പ്രതീകാത്മക ചിത്രം
ചങ്ങനാശേരി: എംഡിഎംഎ കേസില് കഴിഞ്ഞദിവസം തൃക്കൊടിത്താനം പൊലിസ് അറസ്റ്റ് ചെയ്ത് റിമാന്ഡിലായ പൊട്ടശേരി ജോഷ്ന മന്സിലില് ജെസിം ജലാല് (35)ന്റെ മുനിസിപ്പല് ആര്ക്കേഡിലുള്ള മൊബൈല് ഷോപ്പുകളിലും ജൗളി വ്യാപാര സ്ഥാപനത്തിലും പൊലിസ് പരിശോധന നടത്തി. വ്യാപാര സ്ഥാപനങ്ങളില് നിന്നും രാസലഹരി പദാര്ഥങ്ങള് കണ്ടെത്താനായില്ല.
പൊലീസ് പിടിച്ചെടുത്ത ഇയാളുടെ മൊബൈല്ഫോണില് ജെസിം ഉപയോഗിച്ചുവന്ന സോഷ്യല് മീഡിയകള് സൈബര് സെല്ലിന്റെ സഹായത്തോടെ പരിശോധിച്ചുവരികയാണ്. ചങ്ങനാശേരി ഡിവൈഎസ്പി എസ്.അഷാദിന്റെ മേല്നോട്ടത്തില് തൃക്കൊടിത്താനം എസ്എച്ച്ഒ എം.ജെ.അരുണിന്റെ നേതതൃത്വത്തിലാണ്.ജെസിമിന്റെ ബാങ്ക് അക്കൗണ്ടുകളും പൊലിസ് പരിശോധിച്ചു വരികയാണ്. ആര്ക്കേഡില് ജസിമിന്റെ ഉടമസ്ഥതയിലുള്ള അഞ്ച് മൊബൈല് ഷോപ്പുകളും ഒരു ജൗളി വ്യാപാര സ്ഥാപനവും പൊലിസ് പൂട്ടി സീല് ചെയ്ത് താക്കോല് കോടതിയിലില് സമര്പ്പിച്ചിരിക്കുകയാണ്.