ക​ന്യാ​സ്ത്രീ​മാ​രെ അ​റ​സ്റ്റ് ചെ​യ്ത​ത് അ​പ​ല​പ​നീ​യം: മാ​ർ തോ​മ​സ് ത​റ​യി​ൽ
Sunday, July 27, 2025 11:25 PM IST
മുഹ​മ്മ: വ​ട​ക്കേ ഇ​ന്ത്യ​യി​ൽ ര​ണ്ടു ക​ന്യാ​സ്ത്രീമാ​രെ അ​റ​സ്റ്റ് ചെ​യ്ത സം​ഭ​വം അ​പ​ല​പ​നീ​യ​മാ​ണെ​ന്ന് ച​ങ്ങ​നാ​ശേ​രി അ​തി​രു​പ​ത ബി​ഷ​പ്‌ മാ​ർ തോ​മ​സ് ത​റ​യി​ൽ. ദൈ​വം കൂ​ടെ​യു​ള്ള​വ​രെ ത​ക​ർ​ക്കാ​ൻ ആ​ർ​ക്കും ക​ഴി​യി​ല്ല. 2.3 ശ​ത​മാ​നം മാ​ത്രം വ​രു​ന്ന ക്രൈ​സ്ത​വസ​മൂ​ഹ​ത്തെ ഭ​യ​പ്പെ​ടു​ന്ന​തി​നാ​ലാ​ണ് ഇ​ങ്ങ​നെ സം​ഭ​വി​ക്കു​ന്ന​ത്. ദൈ​വിക പി​ന്തു​ണ ഉ​ള്ള​തി​നാ​ലാ​ണ് സ​ഭ​യ്ക്ക് ഭൗ​തി ക​മാ​യും ആ​ത്മീ​യ​മാ​യും ഉ​യ​രാ​ൻ ക​ഴി​യു​ന്ന​ത്.- മാ​ർ തോ​മ​സ് ത​റ​യി​ൽ കൂട്ടിച്ചേർത്തു.

വേ​ദ​ന​ക​ളി​ലും യാ​ത​ന​ക​ളി​ലും ത​ള​രാ​തെ ദൈ​വ​ത്തെ മു​റു​കെപി​ടി​ക്കു​ക. പ്ര​ശ്ന​ങ്ങ​ൾ വി​ശ്വാ​സി​യാ​കാ​നു​ള്ള അ​വ​സ​ര​മാ​ണ്. അ​ന​ന്ത​മാ​യ സ്നേ​ഹ​ത്തി​ന്‍റെ ച​രി​ത്ര​മാ​ണ് ക​ർ​ത്താ​വി​ന്‍റെ മ​നു​ഷ്യാ​വ​താ​രം. ദൈ​വ​ത്തി​ൽ വി​ശ്വാ​സ​മ​ർ​പ്പി​ക്കു​ന്ന​വ​ർ​ക്കു മു​ന്നി​ൽ തു​റ​ക്കാ​ത്ത വാ​തി​ലു​ക​ൾ ഉ​ണ്ടാ​കി​ല്ല. വേ​ദ​ന​ക​ളം ദുഃ​ഖ​ങ്ങ​ളും ദൈ​വീ​ക പ​രി​ര​ക്ഷ​യു​ള്ള വി​ശ്വാ​സി​ക​ളെ സ്പ​ർ​ശി​ക്കി​ല്ല.

ഓ​രോ മ​നു​ഷ്യ​നും ര​ക്ഷി​ക്ക​പ്പെ​ടു​ന്ന​തി​നാ​യി പി​ന്നാ​ലെ നി​ൽ​ക്കു​ന്ന​താ​ണ് ക​ർ​ത്താ​വി​ന്‍റെ മ​നു​ഷ്യാ​വ​താ​രം. മി​ശി​ഹാ​യു​ടെ ശ​രീ​ര​മാ​ണ് സ​ഭ എ​ന്നാ​ണ് പൗ​ലോ​സ് ശ്ലീഹാ പ​റ​ഞ്ഞ​ത്. കൂ​ദാ​ശ സ്വീ​ക​രി​ക്കു​ന്ന​വ​രി​ൽ ദൈ​വ​ത്തി​ന്‍റെ അ​നു​ഗ്ര​ഹ​മു​ണ്ടാ​കും. മു​ഹ​മ്മ സെന്‍റ് ജോ​ർ​ജ് ഫൊ​റോ​നാ പ​ള്ളി​യി​ൽ ന​ട​ന്ന കാ​ർ​പ്പ് ഹെ​ൽ​പ്പ് ഡെ​സ്ക്കി​ന്‍റെ അതി​രൂ​പ​താ ത​ല ഉ​ദ്ഘാ​ട​നം നി​ർ​വ​ഹി​ക്കു​ക​യാ​യി​രു​ന്നു അദ്ദേഹം.

സം​വ​ര​ണം ഉ​ൾ​പ്പെ​ടെ കേ​ന്ദ്ര- സം​സ്ഥാ​ന സ​ർ​ക്കാ​രു​ക​ൾ ന​ൽ​കു​ന്ന ആ​നു​കൂ​ല്യ​ങ്ങ​ൾ വി​ശ്വാ​സീ സ​മൂ​ഹ​ത്തി​ൽ എ​ത്തി​ക്കാ​ൻ ഹെ​ൽ​പ്പ് ഡെ​സ്ക്കു​ക​ൾ പ്ര​യോ​ജ​ന​പ്പെ​ടു​മെ​ന്ന് മെ​ത്രാ​പ്പോ​ലീ​ത്ത പ​റ​ഞ്ഞു.

ഫൊ​റോ​നാ വി​കാ​രി ഫാ.​ആ​ന്‍റണി കാ​ട്ടൂപ്പാ​റ, കൈ​ക്കാ​ര​ന്മാ​രാ​യ ടി.​ജി. പോ​ൾ പ​ട്ട​ാറ, രാ​ജു​മോ​ൻ ജോ​സ​ഫ് ക​രിപ്പുറ​ത്ത്, കാ​ർ​പ്പ് കോ​-ഓർ​ഡി​നേ​റ്റ​ർ ടോം​സ് ച​മ്പ​ക്കു​ളം, ബേ​ബി പ​ട്ട​ക്ക​ര, പാ​രീ​ഷ് കൗ​ൺ​സി​ൽ സെ​ക്ര​ട്ട​റി എ.​ടി. വ​ർ​ഗീ​സ്, ഔ​സേ​പ്പ​ച്ച​ൻ കു​റ്റാ​ല​ത്തുചി​റ എ​ന്നി​വ​ർ പ്ര​സം​ഗി​ച്ചു.
Copyright @ 2018 , Rashtra Deepika Ltd.