സ്കൂ​ൾവി​ദ്യാ​ർ​ഥി​ക​ളെ ക​ബ​ളി​പ്പി​ച്ച് ബാ​റി​ലേ​ക്ക് കൊ​ണ്ടു​പോ​യി മ​ദ്യം കു​ടി​പ്പി​ച്ച സം​ഭ​വം: കെ​എ​സ്ഇ​ബി ജീ​വ​ന​ക്കാ​ര​നും ബാ​ർ ജീ​വ​ന​ക്കാ​രും അ​റ​സ്റ്റി​ൽ
Saturday, August 9, 2025 1:01 AM IST
ചാ​ല​ക്കു​ടി: സ്കൂ​ൾ വി​ദ്യാ​ർ​ഥി​ക​ളെ ക​ബ​ളി​പ്പി​ച്ച് മ​ദ്യം കൊ​ടു​ക്കു​വാ​നാ​യി ബാ​റി​ലേ​ക്ക് കൊ​ണ്ടു​വ​ന്ന കെ​എ​സ്ഇ​ബി ജീ​വ​ന​ക്കാ​ര​നും മ​ദ്യം ന​ൽ​കി​യ ബാ​ർ ജീ​വ​ന​ക്കാ​രെ​യും പോ​ലീ​സ് അ​റ​സ്റ്റു​ചെ​യ്തൂ. കെ​എ​സ്ഇ​ബി ജീ​വ​ന​ക്കാ​ര​ൻ അ​ന്ന​മ​ന​ട കാ​ട്ടു​ക​ണ്ട​ത്തി​ൽ വീ​ട്ടി​ൽ സ്നേ​ഹേ​ഷ് (44), മ​ദ്യം ന​ൽ​കി​യ ബാ​ർ ജീ​വ​ന​ക്കാ​രാ​യ പാ​ല​ക്കാ​ട് കി​ഴ​ക്ക​ഞ്ചേ​രി എ​ള​വൂ​ർ​പാ​ടം കാ​ട്ടി​രി​ക്ക​ൽ വീ​ട്ടി​ൽ ദി​വാ​ക​ര​ൻ (45), വ​യ​നാ​ട് പു​ൽ​പ്പ​ള്ളി വ​ട​ക്ക​ൽ അ​നീ​ഷ് (34) എ​ന്നി​വ​രാ​ണ് അ​റ​സ്റ്റി​ലാ​യ​ത്. ഇ​വ​ർ​ക്കെ​തി​രെ ജു​വ​നൈ​ൽ ജ​സ്റ്റി​സ് ആ​ക്ട് പ്ര​കാ​ര​വും അ​ബ്കാ​രി ആ​ക്ട് പ്ര​കാ​ര​വും കേ​സെ​ടു​ത്തു.

ക​ഴി​ഞ്ഞ​ദി​വ​സം 4.30ന് ​ചാ​യ്പ​ൻ​കു​ഴി​യി​ലു​ള്ള സ്കൂ​ളി​ന്‍റെ മു​ന്നി​ൽ​നി​ന്നും പ്രാ​യ​പൂ​ർ​ത്തി​യാ​കാ​ത്ത ര​ണ്ട് സ്കൂ​ൾ കു​ട്ടി​ക​ളെ മോ​ട്ടോ​ർ സൈ​ക്കി​ളി​ൽ മോ​തി​ര​ക്ക​ണ്ണി​യി​ലു​ള്ള ബാ​റി​ലേ​ക്ക് കൂ​ട്ടി​ക്കൊ​ണ്ടു​പോ​യി ബാ​റി​ൽ​വ​ച്ച് കു​ട്ടി​ക​ൾ​ക്ക് ബി​യ​ർ വാ​ങ്ങി​ക്കു​ടി​ക്കാ​ൻ ന​ൽ​കു​ക​യാ​യി​രു​ന്നു.
കെ​എ​സ്ഇ​ബി ജീ​വ​ന​ക്കാ​ര​നാ​യ സ്നേ​ഹേ​ഷി​നെ​തി​രെ വ​കു​പ്പു​ത​ല ന​ട​പ​ടി​ക​ൾ​ക്കാ​യി റി​പ്പോ​ർ​ട്ട് സ​മ​ർ​പ്പി​ക്കും.

ചാ​ല​ക്കു​ടി പോ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ എം.​കെ. സ​ജീ​വ്, എ​സ്ഐ​മാ​രാ​യ ഋ​ഷി​പ്ര​സാ​ദ്, കെ.​കെ. ബി​ജു, ഹ​രി​ശ​ങ്ക​ർ പ്ര​സാ​ദ്, എ​എ​സ്ഐ ജി​ബി, സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ സു​ജി​ത്ത്, സ​ജി​ത്ത് എ​ന്നി​വ​ർ ചേ​ർ​ന്നാ​ണ് പ്ര​തി​യെ പി​ടി​കൂ​ടി​യ​ത്.
Copyright @ 2018 , Rashtra Deepika Ltd.