മാ​ങ്ങാ​ന​ത്തെ മോ​ഷ​ണം: പ്ര​തി​ക​ള്‍ എ​ത്തി​യ​ത് വി​ല്ല​ക​ള്‍ ല​ക്ഷ്യ​മി​ട്ട്
Wednesday, August 13, 2025 6:45 AM IST
കോ​ട്ട​യം: മാ​ങ്ങാ​ന​ത്ത് വി​ല്ല കു​ത്തി​പ്പൊ​ളി​ച്ചു 50 പ​വ​ന്‍ സ്വ​ര്‍ണം മോ​ഷ്ടി​ച്ച അ​ഞ്ചം​ഗ ക​വ​ര്‍ച്ചാ​സം​ഘം എ​ത്തി​യ​ത് വി​ല്ല​ക​ള്‍ ല​ക്ഷ്യ​മി​ട്ടുത​ന്നെ​യാ​ണെ​ന്ന് പോ​ലീ​സ് വ്യ​ക്ത​മാ​യ വി​വ​രം ല​ഭി​ച്ചു. ശ​നി​യാ​ഴ്ച പു​ല​ര്‍ച്ചെ​യാ​ണ് മാ​ങ്ങാ​നം സ്‌​കൈ​ലൈ​ന്‍ പാം ​മെ​ഡോ​സി​ലെ 21-ാം ന​മ്പ​ര്‍ വി​ല്ല​യി​ല്‍നി​ന്നു സ്വ​ര്‍ണം മോ​ഷ​ണം പോ​യ​ത്.

ക​വ​ര്‍ച്ചാ സം​ഘ​ത്തി​ലെ പ്ര​ധാ​ന പ്ര​തി​യെ പോ​ലീ​സ് തി​രി​ച്ച​റി​ഞ്ഞി​ട്ടു​ണ്ട്. ക​ര്‍ണാ​ട​ക​യി​ല്‍ ര​ജി​സ്റ്റ​ര്‍ ചെ​യ്ത മോ​ഷ​ണ​ക്കേ​സി​ലെ പ്ര​തി​യാ​ണി​യാ​ള്‍. ഇ​തോ​ടെ ഈ ​സം​ഘ​ത്തെ വൈ​കാ​തെ പി​ടി​കൂ​ടാ​ന്‍ സാ​ധി​ച്ചേ​ക്കും. 21-ാം ന​ന്പ​ർ വി​ല്ല​യ്ക്കു പു​റ​മേ 16, 17, 18 വി​ല്ല​ക​ളി​ൽ മോ​ഷ​ണശ്ര​മ​വും ഇ​തി​നു സ​മീ​പ​ത്തു​ള്ള വെ​ല്‍നെ​സ് ക്ലി​നി​ക്കി​ല്‍ മോ​ഷ​ണ​വും ന​ട​ന്നി​രു​ന്നു.

18-ാം ന​മ്പ​ര്‍ വി​ല്ല​യു​ടെ പൂ​ട്ട് പൊ​ളി​ച്ച് അ​ക​ത്തുക​ട​ന്ന മോ​ഷ്ടാ​ക്ക​ള്‍ മു​റി​ക്കു​ള്ളി​ലെ സാ​ധ​ന​ങ്ങ​ള്‍ വ​ലി​ച്ചു​വാ​രി​യി​ട്ടു പ​രി​ശോ​ധ​ന ന​ട​ത്തി. ഇ​വി​ടെ​നി​ന്നു പ​ക്ഷേ മോ​ഷ്‌​ടാ​ക്ക​ള്‍ക്ക് ഒ​ന്നും ല​ഭി​ച്ചി​ല്ല. 16, 17 ന​മ്പ​ര്‍ വി​ല്ല​ക​ളി​ല്‍ മോ​ഷ്‌​ടാ​ക്ക​ള്‍ ക​യ​റാ​ന്‍ ശ്ര​മി​ക്കു​ന്ന​തി​ന്‍റെ സി​സി​ടി​വി ദൃ​ശ്യ​ങ്ങ​ളും പോ​ലീ​സി​നു ല​ഭി​ച്ചി​ട്ടു​ണ്ട്. ഇ​വി​ട​ങ്ങ​ളി​ല്‍ മോ​ഷ​ണ​ശ്ര​മം ന​ട​ത്തു​ന്ന​തി​നി​ടെ 21-ാം ന​മ്പ​ര്‍ വി​ല്ല​യി​ലെ സ്ത്രീ​ക​ള്‍ ആം​ബു​ല​ന്‍സി​ല്‍ ആ​ശു​പ​ത്രി​യി​ലേ​ക്കു പോ​കു​ന്ന​തു ക​ണ്ടാ​ണ് സം​ഘം അ​വി​ടെ ക​യ​റി​യ​തെ​ന്നു പോ​ലീ​സി​നു വ്യ​ക്ത​മാ​യി​ട്ടു​ണ്ട്. മോ​ഷ​ണ​വും മോ​ഷ​ണ​ശ്ര​മ​വും ന​ട​ന്ന വീ​ടു​ക​ളി​ല്‍ എ​ല്ലാം സ്ത്രീ​ക​ള്‍ മാ​ത്ര​മാ​ണ് താ​മ​സ​ക്കാ​രാ​യി​ട്ടു​ള്ള​ത്.

മോ​ഷ്‌​ടാ​ക്ക​ളു​ടെ സം​ഘം ദി​വ​സ​ങ്ങ​ള്‍ക്കു മു​മ്പ് ഇ​വി​ടെ​യെ​ത്തി വി​ല്ല​ക​ളി​ല്‍ സ്ത്രീ​ക​ള്‍ മാ​ത്ര​മാ​ണു​ള്ള​തെ​ന്ന് മ​ന​സി​ലാ​ക്കി​യി​രു​ന്ന​താ​യും പോ​ലീ​സ് ക​രു​തു​ന്നു. അ​തി​നാ​ലാ​ണ് ക​വ​ര്‍ച്ചാ സം​ഘം സ്‌​കൈ​ലൈ​ന്‍ പാം ​മെ​ഡോ​സി​ലെ വി​ല്ല​ക​ള്‍ ല​ക്ഷ്യ​മാ​ക്കി എ​ത്തി​യ​താ​ണെ​ന്ന നി​ഗ​മ​ന​ത്തി​ല്‍ പോ​ലീ​സ് എ​ത്തി​യ​ത്.

വി​ല്ല​ക​ള്‍ സ്ഥി​തി​ചെ​യ്യു​ന്ന സ്ഥ​ല​ത്തു​നി​ന്നും അ​ര​ക്കി​ലോ​മീ​റ്റ​ര്‍ അ​ക​ലെ തു​രു​ത്തേ​ല്‍ പാ​ല​ത്തി​നു സ​മീ​പ​മു​ള്ള വീ​ട്ടി​ലും മോ​ഷ​ണ​ശ്ര​മം ന​ട​ത്തി​യെ​ങ്കി​ലും ഒ​ന്നും ന​ഷ്ട​പ്പെ​ടാ​ത്ത​തി​നാ​ല്‍ കേ​സെ​ടു​ത്തി​ട്ടി​ല്ല. വെ​ല്‍ന​സ് ക്ലി​നി​ക്കി​ല്‍നി​ന്നു പ​ണ​വും രേ​ഖ​ക​ളും ക​വ​രു​ക​യും ചെ​യ്തു. വെ​ല്‍ന​സ് ക്ലി​നി​ക്ക​ല്‍നി​ന്നു ല​ഭി​ച്ച സി​സി​ടി​വി ദൃ​ശ്യ​ങ്ങ​ളി​ല്‍നി​ന്നാ​ണ് പ്ര​ധാ​ന പ്ര​തി​യെ തി​രി​ച്ച​റി​ഞ്ഞ​ത്.

മോ​ഷ​ണ സം​ഘ​ത്തി​ല്‍പ്പെ​ട്ട മ​റ്റു​ള്ള​വ​രെ​ക്കു​റി​ച്ചു പോ​ലീ​സി​നു യാ​തൊ​രു വി​വ​ര​ങ്ങ​ളും ല​ഭി​ച്ചി​ട്ടി​ല്ല. സം​ഘാം​ഗ​ങ്ങ​ള്‍ എ​വി​ടെ ത​മ്പ​ടി​ച്ചു പു​ല​ര്‍ച്ചെ മാ​ങ്ങാ​ന​ത്തെ​ത്തി, മോ​ഷ​ണ​ശേ​ഷം എ​വി​ടേ​ക്ക് പോ​യി തു​ട​ങ്ങി​യ കാ​ര്യ​ങ്ങ​ളി​ല്‍ പോ​ലീ​സി​ന് ഉ​ത്ത​ര​മി​ല്ല. ഇ​ക്കാ​ര്യ​ങ്ങ​ളി​ല്‍ വ്യ​ക്ത​ത ല​ഭി​ക്കു​ന്ന​തി​നു ക​ഞ്ഞി​ക്കു​ഴി-​പു​തു​പ്പ​ള്ളി റോ​ഡി​ലെ സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ചെ​ങ്കി​ലും ഒ​ന്നും ക​ണ്ടെ​ത്താ​ന്‍ ക​ഴി​ഞ്ഞി​ല്ല. ഈ ​റോ​ഡി​ലെ ആ​ളൊ​ഴി​ഞ്ഞ ബ​ഹു​നി​ല കെ​ട്ടി​ട​ത്തി​ന്‍റെ പാ​ര്‍ക്കിം​ഗ് ഏ​രി​യാ​യി​ലൂടെ എ​ത്തി​യ സം​ഘം വി​ല്ല​ക​ളു​ടെ മ​തി​ലി​ന്‍റെ ഉ​യ​രം കു​റ​ഞ്ഞ സ്ഥ​ല​ത്തു കൂ​ടി​യാ​ണ് കോ​മ്പൗ​ണ്ടി​ല്‍ പ്ര​വേ​ശി​ച്ച​തെ​ന്നാ​ണ് പോ​ലീ​സ് പ​റ​യു​ന്ന​ത്.

മോ​ഷ​ണ​സം​ഘ​ത്തെ പി​ടി​കൂ​ടാ​നാ​യി പോ​ലീ​സ് മോ​ഷ​ണം ന​ട​ന്ന വീ​ട്, വെ​ല്‍ന​സ് ക്ലി​നി​ക്ക് എ​ന്നി​വി​ട​ങ്ങ​ളി​ൽ​നി​ന്നു ല​ഭി​ച്ച വി​ര​ല​യാ​ള​ങ്ങ​ള്‍ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​ല്‍ പു​രോ​ഗ​തി​യി​ല്ല. പോ​ലീ​സി​നു ല​ഭി​ച്ച വി​ര​ല​ട​യാ​ള​ങ്ങ​ള്‍ പോ​ലീ​സി​ന്‍റെ പ​ക്ക​ലു​ള്ള പ​ട്ടി​ക​യി​ലു​ള്ള​വ​രു​ടെ​യ​ല്ല.

മോ​ഷ്‌​ടാ​ക്ക​ള്‍ മൊ​ബൈ​ല്‍ ഫോ​ണു​ക​ള്‍ ഉ​പ​യോ​ഗി​ക്കാ​നു​ള്ള സാ​ധ്യ​ത ക​ണ​ക്കി​ലെ​ടു​ത്ത് പ്ര​ദേ​ശ​ത്തെ ട​വ​റു​ക​ളി​ലൂ​ടെ പോ​യ ഫോ​ണ്‍ കോ​ളു​ക​ള്‍ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​ലും മോ​ഷ്‌​ടാ​ക്ക​ളി​ലേ​ക്ക് എ​ത്തി​ച്ചേ​രാ​ന്‍ സാ​ധി​ച്ചി​ട്ടി​ല്ല. അ​തി​നാ​ല്‍, പ്ര​ദേ​ശ​ത്തെ മു​ന്‍ ദി​വ​സ​ങ്ങ​ളി​ലെ സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ക്കാ​നു​ള്ള ത​യാ​റെ​ടു​പ്പി​ലാ​ണ് അ​ന്വേ​ഷ​ണ സം​ഘം.
Copyright @ 2018 , Rashtra Deepika Ltd.