പാ​ലാ ന​ഗ​ര​സ​ഭ​യു​ടെ വാ​ണി​ജ്യ സ​മു​ച്ച​യ​ങ്ങ​ള്‍ ബാ​ധ്യ​ത​യാ​കു​ന്നു
Wednesday, August 13, 2025 11:15 PM IST
പാ​ലാ: ന​ഗ​ര​സ​ഭ​യു​ടെ വാ​ണി​ജ്യ സ​മു​ച്ച​യ​ത്തി​ലെ മു​റി​ക​ള്‍ വാ​ട​ക​യ്ക്കെ​ടു​ക്കാ​ന്‍ ആ​ളി​ല്ലാ​തെ ഒ​ഴി​ഞ്ഞു​കി​ട​ക്കു​ന്നു. വ​ര്‍​ഷ​ങ്ങ​ളാ​യി പ​ല ത​വ​ണ ലേ​ലം ന​ട​ത്തി​യി​ട്ടും ലേ​ലം കൊ​ള്ളാ​ന്‍ ആ​ളി​ല്ലാ​ത്ത​തി​നാ​ല്‍ ന​ഗ​ര​സ​ഭ​യ്ക്ക് ല​ഭി​ക്കേ​ണ്ട വ​രു​മാ​നം ന​ഷ്ട​മാ​കു​ന്നു. ഈ ​കെ​ട്ടി​ട​ങ്ങ​ളു​ടെ നി​ര്‍​മാ​ണ​ത്തി​നാ​യി എ​ടു​ത്ത വാ​യ്പ​ക​ള്‍ വ​ന്‍ കു​ടി​ശി​ക​യാ​യി തി​രി​ച്ച​ട​യ്ക്കാ​നു​ള്ള​പ്പോ​ളാ​ണ് മു​റി​ക​ളി​ല്‍​നി​ന്ന് വ​രു​മാ​നം ല​ഭി​ക്കാ​ത്ത സാ​ഹ​ച​ര്യ​മു​ള്ള​ത്.

തെ​ക്കേ​ക്ക​ര, കൊ​ട്ടാ​ര​മ​റ്റം, മൂന്നാ​നി ലോ​യേ​ഴ്സ് ചേം​ബ​ര്‍ എ​ന്നീ സ​മു​ച്ച​യ​ങ്ങ​ളി​ലാ​ണ് പ്ര​ധാ​ന​മാ​യും മു​റി​ക​ള്‍ ഒ​ഴി​ഞ്ഞു കി​ട​ക്കു​ന്ന​ത്.

പാ​ലാ ന​ഗ​ര​സ​ഭ​യു​ടെ വാ​ണി​ജ്യ​സ​മു​ച്ച​യ​ങ്ങ​ള്‍ ഫ​ല​പ്ര​ദ​മാ​യി വി​നി​യോ​ഗി​ക്കു​ന്ന​തി​ല്‍ വീ​ഴ്ച വ​രു​ത്തി​യ​താ​യി സം​സ്ഥാ​ന ഓ​ഡി​റ്റ് വ​കു​പ്പി​ന്‍റെ ഓ​ഡി​റ്റ് റി​പ്പോ​ര്‍​ട്ട് വ്യ​ക്ത​മാ​ക്കി​യി​രു​ന്നു. കെ​ട്ടി​ട​ങ്ങ​ളു​ടെ സെ​ക്യൂ​രി​റ്റി തു​ക കു​റ​ച്ച് പ​ല​ത​വ​ണ ലേ​ലം ന​ട​ത്തി​യി​രു​ന്നു. മു​റി​ക​ളു​ടെ നി​ര്‍​മാ​ണ​ത്തി​ലെ അ​ശാ​സ​ത്രീ​യ​ത​യും വാ​ട​ക​യ്ക്കെ​ടു​ക്കു​ന്ന​തി​ല്‍​നി​ന്ന് പി​ന്തി​രി​പ്പി​ക്കു​ന്ന​താ​യി വ്യാ​പാ​രി​ക​ള്‍ പ​റ​യു​ന്നു.

മൂ​ന്നാ​നി ലോ​യേ​ഴ്സ് ചേം​ബ​ര്‍ കെ​ട്ടി​ട​ത്തി​ല്‍ മൂ​ന്ന് നി​ല​ക​ളി​ലാ​യി ശൗ​ചാ​ല​യ സൗ​ക​ര്യ​ത്തോ​ടെ 72 മു​റി​ക​ളാ​ണു​ള്ള​ത്. 2022ല്‍ ​ലേ​ലം ചെ​യ്ത​പ്പോ​ള്‍ അ​ഞ്ചു മു​റി​ക​ള്‍ മാ​ത്ര​മാ​ണ് ലേ​ല​ത്തി​ല്‍ പോ​യ​ത്. അ​വ​ശേ​ഷി​ക്കു​ന്ന​വ കോ​ട്ട​യം ട്രി​പ്പി​ള്‍ ഐ​ടി​ക്ക് വാ​ട​ക​യ്ക്ക് ന​ല്‍​കാ​ന്‍ പ​ദ്ധ​തി​യു​ണ്ടെ​ങ്കി​ലും ന​ട​പ​ടി​ക​ള്‍ ഇ​ഴ​യു​ക​യാ​ണ്. തെ​ക്കേ​ക്ക​ര​യി​ലെ​യും രാ​മ​പു​രം റോ​ഡി​ലെ​യും വാ​ണി​ജ്യ സ​മു​ച്ച​യ​ത്തി​ലും മു​റി​ക​ള്‍ ഒ​ഴി​ഞ്ഞു​കി​ട​ക്കു​ക​യാ​ണ്.

കെ​ട്ടി​ട​ങ്ങ​ള്‍ വാ​ട​ക​യ്ക്കു ന​ല്‍​കു​മ്പോ​ള്‍ വ്യ​ക്ത​മാ​യ ക​രാ​റു​ണ്ടാ​ക്കു​ന്ന​തി​ലും വീ​ഴ്ച വ​രു​ത്തി​യ​താ​യി ഓ​ഡി​റ്റ് റി​പ്പോ​ര്‍​ട്ടി​ല്‍ പ​റ​യു​ന്നു. കൃ​ത്യ​മാ​യ ക​രാ​ര്‍ വ്യ​വ​സ്ഥ​ക​ളി​ല്ലാ​തെ മു​റി​ക​ള്‍​ക്ക് ലൈ​സ​ന്‍​സ് പു​തു​ക്കി ന​ല്‍​കു​ന്ന​ത് ച​ട്ട​വി​രു​ദ്ധ​മാ​ണ്. ഇ​തു ഭാ​വി​യി​ല്‍ കോ​ട​തി വ്യ​വ​ഹാ​ര​ങ്ങ​ളു​ണ്ടാ​യാ​ല്‍ ന​ഗ​ര​സ​ഭ​യ്ക്ക് വി​ജ​യി​ക്കാ​നാ​വാ​ത്ത സാ​ഹ​ച​ര്യ​മു​ണ്ടാ​ക്കും. കൂ​ടാ​തെ വാ​ട​ക കു​ടി​ശി​ക വ​രു​ത്തു​ന്ന​വ​രു​ടെ ക​രു​ത​ല്‍ തു​ക​യി​ല്‍​നി​ന്ന് തു​ക ഈ​ടാ​ക്കാ​ന്‍ സാ​ധി​ക്കാ​ത്ത​തി​നാ​ലും വ​രു​മാ​ന ന​ഷ്ട​മു​ണ്ടാ​കു​ന്നു.

കൃ​ത്യ​മാ​യ ക​ണ​ക്കു​ക​ളു​ടെ​യും ര​ജി​സ്റ്റ​റു​ക​ളു​ടെ​യും അ​ഭാ​വ​ത്തി​ല്‍ കു​ടി​ശി​ക വ​രു​ത്തി​യ​വ​രു​ടെ നി​ക്ഷേ​പം വാ​ട​ക​യി​ന​ത്തി​ല്‍ വ​ര​വു ചേ​ര്‍​ക്കാ​നാ​കു​ന്നി​ല്ല.

തു​ക കു​റ​ച്ച് ലേ​ലം
ന​ട​ത്തും: ചെ​യ​ര്‍​മാ​ന്‍

പൊ​തു​വാ​യ സാ​മ്പ​ത്തി​ക മാ​ന്ദ്യം കാ​ര​ണം വ്യാ​പാ​ര രം​ഗ​ത്തേ​ക്കു വ​രു​വാ​ന്‍ ആ​ളു​ക​ള്‍ മ​ടി​ക്കു​ക​യാ​ണെ​ന്നും ഒ​ഴി​ഞ്ഞു കി​ട​ക്കു​ന്ന മു​റി​ക​ള്‍ വാ​ട​ക​യ്ക്കു കൊ​ടു​ക്കാ​നു​ള്ള ശ്ര​മ​ങ്ങ​ള്‍ തു​ട​രു​ക​യാ​ണെ​ന്നും തു​ക കു​റ​ച്ച് ലേ​ലം ന​ട​ത്തി​വ​രി​ക​യാ​ണെ​ന്നും ന​ഗ​ര​സ​ഭാ ചെ​യ​ര്‍​മാ​ന്‍ തോ​മ​സ് പീ​റ്റ​ര്‍ പ​റ​ഞ്ഞു.
Copyright @ 2018 , Rashtra Deepika Ltd.