തിരുവനന്തപുരം മേഖല കേന്ദ്രത്തിന്റെ ആഭിമുഖ്യത്തിൽ മാധ്യമപ്രവർത്തകർക്കായി കാര്യവട്ടം എൽഎൻസിപിയിൽ സംഘടിപ്പിച്ച സൈക്കിൾ സവാരിയിൽനിന്ന്.
കഴക്കൂട്ടം: കേന്ദ്ര കായിക യുവജനക്ഷേമ മന്ത്രാലയത്തിന്റെ "ആരോഗ്യമുള്ള ഭാരതം' പ്രസ്ഥാനത്തിന്റെ ഭാഗമായി സായിയുടെ തിരുവനന്തപുരം മേഖല കേന്ദ്രത്തിന്റെ ആഭിമുഖ്യത്തിൽ മാധ്യമപ്രവർത്തകർക്കായി കാര്യവട്ടം എൽഎൻസിപിയിൽ സൈക്കിൾ സവാരി സംഘടിപ്പിച്ചു.
പൊതുജനങ്ങളിൽ ആരോഗ്യബോധവത്കരണവും കായികക്ഷമതയും വർധിപ്പിക്കുക എന്ന ലക്ഷ്യത്തോടെ സംഘടിപ്പിച്ച ഈ പരിപാടിയുടെ 91-ാമത് ഘട്ടമാണ് പൂർത്തിയായത്. സ്പോർട്സ് അഥോറിറ്റി ഓഫ് ഇന്ത്യ തിരുവനന്തപുരം കേന്ദ്രത്തിന്റെ സഹ ഡയറക്ടർ എ.എസ്. ശെൽവമണി സൈക്കിൾ യാത്ര ഫ്ളാഗ് ഓഫ് ചെയ്തു. തിരുവനന്തപുരത്തെയും കഴക്കൂട്ടത്തെയും നിരവധി മാധ്യമപ്രവർത്തകരും കായിക പ്രേമികളും സൈ ക്കിൾ യാത്രയിൽ പങ്കെടുത്തു. വരും ദിവസങ്ങളിലും കൂടുതൽ ആളുകളെ പങ്കാളികളാക്കി ആരോഗ്യസന്ദേശം ജനങ്ങളിലേക്ക് എത്തിക്കാനാണ് സംഘാടകർ ലക്ഷ്യമിടുന്നത്.