യു​വാ​വ് കൊ​ക്ക​യി​ൽ വീ​ണു: ഫ​യ​ർ​ഫോ​ഴ്സ് പു​റ​ത്തെ​ത്തി​ച്ചു
Tuesday, July 29, 2025 12:22 AM IST
മൂ​ല​മ​റ്റം: കാ​ഞ്ഞാ​ർ-വാ​ഗ​മ​ണ്‍ റൂ​ട്ടി​ൽ കു​ന്പ​ങ്കാ​നം ചാ​ത്ത​ൻ​പാ​റ​യി​ലെ വ്യൂ ​പോ​യി​ന്‍റി​ൽനി​ന്നു യു​വാ​വ് കൊ​ക്ക​യി​ൽ വീ​ണു. 350 അ​ടി താ​ഴ്ച​യി​ലേ​യ്ക്ക് പ​തി​ച്ച യു​വാ​വി​നെ ഫ​യ​ർ​ഫോ​ഴ്സി​ന്‍റെ നേ​തൃ​ത്വ​ത്തി​ൽ മ​ണി​ക്കൂ​റു​ക​ൾ ര​ക്ഷാ​പ്ര​വ​ർ​ത്ത​നം നടത്തിയതിനൊ​ടു​വി​ൽ പു​റ​ത്തെ​ത്തി​ച്ചു. ക​ഴി​ഞ്ഞ ദി​വ​സം കൊ​ച്ചി തോ​പ്പു​പ​ടി സ്വ​ദേ​ശി​യും വൈ​ദ്യു​തി ബോ​ർ​ഡ് റി​ട്ട.​ എ​ൻ​ജിനി​യ​റു​മാ​യ തോ​ബി​യാ​സ് വീ​ണുമ​രി​ച്ച അ​തേ സ്ഥ​ല​ത്താ​ണ് വീ​ണ്ടും അ​പ​ക​ട​മു​ണ്ടാ​യ​ത്. തൊ​ടു​പു​ഴ വെ​ങ്ങ​ല്ലൂ​ർ ന​ന്പ്യാ​ർ​മ​ഠ​ത്തി​ൽ വി​ഷ്ണു എ​സ്.​ നാ​യ​ർ (34) ആ​ണ് കാ​ൽവ​ഴു​തി കൊ​ക്ക​യി​ൽ വീ​ണ​ത്. തൊ​ടു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച വി​ഷ്ണു അ​പ​ക​ടനി​ല ത​ര​ണം ചെ​യ്തു.

ഞാ​യ​റാ​ഴ്ച രാ​ത്രി 10.30 ഓ​ടെ​യാ​ണ് അ​പ​ക​ടം. വി​ഷ്ണു ഉ​ൾ​പ്പെ​ടെ ഏ​ഴം​ഗസം​ഘം വാ​ഗ​മ​ണ്‍ സ​ന്ദ​ർ​ശ​ന​ത്തി​നാ​യി പോ​കു​ക​യാ​യി​രു​ന്നു. വ്യൂ ​പോ​യി​ന്‍റി​ൽ വാ​ഹ​നം നി​ർ​ത്തി ഇ​റ​ങ്ങി​യ​പ്പോ​ൾ വി​ഷ്ണു കാ​ൽവ​ഴു​തി കൊ​ക്ക​യി​ലേ​ക്ക് വീ​ഴു​ക​യാ​യി​രു​ന്നു. ആ​ദ്യം കൂ​ടു​ത​ൽ താ​ഴേ​യ്ക്കു വീ​ഴാ​ത്ത​തി​നെത്തു​ട​ർ​ന്ന് ഒ​പ്പ​മു​ണ്ടാ​യി​രു​ന്ന സു​ഹൃ​ത്ത് തു​ണി​ക​ൾ കൂ​ട്ടി​ക്കെ​ട്ടി ഇ​റ​ങ്ങി​യെ​ങ്കി​ലും വി​ഷ്ണു വീ​ണ്ടും താ​ഴേ​യ്ക്ക് പ​തി​ക്കു​ക​യാ​യി​രു​ന്നു. ര​ക്ഷപ്പെ​ടു​ത്താ​നി​റ​ങ്ങി​യ​യാ​ളെ ഒ​പ്പ​മു​ണ്ടാ​യി​രു​ന്ന​വ​ർ വ​ലി​ച്ചു മു​ക​ളി​ലേ​യ്ക്ക് ക​യ​റ്റി. പി​ന്നീ​ട് ഇ​വ​ർ ഫ​യ​ർ​ഫോ​ഴ്സി​നെ വി​വ​ര​മ​റി​യി​ക്കു​ക​യാ​യി​രു​ന്നു. തു​ട​ർ​ന്ന് മൂ​ല​മ​റ്റം, തൊ​ടു​പു​ഴ എ​ന്നി​വി​ട​ങ്ങ​ളി​ൽനി​ന്നും ഫ​യ​ർ​ഫോ​ഴ്സ് സം​ഘം സ്ഥ​ല​ത്തെ​ത്തി.

ഫ​യ​ർ ആ​ൻഡ് റെ​സ്ക്യു ഓ​ഫീ​സ​ർ ഷി​ന്‍റോ ജോ​സ്, സി​വി​ൽ ഡി​ഫ​ൻ​സ് അം​ഗം ജെ​യ്മോ​ൻ ജോ​സ് എ​ന്നി​വ​ർ വ​ട​ത്തി​ലൂ​ടെ കൊ​ക്ക​യി​ലി​റ​ങ്ങി തെ​ര​ച്ചി​ൽ ന​ട​ത്തി വി​ഷ്ണു വീ​ണു കി​ട​ക്കു​ന്ന സ്ഥ​ലം മ​ന​സി​ലാ​ക്കി. ക​ഴി​ഞ്ഞ ദി​വ​സം മ​രി​ച്ച തോ​ബി​യാ​സ് വീ​ണുകി​ട​ന്ന അ​തേ സ്ഥ​ല​ത്തുത​ന്നെ​യാ​ണ് ഇ​യാ​ളും വീ​ണുകി​ട​ന്നി​രു​ന്ന​ത്. പി​ന്നീ​ട് അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫീ​സ​ർ കെ.​എ.​ ജാ​ഫ​ർ​ഖാ​ൻ, ഫ​യ​ർ ആ​ൻഡ് റെ​സ്ക്യു ഓ​ഫീ​സ​ർ ജി​ബി പി.​ വ​ര​ന്പ​നാ​ട്ട് എ​ന്നി​വ​രും കൊ​ക്ക​യി​ലി​റ​ങ്ങി. പു​ല​ർ​ച്ചെ ഒ​ന്ന​രവ​രെ നീ​ണ്ട സാ​ഹ​സി​ക ദൗ​ത്യ​ത്തി​നൊ​ടു​വി​ൽ പ​രി​ക്കേ​റ്റ വി​ഷ്ണു​വി​നെ മു​ക​ളി​ലെ​ത്തി​ച്ച് ആം​ബു​ല​ൻ​സി​ൽ ആ​ശു​പ​ത്രി​യി​ലെ​ത്തി​ച്ചു. പോ​ലീ​സ്, കെഎ​സ്ഇ​ബി അ​ധി​കൃ​ത​രും നാ​ട്ടു​കാ​രും ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കാ​ളി​ക​ളാ​യി.

സു​ര​ക്ഷ​യി​ല്ലാ​തെ വ്യൂ ​പോ​യി​ന്‍റ്

നാ​ലു ദി​വ​സം മു​ന്പാ​ണ് തോ​പ്പും​പ​ടി സ്വ​ദേ​ശി തോ​ബി​യാ​സ് ഇ​വി​ടെ കൊ​ക്ക​യി​ൽ വീ​ണു മ​രി​ച്ച​ത്. ചാ​ത്ത​ൻ​പാ​റ വ്യൂ ​പോ​യി​ന്‍റി​ന്‍റെ ഒ​രു വ​ശം 500 അ​ടി​യി​ലേ​റെ താ​ഴ്ച​യു​ള്ള ചെ​ങ്കു​ത്താ​യ കൊ​ക്ക​യാ​ണ്. അ​തിവി​ശാ​ല​മാ​യ ദൂ​ര​ക്കാ​ഴ്ച ഇ​വി​ടെ നി​ന്നാ​ൽ ആ​സ്വ​ദി​ക്കാ​നാ​കും. ഇ​തു​വ​ഴി വാ​ഗ​മ​ണ്ണി​ലേ​ക്ക് പോ​കു​ന്ന​തും വ​രു​ന്ന​തു​മാ​യ വി​നോ​ദസ​ഞ്ചാ​രി​ക​ൾ ഇ​വി​ടെ ഇ​റ​ങ്ങി പ്ര​കൃ​തി സൗ​ന്ദ​ര്യം ആ​സ്വ​ദി​ക്കു​ന്ന​തും ഫോ​ട്ടോ എ​ടു​ക്കു​ന്ന​തും സാ​ധാ​ര​ണ​മാ​ണ്. കോ​ട​മ​ഞ്ഞു​ള്ള സ​മ​യ​ത്ത് കാ​ണാ​നാ​യി നി​ര​വ​ധിപ്പേ​ർ ഇ​വി​ടെ എ​ത്താ​റു​ണ്ട്.

മ​ഴ​ക്കാ​ല​ത്ത് നേ​രം ഇ​രു​ട്ടിത്തു​ട​ങ്ങു​ന്ന​തോ​ടെ കോ​ട​മ​ഞ്ഞ് വ​ന്നുനി​റ​യും. തൊ​ട്ട​ടു​ത്ത് നി​ൽ​ക്കു​ന്ന ആ​ളെപ്പോ​ലും കാ​ണാ​ൻ സാ​ധി​ക്കാ​ത്തവി​ധം കോ​ട​മ​ഞ്ഞ് പ്ര​ദേ​ശ​മാ​കെ പ​ട​രും. റോ​ഡി​ന് താ​ഴെ ഭാ​ഗ​ത്തു​ള്ള ആ​ഴ​മേ​റി​യ കൊ​ക്ക പെ​ട്ടെ​ന്ന് തി​രി​ച്ച​റി​യാ​ൻ ക​ഴി​യി​ല്ല. ഇ​താ​ണ് ഇ​വി​ടെ​യെ​ത്തു​ന്ന​വ​രെ അ​പ​ക​ട​ത്തി​ലേ​ക്ക് ന​യി​ക്കു​ന്ന​ത്. എ​ന്നാ​ൽ ഏ​റെ അ​പ​ക​ട സാ​ധ്യ​ത​യു​ള്ള പ്ര​ദേ​ശ​മാ​യി​ട്ടും മ​തി​യാ​യ സു​ര​ക്ഷാ വേ​ലി​യോ മ​റ്റു സം​വി​ധാ​ന​ങ്ങ​ളോ ഇ​വി​ടെ ഇ​ല്ല.

ഏ​താ​നും വ​ർ​ഷ​ത്തി​നി​ടെ 12 ഓ​ളം ആ​ളു​ക​ളാ​ണ് ഈ ​ഭാ​ഗ​ങ്ങ​ളി​ൽ അ​പ​ക​ട​ത്തി​ൽ​പ്പെ​ട്ടി​ട്ടു​ള്ള​ത്. ഇ​തി​ൽ ഏ​ഴുപേ​രെ അ​ഗ്നിര​ക്ഷാസേ​ന ര​ക്ഷ​പ്പെ​ടു​ത്തി. ഇ​തി​നി​ടെ കാ​ഴ്ച മ​റ​യാ​ത്ത ത​ര​ത്തി​ൽ ഇ​വി​ടെ മെ​റ്റ​ൽ വേ​ലി സ്ഥാ​പി​ക്കാ​ൻ പൊ​തു​മ​രാ​മ​ത്ത് വ​കു​പ്പ് ന​ട​പ​ടി ആ​രം​ഭി​ച്ചി​ട്ടു​ണ്ട്. വ്യൂ ​പോ​യി​ന്‍റി​ൽ 170 മീ​റ്റ​ർ വേ​ലി സ്ഥാ​പി​ക്കും. ഇ​തി​നാ​യി 17 ല​ക്ഷം രൂ​പ​യു​ടെ ടെ​ൻ​ഡ​റാ​ണ് പൂ​ർ​ത്തി​യാ​കു​ന്ന​ത്.
Copyright @ 2018 , Rashtra Deepika Ltd.