ നേ​രി​ട്ടോ ഫോ​ണി​ലൂ​ടെ​യോ സൗ​ജ​ന്യ കൗ​ണ്‍​സി​ലിം​ഗ് ല​ഭ്യ​മാ​ണ്. ക​ണ്‍​സ​ള്‍​ട്ട​ന്‍റ് സൈ​ക്കോ​ള​ജി​സ്റ്റാ​യ കെ. ​അ​ജി​ത​യു​ടെ നേ​തൃ​ത്വ​ത്തി​ലാ​ണ് കൗ​ണ്‍​സി​ലിം​ഗ് ന​ല്‍​കു​ന്ന​ത്. കൂ​ടാ​തെ, ചെ​റു​വ​ത്തൂ​ര്‍ കു​ടും​ബാ​രോ​ഗ്യ കേ​ന്ദ്ര​ത്തി​ല്‍ എ​ല്ലാ മാ​സ​വും അ​വ​സാ​ന​ത്തെ വെ​ള്ളി​യാ​ഴ്ച മാ​ന​സി​കാ​രോ​ഗ്യ വി​ദ​ഗ്ധ​ന്‍റെ സേ​വ​ന​വും ല​ഭ്യ​മാ​ണ്. വ്യ​ക്തി​ഗ​ത​മാ​യും, കു​ടും​ബാം​ഗ​ങ്ങ​ള്‍​ക്കൊ​ന്നി​ച്ചു​മു​ള്ള കൗ​ണ്‍​സ​ലിം​ഗ് സൗ​ക​ര്യ​വു​മു​ണ്ട്.

തു​ട​ര്‍​ച്ച​യാ​യ പ​രി​ച​ര​ണം ആ​വ​ശ്യാ​യ​വ​രെ കാ​ഞ്ഞ​ങ്ങാ​ട് ജി​ല്ലാ ആ​ശു​പ​ത്രി​യി​ലേ​ക്ക് നി​ര്‍​ദേ​ശി​ക്കും. ക്ലി​നി​ക്കി​ലേ​ക്ക് നേ​രി​ട്ടെ​ത്താ​ന്‍ ക​ഴി​യാ​ത്ത​വ​ര്‍​ക്കാ​യി പ​ഞ്ചാ​യ​ത്തി​ലെ ആ​ശാ വ​ര്‍​ക്ക​ര്‍​മാ​ര്‍, സൈ​ക്കോ​ള​ജി​സ്റ്റ്, ആ​രോ​ഗ്യ പ്ര​വ​ര്‍​ത്ത​ക​ര്‍ തു​ട​ങ്ങി​യ​വ​രു​ടെ സ​ഹ​ക​ര​ണ​ത്തോ​ടെ വീ​ട്ടി​ലെ​ത്തി​യു​ള്ള സേ​വ​ന​വും ല​ഭ്യ​മാ​ക്കു​ന്നു.

പ​ദ്ധ​തി​യു​ടെ ഭാ​ഗ​മാ​യി വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ക്ല​ബു​ക​ളി​ലും ബോ​ധ​വ​ത്ക​ര​ണ ക്ലാ​സു​ക​ളും മ​റ്റു പ​രി​പാ​ടി​ക​ളും സം​ഘ​ടി​പ്പി​ക്കു​ന്നു​ണ്ട്. ഇ​ത്ത​രം ഇ​ട​പെ​ട​ലു​ക​ള്‍​ക്ക് നീ​ലേ​ശ്വ​രം ബ്ലോ​ക്ക് പ​ഞ്ചാ​യ​ത്തി​ന്‍റെ മോ​ണി​റ്റ​റിം​ഗ് ക​മ്മി​റ്റി​യും, സി​എ​ച്ച്‌​സി ഡോ​ക്ട​ര്‍​മാ​ര്‍, വ​നി​താ​ശി​ശു വി​ക​സ​ന വ​കു​പ്പ് ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​രും ശ​ക്ത​മാ​യ പി​ന്തു​ണ ന​ല്‍​കു​ന്നു. ഓ​ഫീ​സും അ​ടി​സ്ഥാ​ന​സൗ​ക​ര്യം ഒ​രു​ക്കു​ക, കൗ​ണ്‍​സി​ല​ര്‍​മാ​രു​ടെ വേ​ത​നം, മ​റ്റ് അ​നു​ബ​ന്ധ പ്ര​വ​ര്‍​ത്ത​നം എ​ന്നി​വ​യ്ക്കാ​യി ര​ണ്ട​ര​ല​ക്ഷം രൂ​പ​യാ​ണ് പ​ദ്ധ​തി​ക്കാ​യി വി​നി​യോ​ഗി​ക്കു​ന്ന​ത്.

ക്ലി​നി​ക്കി​ലേ​ക്ക് എ​ത്തു​ന്ന രോ​ഗി​ക​ളി​ല്‍ വ​ര്‍​ധ​ന​വു​ണ്ടാ​യി​ട്ടു​ണ്ട്. സ്വ​ന്തം പ്ര​ശ്‌​ന​ങ്ങ​ള്‍ തു​റ​ന്നു സം​സാ​രി​ക്കാ​ന്‍ ത​യാ​റ​ല്ലാ​തി​രു​ന്ന സാ​ഹ​ച​ര്യ​ത്തി​ല്‍ നി​ന്നും ആ​ളു​ക​ള്‍ ഏ​റെ​മാ​റി. ഒ​രു​പാ​ട് പേ​രു​ടെ ജീ​വി​ക്കാ​നു​ള്ള പ്ര​ത്യാ​ശ​യാ​യി മാ​റാ​ന്‍ ക്ലി​നി​ക്കി​ന് ക​ഴി​ഞ്ഞു​വെ​ന്ന​ത് അ​ഭി​മാ​ന​മാ​ണ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് മാ​ധ​വ​ന്‍ മ​ണി​യ​റ പ​റ​ഞ്ഞു.
Copyright @ 2018 , Rashtra Deepika Ltd.