ആര്യങ്കാവ്: സെന്റ് മേരീസ് ദേവാലയത്തിൽ കന്യകാമറിയത്തിന്റെ അമലോത്ഭവത്തിരുനാളും വാർഷികധ്യാനവും ഇന്ന് മുതൽ ഡിസംബർ എട്ടുവരെ നടക്കും.
ഇന്ന് മുതൽ 30 വരെ വാർഷികധ്യാനം വൈകുന്നേരം 4.30 ന് ജപമാലയോടെ ആരംഭിക്കും. ഫാ. ഷാജി തുമ്പേച്ചിറയിൽ ധ്യാനം നയിക്കും. ഡിസംബർ ഒന്നിന് വൈകുന്നേരം 4.30 ന് ജപമാല, കൊടിയേറ്റ്, നൊവേന, ലദീഞ്ഞ് എന്നിവയ്ക്ക് വികാരി ഫാ. ഫിലിപ്പ് തയ്യിൽ കാർമികത്വം വഹിക്കും.
തുടർന്ന് ആഘോഷമായ വിശുദ്ധ കുർബാന, സന്ദേശം - റവ. ഫാ. ജോബിൻ തൈപ്പറമ്പിൽ, റവ. ഫാ. വർഗീസ് കായിത്തറ. രണ്ടിന് വൈകുന്നേരം 4.30 ന് ജപമാല, നൊവേന, ലദീഞ്ഞ്, തുടർന്ന് ആഘോഷമായ വിശുദ്ധ കുർബാന (സെമിത്തേരി ചാപ്പലിൽ), ഫാ. ഡെൻസി മുണ്ടുനടയ്ക്കൽ സന്ദേശം നൽകും.
മൂന്നിന് വൈകുന്നേരം 4.30 ന് ജപമാല, നൊവേന, ലദീഞ്ഞ്, വിശുദ്ധ കുർബാന, ഫാ. ആന്റണി കാച്ചാംകോട് സന്ദേശാ നൽകും. തുടർന്ന് സൺഡേ സ്കൂളും ഭക്തസംഘടനകളും ചേർന്നൊരുക്കുന്ന കലാസന്ധ്യ.
നാലിന് വയോജനങ്ങൾക്കും രോഗികൾക്കുമായി രാവിലെ എട്ടിന് വിശുദ്ധ കുർബാന. വൈകുന്നേരം 4.30 ന് ജപമാല, നൊവേന, ലദീഞ്ഞ്, തുടർന്ന് ആഘോഷമായ വിശുദ്ധ കുർബാന, ഫാ. മാത്യു അഞ്ചിൽ സന്ദേശം നൽകും.
അഞ്ചിന് വൈകുന്നേരം 4.30 ന് ജപമാല, നൊവേന, ലദീഞ്ഞ്, ആഘോഷമായ വിശുദ്ധ കുർബാന (ലത്തീൻ ക്രമത്തിൽ ), ഫാ. എയ്ഞ്ചൽ തകിടിയിൽ സന്ദേശം നൽകും. ആറിന് വൈകുന്നേരം 4.30 ന് ജപമാല, നൊവേന, ലദീഞ്ഞ്, ആഘോഷമായ വിശുദ്ധ കുർബാന (മലങ്കര ക്രമത്തിൽ), ഫാ.അജോ കളപ്പുരയ്ക്കൽ സന്ദേശം നൽകും.
ഏഴിന് ഉച്ചകഴിഞ്ഞ് 3.30 ന് ജപമാല, നൊവേന, ലദീഞ്ഞ്, ആഘോഷമായ വിശുദ്ധ കുർബാന, ഫാ. റോബി വടാനാ സന്ദേശം നൽകും. തുടർന്ന് ആഘോഷമായ തിരുനാൾ പ്രദക്ഷിണം പാണ്ഡ്യൻപാറ കുരിശടി വരെ. എട്ടിന് തിരുനാൾ ദിനത്തിൽ ഉച്ചകഴിഞ്ഞ് 3.30 ന് ജപമാല, നൊവേന, ലദീഞ്ഞ്, ആഘോഷമായ വിശുദ്ധ കുർബാന, ചങ്ങനാശേരി അതിരൂപതാ സഹായമെത്രാൻ മാർ തോമസ് തറയിൽ സന്ദേശം നൽകും.
തുടർന്ന് പ്രദക്ഷിണം, കൊടിയിറക്ക്, പാച്ചോർ നേർച്ച വിതരണം എന്നിവയോടെ തിരുനാൾ സമാപിക്കും.