ചി​റ്റാ​റി​ലെ മ​ത്താ​യി​യു​ടെ കു​ടും​ബ​ത്തി​നു വീ​ടാ​യി
Monday, April 15, 2024 11:52 PM IST
പ​ത്ത​നം​തി​ട്ട: വ​നം വ​കു​പ്പ് ഉ​ദ്യോ​ഗ​സ്ഥ​രു​ടെ ക​സ്റ്റ​ഡി​യി​ലി​രി​ക്കേ മ​രി​ച്ച ചി​റ്റാ​ർ കു​ട​പ്പ​ന സ്വ​ദേ​ശി പി.​പി. മ​ത്താ​യി​യു​ടെ കു​ടും​ബ​ത്തി​ന് ഇ​നി സ്വ​ന്തം കൂ​ര​യ്ക്കു കീ​ഴി​ൽ അ​ന്തി​യു​റ​ങ്ങാം.

ര​ണ്ട് പി​ഞ്ചു​കു​ഞ്ഞു​ങ്ങ​ളെ​യും ഭാ​ര്യ​യും മാ​താ​വും സ​ഹോ​ദ​രി​യും അ​ട​ങ്ങു​ന്ന കു​ടും​ബ​ത്തെ അ​നാ​ഥ​മാ​ക്കി 2020 ജൂ​ലൈ 28 നാ​ണ് മ​ത്താ​യി മ​രി​ച്ച​ത്. വ​ന​ത്തി​ലെ കാ​മ​റ ന​ശി​പ്പി​ച്ചു​വെ​ന്ന പേ​രി​ൽ വ​ന​പാ​ല​ക​ർ അ​ന​ധി​കൃ​ത​മാ​യ ക​സ്റ്റ​ഡി​യി​ലെ​ടു​ത്ത മ​ത്താ​യി​യെ (പൊ​ന്നു) പി​ന്നീ​ട് കു​ടും​ബ​വീ​ടി​നു സ​മീ​പ​മു​ള്ള കി​ണ​റ്റി​ൽ മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. മി​ക​ച്ച ക​ർ​ഷ​ക​നും സം​രം​ഭ​ക​നു​മാ​യി​രു​ന്നു മ​ത്താ​യി. മ​ത്താ​യി​യെ അ​ന​ധി​കൃ​ത​മാ​യാ​ണ് ക​സ്റ്റ​ഡി​യി​ലെ​ടു​ത്ത​തെ​ന്നു വ്യ​ക്ത​മാ​യ​തോ​ടെ ഏ​റെ​നാ​ൾ നീ​ണ്ട സ​മ​രം വ​നം​വ​കു​പ്പി​നെ​തി​രാ​യി ന​ട​ന്നു. കേ​സ് നി​ല​വി​ൽ സി​ബി​ഐ അ​ന്വേ​ഷ​ണ​ത്തി​ലാ​ണ്.

മ​ല​ങ്ക​ര ഓ​ർ​ത്ത​ഡോ​ക്സ് സ​ഭ പ​ര​മാ​ധ്യ​ക്ഷ​ൻ ബ​സേ​ലി​യോ​സ് മാ​ർ​ത്തോ​മ്മ മാ​ത്യൂ​സ് തൃ​തീ​യ​ൻ കാ​തോ​ലി​ക്കാ ബാ​വ​യു​ടെ നി​ർ​ദേ​ശ​പ്ര​കാ​രം തു​ന്പ​മ​ൺ ഭ​ദ്രാ​സ​ന​ത്തി​ന്‍റെ ചു​മ​ത​ല​യി​ലാ​ണ് ഭ​വ​ന​നി​ർ​മാ​ണം ഏ​റ്റെ​ടു​ത്ത​ത്. മ​ത്താ​യി മ​രി​ച്ച് 1000 ദി​വ​സം പി​ന്നി​ട്ട 2023 ജൂ​ൺ പ​ത്തി​ന് കു​ര്യാ​ക്കോ​സ് മാ​ർ ക്ലീ​മി​സ് വ​ലി​യ മെ​ത്രാ​പ്പോ​ലീ​ത്ത ത​റ​ക്ക​ല്ലി​ട്ടു.

വി​ക്ട​ർ ടി. ​തോ​മ​സ് ചെ​യ​ർ​മാ​നാ​യ സെ​ന്‍റ​ർ ട്രാ​വ​ൻ​കൂ​ർ ഡ​വ​ല​പ്മെ​ന്‍റ് കൗ​ൺ​സി​ലും ഭ​വ​ന​നി​ർ​മാ​ണ​ത്തി​നു നേ​തൃ​ത്വ​പ​ര​മാ​യ പ​ങ്കു​വ​ഹി​ച്ചു. ഫാ. ​ടൈ​റ്റ​സ് ജോ​ർ​ജ് ജ​ന​റ​ൽ സെ​ക്ര​ട്ട​റി​യും വി​ക്ട​ർ ടി. ​തോ​മ​സ് ക​ൺ​വീ​ന​റു​മാ​യ ക​മ്മി​റ്റി രൂ​പീ​ക​രി​ച്ചാ​ണ് നി​ർ​മാ​ണം മു​ന്നോ​ട്ടു പോ​യ​ത്. മ​ത്താ​യി​യു​ടെ സ​ഹോ​ദ​ര​ൻ സൗ​ജ​ന്യ​മാ​യി ന​ൽ​കി​യ സ്ഥ​ല​വും തൊ​ട്ട​ടു​ത്ത സ്ഥ​ല​വും വാ​ങ്ങി​യാ​ണ് ഭ​വ​ന​നി​ർ​മാ​ണം ന​ട​ത്തി​യ​ത്.

1200 ച​തു​ര​ശ്ര അ​ടി​യു​ള്ള ര​ണ്ടു​നി​ല വീ​ടാ​ണ് നി​ർ​മി​ച്ച ഇ​ന്ന​ലെ കൂ​ദാ​ശ ചെ​യ്ത​ത്.
കു​ര്യാ​ക്കോ​സ് മാ​ർ ക്ലീ​മി​സ് വ​ലി​യ മെ​ത്രാ​പ്പോ​ലീ​ത്ത, തു​ന്പ​മ​ൺ ഭ​ദ്രാ​സ​നാ​ധി​പ​ൻ ഡോ. ​ഏ​ബ്ര​ഹാം മാ​ർ സെ​റാ​ഫിം മെ​ത്രാ​പ്പോ​ലീ​ത്ത എ​ന്നി​വ​ർ ഭ​വ​ന കൂ​ദാ​ശ​യ്ക്ക് മു​ഖ്യ​കാ​ർ​മി​ക​ത്വം വ​ഹി​ച്ചു.

ബ​സ​ലേ​ൽ റ​മ്പാ​ൻ, മു​ൻ ഭ​ദ്രാ​സ​ന സെ​ക്ര​ട്ട​റി ഫാ. ​ടൈ​റ്റ​സ് ജോ​ർ​ജ്, ഫാ. ​സാം പി. ​ജോ​ർ​ജ് തു​ട​ങ്ങി​യ​വ​ർ സ​ഹ​കാ​ർ​മി​ക​ത്വം വ​ഹി​ച്ചു. സെ​ന്‍റ​ർ ട്രാ​വ​ൻ​കൂ​ർ വി​ക​സ​ന കൗ​ൺ​സി​ലി​ന്‍റെ നേ​തൃ​ത്വ​ത്തി​ൽ തു​ട​ർ​ന്ന് പി.​പി. മ​ത്താ​യി അ​നു​സ്മ​ര​ണ​വും താ​ക്കോ​ൽ​ദാ‌​ന​വും ന​ട​ന്നു.

Copyright @ 2022 , Rashtra Deepika Ltd.