കോഴിക്കോട്: സി.എച്ച്. മേല്‍പ്പാലം അറ്റകുറ്റപണിക്ക് വര്‍ഷങ്ങളായി കച്ചവടം നടത്തിവരുന്ന വ്യാപാരികളെ കുടിയൊഴിപ്പിക്കാനുള്ള നടപടികളില്‍ നിന്ന് കോര്‍പറേഷന്‍ അധികാരികള്‍ പിന്മാറണമെന്ന് കേരള വ്യാപാരി വ്യവസായി ഏകോപനസമിതി നേര്‍ത്ത് നിയോജകമണ്ഡലം കണ്‍വന്‍ഷന്‍ ആവശ്യപ്പെട്ടു.
അറ്റകുറ്റ പണികള്‍ക്ക് വേണ്ടി എല്ലാവിധ സഹായസഹകരണങ്ങളും നല്‍കുവാന്‍ പ്രദേശത്തെ വ്യാപാരികള്‍ തയ്യാറാണ്.
ഘട്ടംഘട്ടമായി വ്യാപാരസ്ഥാപനങ്ങള്‍ ഒഴിഞ്ഞ് പുനര്‍ നിര്‍മിച്ച് വ്യാപാരികള്‍ക്ക് തന്നെ തിരിച്ചു നല്‍കുന്ന രീതിയില്‍ ക്രമീകരിക്കണമെന്നും ഈ വിഷയത്തില്‍ മന്ത്രി ഇടപെട്ട് വ്യാപാരികളുടെ ആശങ്ക പരിഹരിക്കണമെന്നും യോഗം ആവശ്യപ്പെട്ടു. മണ്ഡലം വൈസ്പ്രസിഡന്‍റ് എ.ചന്ദ്രശേഖരന്‍ സ്വാഗതം പറഞ്ഞു.
മണ്ഡലം ആക്ടിങ്ങ് പ്രസിഡന്‍റ് വി.എം.രാജന്‍ അധ്യക്ഷത വഹിച്ചു. യോഗം ജില്ലാ പ്രസിഡന്‍റ് അഷ്‌റഫ് മൂത്തേടത്ത് ഉദ്ഘാടനം ചെയ്തു. സംസ്ഥാന സെക്രട്ടറി പി.കെ.ബാപ്പുഹാജി മുഖ്യപ്രഭാഷണം നടത്തി.
ജില്ലാ ട്രഷറര്‍ വി.സുനില്‍കുമാര്‍ , വൈസ്പ്രസിഡന്‍റ് എവിലും കബീര്‍, ജില്ലാസെക്രട്ടറി അബ്ദുറഹിമാന്‍, ബഷീര്‍ അഹമ്മദ് (ഫുഡ് വിന്‍സ് അസോസിയേഷന്‍) , മനാഫ് കാപ്പാട് (യൂത്ത് വിംഗ് സംസ്ഥാനസെക്രട്ടറി), സലീം (രാമനാട്ടുകര യൂത്ത് ജില്ലാ പ്രസിഡന്‍റ് ) എന്നിവര്‍ സംസാരിച്ചു. പ്രസിഡന്‍റായി പി.വി.എ.സിദ്ദീഖ് (ജിഎച്ച് റോഡ്), ജനറല്‍സെക്രട്ടറിയായി എ.ചന്ദ്രശേഖരന്‍ (കാരപ്പറമ്പ്), ട്രഷററായി പി.എം.പ്രേമരാജന്‍ എന്നിവരെ തെരഞ്ഞെടുത്തു. ഷഫീഖ് പട്ടാട്ട്(എസ്.എം.സ്ട്രീറ്റ്), എം അഫ്‌സല്‍ (ഐജി റോഡ്), എം. രമേശന്‍ (തടമ്പാട്ടുതാഴം), കെ.വി.ആലിക്കോയ (സെഞ്ച്വറി കോംപ്ലക്‌സ്)-വൈസ്പ്രസിഡന്‍റുമാര്‍, കെ.പി.കാദര്‍കുട്ടി (പുതിയങ്ങാടി), സിഷനോജ് (സ്റ്റേഡിയം), എം.പി.സൂരജ് (വെള്ളിമാട്കുന്ന്), റഹീം (ഹാര്‍ഡ്വെയര്‍ ), ഇക്ബാല്‍ (എസ്.എം.സീറ്റ്), പിനില്‍കുമാര്‍ (പാളയം), ഷൂക്കൂര്‍ ചിക്കന്‍), സിദ്ദീഖ്(മൂഴിക്കല്‍)- സെക്രട്ടറിമാര്‍ എന്നിവരാണ് മറ്റു ഭാരവാഹികള്‍.