വണ്ടന്മേട്: പരിഷ്കരിച്ച തൊഴില് നിയമങ്ങള് എന്ന വിഷയത്തില് കാര്ഡമം പ്ലാന്റേഴ്സ് ഫെഡറേഷന്റെ ആഭിമുഖ്യത്തില് ഏകദിന ശില്പശാല നടത്തി. വണ്ടന്മേട് ആമയാര് പാലാട്ട് ഓഡിറ്റോറിയത്തില് നടന്ന ശില്പശാല ജില്ലാ ലേബര് ഓഫീസര് പദ്മ ഗിരീഷ് ഉദ്ഘാടനം ചെയ്തു. ഫെഡറേഷന് ചെയര്മാന് സ്റ്റെന്നി പോത്തന് അധ്യക്ഷത വഹിച്ചു.
കര്ഷകരെ അനുകൂലമായും പ്രതികൂലമായും ബാധിക്കുന്ന നിരവധി ഭേദഗതികള് ഉള്പ്പെടുത്തി കേന്ദ്രസര്ക്കാര് കൊണ്ടുവന്ന പുതുക്കിയ തൊഴില് നിയമങ്ങളെക്കുറിച്ച് കില ഫാക്കല്റ്റി മെംബര് അഡ്വ. വര്ക്കിച്ചന് പെട്ട ക്ലാസെടുത്തു.
പാമ്പാടുംപാറ പഞ്ചായത്ത് അംഗവും ഫെഡറേഷന് അംഗവുമായ ബിനോയ് ചാക്കോയെ ചടങ്ങില് ആദരിച്ചു. ഫെഡറേഷന്റെ ജനറല്ബോഡി യോഗവും നടന്നു.
ഫെഡറേഷന് സെക്രട്ടറി പി.ആര്. സന്തോഷ്, ആര്. മണിക്കുട്ടന്, ആഷിഷ്, ഡിപിന് പൊന്നപ്പന്, വി.ജെ. ജോസഫ് എന്നിവര് പ്രസംഗിച്ചു. ജില്ലയുടെ വിവിധ ഭാഗങ്ങളില്നിന്നായി ഇരുനൂറിലധികം ഏലം കര്ഷകര് യോഗത്തില് പങ്കെടുത്തു.
Tags : nattu vishesham Cardamom Planters