ADVERTISEMENT
ADVERTISEMENT
14
Tuesday
October 2025
IST
deepika
ADVERTISEMENT
GET IT ON
IMG
IMG
TODAY'S E-PAPER
IMG
IMG
TODAY'S E-PAPER
SECTIONS
Dark
Light
ADVERTISEMENT
Chocolate
ഇലക്‌ട്രിക് യുഗം
ഈ​യ​ടു​ത്താ​യി ന​മ്മ​ള്‍ പ​തി​വാ​യി കേ​ള്‍ക്കു​ന്ന വാ​ക്കാ​ണ​ല്ലോ വൈ​ദ്യു​ത വാ​ഹ​ന​ങ്ങ​ള്‍. സാ​ധാ​ര​ണ​യാ​യി ന​മ്മു​ടെ വാ​ഹ​ന​ങ്ങ​ളി​ല്‍ പെ​ട്രോ​ളോ ഡീ​സ​ലോ അ​ല്ലെ​ങ്കി​ല്‍ ഗ്യാ​സോ ആ​ണ് ഇ​ന്ധ​ന​മാ​യി ഉ​പ​യോ​ഗി​ക്കു​ക. എ​ന്നാ​ല്‍, വൈ​ദ്യു​ത വാ​ഹ​ന​ങ്ങ​ള്‍ ഓ​ടു​ന്ന​ത് പേ​രു​പോ​ലെ ത​ന്നെ വൈ​ദ്യു​തി​യു​ടെ സ​ഹാ​യ​ത്തോ​ടെ​യാ​ണ്. ഇ​ത്ര​യും കാ​ര്യ​ങ്ങ​ള്‍ കൂ​ട്ടു​കാ​ര്‍ക്ക് അ​റി​യാ​മാ​യി​രി​ക്കും. ഇ​നി ഭാ​വി​യി​ല്‍ ഇ​ന്ത്യ​യി​ല്‍ കൂ​ടു​ത​ലാ​യി കാ​ണ​പ്പെ​ടാ​ന്‍ പോ​കു​ന്ന​ത് ഇ​ത്ത​രം വൈ​ദ്യു​ത വാ​ഹ​ന​ങ്ങ​ളാ​കും. അ​ങ്ങ​നെ​യെ​ങ്കി​ല്‍ വൈ​ദ്യു​ത വാ​ഹ​ന​ങ്ങ​ളെ​ക്കു​റി​ച്ച് വി​ശ​ദ​മാ​യി മ​ന​സി​ലാ​ക്കാം.

ഗു​ണ​ങ്ങ​ള്‍

ഇ​ന്ധ​നം

ഉ​യ​ര്‍ന്നു വ​രു​ന്ന പെ​ട്രോ​ള്‍, ഡീ​സ​ല്‍ വി​ല​യെ ഭ​യ​ക്കാ​തെ വൈ​ദ്യു​ത ബാ​റ്റ​റി​യു​ടെ സ​ഹാ​യ​ത്തോ​ടെ​യാ​ണ് ഇ​ല​ക്‌​ട്രി​ക് വാ​ഹ​ന​ങ്ങ​ള്‍ പ്ര​വ​ർ​ത്തി​ക്കു​ന്ന​ത്. വൈ​ദ്യു​തി​ക്ക് പ​ണ​മ​ട​യ്ക്ക​ണ്ടേ എ​ന്നാ​ണ് ഇ​പ്പോ​ള്‍ ചി​ന്തി​ച്ച​തെ​ങ്കി​ല്‍ മ​റ്റ് ഫോ​സി​ൽ ഇ​ന്ധ​ന​ങ്ങ​ളെ അ​പേ​ക്ഷി​ച്ച് യാ​ത്രാ​ച്ചെ​ല​വ് വ​ള​രെ കു​റ​വാ​ണെ​ന്നാ​ണ് നി​ർ​മാ​താ​ക്ക​ൾ അ​വ​കാ​ശ​പ്പെ​ടു​ന്ന​ത്.

എ​ന്നാ​ൽ, വി​ല​യി​ൽ ഈ ​കു​റ​വ് കാ​ണി​ല്ല എ​ന്ന​ത് വ​ലി​യൊ​രു പോ​രാ​യ്മ​യാ​ണ്. വി​ല കു​റ​യ്ക്കാ​നു​ള്ള മാ​ർ​ഗ​ങ്ങ​ൾ നി​ർ​മാ​താ​ക്ക​ൾ തേ​ടു​ന്നു​മു​ണ്ട്. വൈ​ദ്യു​ത വാ​ഹ​ന​ങ്ങ​ള്‍ പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യി ഇ​തി​നോ​ട​കം ത​ന്നെ കെ​എ​സ്ഇ​ബി​യു​ടെ ഇ​ല​ക്‌​ട്രി​ക് ചാ​ര്‍ജിം​ഗ് സ്റ്റേ​ഷ​നു​ക​ള്‍ കേ​ര​ള​ത്തി​ല്‍ ഇ​ടം​നേ​ടി​ക്ക​ഴി​ഞ്ഞു.

വി​ഷ​പ്പു​ക തു​പ്പി​ല്ല

ദി​വ​സേ​ന നി​ര​ത്തു​ക​ളി​ലി​റ​ങ്ങു​ന്ന വാ​ഹ​ന​ങ്ങ​ളി​ല്‍നി​ന്നു പു​റ​ന്ത​ള്ള​പ്പെ​ടു​ന്ന കാ​ര്‍ബ​ണ്‍ നേ​രെ എ​ത്തു​ന്ന​ത് അ​ന്ത​രീ​ക്ഷ​ത്തി​ലേ​ക്കാ​ണ്. അ​തി​ന്‍റെ അ​ന​ന്ത​ര​ഫ​ല​മോ അ​ന്ത​രീ​ക്ഷ മ​ലി​നീ​ക​ര​ണ​വും ഹ​രി​ത​ഗൃ​ഹ വാ​ത​ക​ങ്ങ​ളും. ന​മ്മ​ള്‍ ജീ​വി​ക്കു​ന്ന പ​രി​സ്ഥി​തി​യെ സം​ര​ക്ഷി​ക്കാ​ന്‍ വൈ​ദ്യു​ത വാ​ഹ​ന​ങ്ങ​ള്‍ക്ക് വ​ലി​യൊ​രു പ​രി​ധി​വ​രെ സാ​ധി​ക്കും.

നൂ​റു ശ​ത​മാ​നം പ​രി​സ്ഥി​തി​സൗ​ഹൃ​ദ​മാ​ണ് വൈ​ദ്യു​ത വാ​ഹ​ന​ങ്ങ​ള്‍. അ​ന്ത​രീ​ക്ഷ​ത്തെ മ​ലി​ന​മാ​ക്കു​ന്ന വി​ഷ​പ്പു​ക തു​പ്പു​ക​യി​ല്ല എ​ന്ന​താ​ണ് ഇ​വ​യു​ടെ എ​ടു​ത്തു പ​റ​യേ​ണ്ട പ്ര​ത്യേ​ക​ത. ഗ്യാ​സ് ഉ​പ​യോ​ഗി​ച്ച് ഓ​ടു​ന്ന വാ​ഹ​ന​ങ്ങ​ള്‍പോ​ലും അ​ന്ത​രീ​ക്ഷ മ​ലി​നീ​ക​ര​ണ​മു​ണ്ടാ​ക്കും എ​ന്ന​തു മ​റ​ക്ക​ണ്ട. വൈ​ദ്യു​ത വാ​ഹ​ന​ങ്ങ​ളി​ലേ​ക്കു മാ​റു​ക വ​ഴി നമ്മൾ‍ ആ​രോ​ഗ്യ​ക​ര​മാ​യ ഒ​രു പ​രി​സ്ഥി​തി​യാ​ണ് നി​ര്‍മി​ക്കു​ന്ന​തെ​ന്നു വി​ദ​ഗ്ധ​ര്‍ പ​റ​യു​ന്നു.



സു​ര​ക്ഷി​തം

മ​റ്റു വാ​ഹ​നങ്ങ​ള്‍ക്കു​ള്ള അ​തേ ഫി​റ്റ്‌​ന​സ് ടെ​സ്റ്റു​ക​ളാ​ണ് ന​ട​ത്തു​ന്ന​തെ​ങ്കി​ലും വൈ​ദ്യു​ത വാ​ഹ​ന​ങ്ങ​ള്‍ താ​ര​ത​മ്യേ​ന കൂ​ടു​ത​ല്‍ സു​ര​ക്ഷി​ത​മാ​ണ്. ഉ​ദാ​ഹ​ര​ണ​ത്തി​ന് ഒ​രു വൈ​ദ്യു​ത കാ​ര്‍ അ​പ​ക​ട​ത്തി​ല്‍പ്പെ​ടു​ന്നു എ​ന്നി​രി​ക്ക​ട്ടെ, ഉ​ട​ന്‍ ത​ന്നെ ബാ​റ്റ​റി​യി​ല്‍ നി​ന്നു​ള്ള വൈ​ദ്യു​തി ത​നി​യെ വി​ച്ഛേ​ദി​ക്ക​പ്പെ​ടു​ക​യും വ​ലി​യ അ​പ​ക​ടം ഒ​ഴി​വാ​കു​ക​യും ചെ​യ്യു​ന്നു.

വൈ​ദ്യു​ത മോ​ട്ടോ​ര്‍ രം​ഗ​ത്തെ വി​പ്ല​വം

വൈ​ദ്യു​ത​മോ​ട്ടോ​ര്‍ രം​ഗ​ത്തു​ണ്ടാ​യ വി​പ്ല​വ​മാ​ണ് യ​ഥാ​ര്‍ഥ​ത്തി​ല്‍ വൈ​ദ്യു​ത വാ​ഹ​ന​ങ്ങ​ള്‍ എ​ന്ന ചി​ന്ത​യി​ലേ​ക്ക് എ​ത്തി​ച്ച​ത്. ഉ​യ​ര്‍ന്ന ദ​ക്ഷ​ത​യു​ള്ള ബി​എ​ല്‍ഡി​സി മോ​ട്ടോ​റു​ക​ളാ​ണ് ഇ​തി​ല്‍ ഉ​പ​യോ​ഗി​ക്കു​ന്ന​ത്. ബ്ര​ഷു​ക​ള്‍ ഇ​ല്ലാ​ത്ത ഡി​സി മോ​ട്ടോ​റു​ക​ളാ​ണി​വ. ബ്ര​ഷു​ക​ള്‍ ഇ​ല്ലാ​ത്ത​തി​നാ​ല്‍ ത​ന്നെ തേ​യ്മാ​ന​വും സ്പാ​ര്‍ക്കിം​ഗും മൂ​ല​മു​ള്ള ഊ​ര്‍ജ​ന​ഷ്ടം ഒ​ഴി​വാ​കു​ന്നു.

സാ​ധാ​ര​ണ​ രീ​തി​യി​ലു​ള്ള മോ​ട്ടോ​റു​ക​ളേ​ക്കാ​ല്‍ വി​ല കൂ​ടു​ത​ലാ​ണ് എ​ന്ന​തു മാ​ത്ര​മാ​ണ് ഒ​രു ന്യൂ​ന​ത. വാ​ഹ​ന​ങ്ങ​ളു​ടെ ച​ക്ര​ങ്ങ​ളി​ല്‍ ത​ന്നെ നേ​രി​ട്ടാ​ണ് മോ​ട്ടോ​റു​ക​ള്‍ ഘ​ടി​പ്പി​ക്കു​ന്ന​ത്. അ​തി​നാ​ല്‍ പ​ര​മാ​വ​ധി ദ​ക്ഷ​ത ല​ഭി​ക്കു​ക​യും ചെ​യ്യു​ന്നു.

വൈ​ദ്യു​ത തീ​വ​ണ്ടി

വൈ​ദ്യു​ത വാ​ഹ​ന​ങ്ങ​ളെ​ക്കു​റി​ച്ചു പ​റ​യു​മ്പോ​ള്‍ വൈ​ദ്യു​ത തീ​വ​ണ്ടി​യെ​ക്കു​റി​ച്ചു പ​റ​യാ​തി​രി​ക്കു​ന്ന​ത് എ​ങ്ങ​നെ? വൈ​ദ്യു​ത തീ​വ​ണ്ടി​യാ​ണ് ഇ​ക്കൂ​ട്ട​ത്തി​ലെ പ്ര​മാ​ണി. തീ​വ​ണ്ടി​ക്കു മു​ക​ളി​ലൂ​ടെ പോ​കു​ന്ന വൈ​ദ്യു​ത ക​മ്പി​ക​ളി​ല്‍നി​ന്നും നേ​രി​ട്ടാ​ണ് തീ​വ​ണ്ടി എ​ൻജിനു​ക​ള്‍ വൈ​ദ്യു​തി ഉ​പ​യോ​ഗി​ക്കു​ന്ന​ത്. ക​ല്‍ക്ക​രി വ​ണ്ടി​ക​ളേ​യും ഡീ​സ​ല്‍ വ​ണ്ടി​ക​ളേ​യും മ​റി​ക​ട​ന്ന് റെ​യി​ല്‍ പാ​ള​ങ്ങ​ളി​ല്‍ ഇ​വ​ര്‍ ഇ​ടം നേ​ടു​ക​യാ​ണ്.

മ​റ്റ് വൈ​ദ്യു​ത വാ​ഹ​ന​ങ്ങ​ള്‍

ന​മ്മു​ടെ ബൈ​ക്കു​ക​ളും കാ​റു​ക​ളും ബ​സു​ക​ളും ഉ​ള്‍പ്പെടെ എ​ല്ലാ വാ​ഹ​ന​ങ്ങ​ളും വൈ​ദ്യു​ത വാ​ഹ​ന​ങ്ങ​ളി​ലേ​ക്ക് മാ​റാ​നു​ള്ള ഒ​രു​ക്ക​ത്തി​ലാ​ണ്. വാ​ഹ​ന​ങ്ങ​ളി​ല്‍ ത​ന്നെ ഉ​റ​പ്പി​ച്ചി​ട്ടു​ള്ള ബാ​റ്റ​റി​യി​ല്‍ ശേ​ഖ​രി​ച്ചു​വയ്ക്കു​ന്ന വൈ​ദ്യു​തി​യാ​ണ് ഇ​ത്ത​രം വാ​ഹ​ന​ങ്ങ​ളി​ല്‍ ഇ​ന്ധ​ന​മാ​യി ഉ​പ​യോ​ഗി​ക്കു​ന്ന​ത്. ബാ​റ്റ​റി​യി​ലെ വൈ​ദ്യു​തി തീ​രു​ന്ന​ത​നു​സ​രി​ച്ച് ചാ​ര്‍ജ് ചെ​യ്താ​ല്‍ മ​തി​യാ​കും. നി​ല​വി​ല്‍ ഇ​രു​ച​ക്ര​വാ​ഹ​ന​ങ്ങ​ളും കാ​റു​ക​ളു​മാ​ണ് ഏ​റ്റ​വു​മ​ധി​കം ആ​രാ​ധ​ക​രു​ള്ള വൈ​ദ്യു​ത വാ​ഹ​നം.

ബാറ്ററികൾക്ക് ഏറെ പ്രാധാന്യം

രാ​സോ​ർ​ജ​ത്തെ വൈ​ദ്യു​തോ​ർ​ജ​മാ​ക്കി മാ​റ്റു​ന്ന പ്ര​ക്രി​യ​യാ​ണ് ബാ​റ്റ​റി​ക​ളി​ൽ ന​ട​ക്കു​ക. ഇ​ല​ക്‌​ട്രി​ക് വാ​ഹ​ന​ങ്ങ​ളു​ടെ പ്ര​ധാ​ന ഊ​ർ​ജ​സ്രോ​ത​സ് ബാ​റ്റ​റി​ത​ന്നെ. റീ​ചാ​ർ​ജ് ചെ​യ്യാ​ൻ ക​ഴി​യു​ന്ന ബാ​റ്റ​റി​ക​ളാ​ണ് പൊ​തു​വേ വാ​ഹ​ന​ങ്ങ​ളി​ൽ ഉ​പ​യോ​ഗി​ച്ചു​വ​രു​ന്ന​ത്. വാ​ഹ​ന​ങ്ങ​ളി​ൽ സാ​ധാ​ര​ണ ഉ​പ​യോ​ഗി​ക്കു​ന്ന​ത് ലെ​ഡ്-​ആ​സി​ഡ് ബാ​റ്റ​റി​ക​ൾ‌, നി​ക്ക​ൽ മെ​റ്റ​ൽ ഹൈ​ബ്രി​ഡ് (NiMH) ബാ​റ്റ​റി​ക​ൾ, ലി​ഥി​യം അ​യോ​ൺ (Li-ion) ബാ​റ്റ​റി​ക​ൾ എ​ന്നീ മൂ​ന്നു ത​രം റീ​ചാ​ർ​ജ​ബി​ൾ ബാ​റ്റ​റി​ക​ളാ​ണ്.

‌1859ലാ​ണ് ലെ​ഡ്-​ആ​സി​ഡ് ബാ​റ്റ​റി​ക​ൾ വികസിപ്പിച്ചത്. നി​ല​വി​ലു​ള്ള റീ​ചാ​ർ​ജ​ബി​ൾ ബാ​റ്റ​റി​ക​ളു​ടെ ഏ​റ്റ​വും പ​ഴ​ക്ക​മേ​റി​യ രൂ​പ​വും ഇ​തു​ത​ന്നെ. 19-ാം നൂ​റ്റാ​ണ്ടു മു​ത​ൽ എ​ല്ലാ ത​രം വാ​ഹ​ന​ങ്ങ​ളി​ലും പ്ര​ധാ​ന​മാ​യി ഉ​പ​യോ​ഗി​ക്കു​ന്ന​ത് ഈ ​ഇ​നം ബാ​റ്റ​റി​യാ​ണ്. ഇ​ല​ക്‌​ട്രി​ക് കാ​റു​ക​ളി​ലും ഉ​പ​യോ​ഗി​ക്കു​ന്നു.



ലെ​ഡ് ഇ​ല​ക്‌​ട്രോ​ഡു​ക​ളും ഗാ​ഡ​ത കു​റ​ഞ്ഞ സ​ൾ​ഫ്യൂ​രി​ക് ആ​സി​ഡു​മാ​ണ് ഈ ​ബാ​റ്റ​റി​യി​ൽ വൈ​ദ്യു​തി ഉ​ത്പാ​ദി​പ്പി​ക്കു​ന്ന​ത്. ദീ​ർ​ഘ​കാ​ലം ഉ​പ​യോ​ഗി​ക്കാം എ​ന്ന​താ​ണ് ലെ​ഡ്-​ആ​സി​ഡ് ബാ​റ്റ​റി​ക​ളു​ടെ പ്ര​ത്യേ​ക​ത. എ​ന്നാ​ൽ, ബാ​റ്റ​റി അ​ധി​ക​മാ​യി ചാ​ർ​ജ് ആ​യാ​ൽ വി​ഷ​വാ​ത​കം പു​റ​ത്തു​വ​രി​ക​യോ പൊ​ട്ടി​ത്തെ​റി​ക്കു​ക​യോ ചെ​യ്യാം.

1980ക​ളി​ലാ​ണ് നി​ക്ക​ൽ മെ​റ്റ​ൽ ഹൈ​ബ്രി​ഡ് ബാ​റ്റ​റി​ക​ൾ വാ​ണി​ജ്യാ​ടി​സ്ഥാ​ന​ത്തി​ൽ ഉ​പ​യോ​ഗി​ച്ചു​തു​ട​ങ്ങി​യ​ത്. ഒ​രു ചെ​റി​യ ബാ​റ്റ​റി​ക്കു​ള്ളി​ൽ വ​ലി​യ അ​ള​വി​ലു​ള്ള ഊ​ർ​ജം സം​ഭ​വി​ച്ചു​വ​ച്ചി​രി​ക്കു​ന്നു എ​ന്ന് പ​റ​യു​ന്ന​പോ​ലെ​യാ​ണ് ഈ ​ബാ​റ്റ​റി. ഹാ​നി​ക​ര​മാ​യ ഒ​രു ലോ​ഹ​വും ഇ​തി​ൽ ഇ​ല്ലാ​ത്ത​തി​നാ​ൽ അ​നാ​യാ​സം റീ​സൈ​ക്കി​ൾ ചെ​യ്യാ​നും ക​ഴി​യും.

1990ക​ളി​ലാ​ണ് ലി​ഥി​യം അ​യോ​ൺ ബാ​റ്റ​റി​ക​ളു​ടെ വ​ര​വ്. താ​ര​ത​മ്യേ​ന ചെ​റി​യ ബാ​റ്റി​യി​ൽ വ​ലി​യ ഊ​ർ​ജം സം​ഭ​രി​ച്ചു​വ​യ്ക്കാ​നു​ള്ള ശേ​ഷി​യും ഉ​പ​യോ​ഗി​ക്കാ​തി​രു​ന്നാ​ൽ ഊ​ർ​ജം ചോ​ർ​ന്നു​പോ​കി​ല്ല എ​ന്ന പ്ര​ത്യേ​ക​ത​യും ലി​ഥി​യം അ​യോ​ൺ ബാ​റ്റ​റി​ക​ൾ​ക്ക് ഏ​റെ പ്ര​ചാ​രം നേ​ടി​ക്കൊ​ടു​ത്തു. ഭാ​രം കു​റ​ഞ്ഞ​തും പ്ര​ത്യേ​ക പ​രി​ച​ര​ണ​വും ആ​വ​ശ്യ​മി​ല്ലാ​ത്ത​തും അയതിനാ​ൽ നി​ല​വി​ൽ ലാ​പ്ടോ​പ്, മൊ​ബൈ​ൽ ഫോ​ൺ തു​ട​ങ്ങി​യ ഉ​പ​ക​ര​ണ​ങ്ങ​ളി​ൽ വ​ലി​യ​തോ​തി​ൽ ഈ ​ഇ​നം ബാ​റ്റ​റി​ക​ൾ ഉ​പ​യോ​ഗി​ക്കു​ന്നു.

ഇ​ല​ക്‌​ട്രി​ക് കാ​റു​ക​ളി​ൽ ഏ​റ്റ​വു​മ​ധി​കം ഉ​പ​യോ​ഗി​ക്കാ​ൻ പോ​കു​ന്ന​തും ലി​ഥി​യം അ​യോ​ൺ ബാ​റ്റ​റി​ക​ളാ​ണ്. ലി​ഥി​യം അ​യോ​ൺ ബാ​റ്റി​ക​ളു​ടെ മ​റ്റൊ​രു വേ​രി​യേ​ഷ​നാ​യ ലി​ഥി​യം പോ​ളി​മ​ർ ബാ​റ്റ​റി​ക​ളാ​ണ് ഇ​ല​ക്‌​ട്രി​ക് കാ​റു​ക​ളി​ൽ ഉ​പ​യോ​ഗി​ക്കു​ക. ലി​ഥി​യം അ​യോ​ൺ ബാ​റ്റ​റി​ക​ൾ നി​ർ​മി​ക്കു​ന്ന​തി​ലും ചെ​ല​വ് കു​റ​വ് എ​ന്ന​താ​ണ് ലി​ഥി​യം പോ​ളി​മ​ർ ബാ​റ്റ​റി​ക​ളു​ടെ പ്ര​ത്യേ​ക​ത. എ​ന്നാ​ൽ, നി​ല​വി​ലെ സാ​ഹ​ച​ര്യ​ത്തി​ൽ പോ​ളി​മ​ർ ബാ​റ്റ​റി​ക​ൾ​ക്ക് ചെ​ല​വ് കൂ​ടു​ത​ലാ​ണ്.

അ​ന്ത​രീ​ക്ഷ മ​ലി​നീ​ക​ര​ണം വി​ല്ല​നാ​കു​മ്പോ​ള്‍

ലോ​ക​രാ​ജ്യ​ങ്ങ​ളി​ല്‍ ത​ന്നെ ഏ​റ്റ​വു​മ​ധി​കം അ​ന്ത​രീ​ക്ഷ മ​ലി​നീ​ക​ര​ണം ഉ​ള്ള 20 ന​ഗ​ര​ങ്ങ​ളി​ല്‍ 14 എ​ണ്ണ​വും ഇ​ന്ത്യ​യി​ലാ​ണ്. ഈ ​മ​ലി​നീ​ക​ര​ണ​ത്തി​ന്‍റെ കാ​ര്യം തി​ര​ക്കി​യാ​ലോ ഇ​ന്ത്യ​യി​ല്‍ അ​ന്ത​രീ​ക്ഷ മ​ലി​നീ​ക​ര​ണ​ത്തി​ന്‍റെ 30 ശ​ത​മാ​ന​വും വാ​ഹ​ന​ങ്ങ​ള്‍ പു​റ​ന്ത​ള്ളു​ന്ന​താ​ണ്.

ഈ ​സാ​ഹ​ച​ര്യ​ത്തി​ലാ​ണ് ഇ​ന്ത്യ​യി​ല്‍ വൈ​ദ്യു​ത വാ​ഹ​ന​ങ്ങ​ളു​ടെ ആ​വ​ശ്യ​ക​ത വ​ര്‍ധി​ക്കു​ന്ന​ത്. ഇ​തു മു​ന്നി​ല്‍ ക​ണ്ട് വൈ​ദ്യു​ത വാ​ഹ​ന​ങ്ങ​ള്‍ക്കാ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ള്‍ ഒ​രു​ക്കു​ക അ​ത്യാ​വ​ശ്യ​മാ​ണ്.

ഹു ​കി​ല്‍ഡ് ദി ​ഇ​ല​ക്‌​ട്രി​ക് കാ​ര്‍

ക്രി​സ് പൈ​ന്‍ സം​വി​ധാ​നം ചെ​യ്ത്, 2006ല്‍ ​ഇ​റ​ങ്ങി​യ ഡോ​ക്യു​മെ​ന്‍റ​റി​യാ​ണ് ഹു ​കി​ല്‍ഡ് ദി ​ഇ​ല​ക്‌​ട്രി​ക് കാ​ര്‍. ഇ​ലക്‌​ട്രി​ക് കാ​റു​ക​ളു​ടെ ച​രി​ത്രം, അ​വ​യു​ടെ വി​ക​സ​നം, വി​പ​ണ​ന സാ​ധ്യ​ത, എ​ണ്ണ​ക്ക​മ്പ​നി​ക​ള്‍ക്ക് വൈ​ദ്യു​ത വാ​ഹ​ന​ങ്ങ​ളോ​ടു​ള്ള സ​മീ​പ​നം എ​ന്നീ വി​ഷ​യ​ങ്ങ​ളാ​ണ് ഡോ​ക്യു​മെ​ന്‍റ​റി​യി​ല്‍ പ്ര​തി​പാ​ദി​ക്കു​ന്ന​ത്.



ഓ​വ​ര്‍ സ്പീ​ഡി​ന് ക​ടി​ഞ്ഞാ​ൺ

അ​മി​ത വേ​ഗ​ത്തി​ന് ക​ടി​ഞ്ഞാ​ണി​ട്ടു​കൊ​ണ്ടാ​ണ് വൈ​ദ്യു​ത വാ​ഹ​ന​ങ്ങ​ള്‍ നി​ര​ത്തി​ലി​റ​ങ്ങു​ന്ന​ത്. നി​ല​വി​ല്‍ ദീ​ര്‍ഘ​ദൂ​ര യാ​ത്ര​ക​ള്‍ക്ക് വൈ​ദ്യു​ത കാ​റു​ക​ള്‍ ഉ​ചി​ത​മ​ല്ലെ​ങ്കി​ലും ഭാ​വി​യി​ല്‍ ഈ ​കു​റ​വ് പ​രി​ഹ​രി​ക്ക​പ്പെ​ട്ടേ​ക്കും.

അ​ടു​ത്തി​ടെ ഹ്യു​ണ്ടാ​യ് അ​വ​ത​രി​പ്പി​ച്ച എ​സ്‌​യു​വി മോ​ഡ​ൽ കോ​ന ഈ ​കു​റ​വ് പ​രി​ഹ​രി​ക്കാ​ൻ ക​ഴി​യു​ന്ന​താ​ണ്. ഒ​രു ത​വ​ണ ചാ​ർ​ജ് ചെ​യ്താ​ൽ 452 കി​ലോ​മീ​റ്റ​ർ ദൂ​രം സ​ഞ്ച​രി​ക്കാ​ൻ ക​ഴി​യു​മെ​ന്ന​താ​ണ് ഈ ​ഇ​ല​ക്‌​ട്രി​ക് എ​സ്‌​യു​വി​യു​ടെ പ്ര​ത്യേ​ക​ത.

ഫെ​യിം ഇ​ന്ത്യ

വൈ​ദ്യു​ത, സ​ങ്ക​ര ഇ​ന്ധ​ന വാ​ഹ​ന​ങ്ങ​ള്‍ പ്രോ​ത്സാ​ഹി​പ്പി​ക്കാ​ന്‍ ല​ക്ഷ്യ​മി​ടു​ന്ന പ​ദ്ധ​തി​യാ​ണ് ഫെ​യിം ഇ​ന്ത്യ. 2015ല്‍ ​പ​രി​സ്ഥി​തി സൗ​ഹൃ​ദ വാ​ഹ​ന​ങ്ങ​ളു​ടെ വ്യാ​പ​ന​ത്തി​നാ​യാ​ണ് കേ​ന്ദ്ര സ​ര്‍ക്കാ​ര്‍ ഫാ​സ്റ്റ​ര്‍ അ​ഡോ​പ്ഷ​ന്‍ ആ​ന്‍ഡ് മാ​നു​ഫാ​ക്ച​റിം​ഗ് ഓ​ഫ് ഹൈ​ബ്രി​ഡ് ആ​ന്‍ഡ് ഇ​ല​ക്‌​ട്രി​ക് വെ​ഹി​ക്കി​ള്‍സ് ഇ​ന്ത്യ അ​ഥ​വാ ഫെ​യിം ഇ​ന്ത്യ പ​ദ്ധ​തി ന​ട​പ്പാ​ക്കി​യ​ത്. പ​ദ്ധ​തി പ്ര​കാ​ര​മു​ള്ള സ​ബ്‌​സി​ഡി പ്ര​തി​മാ​സ അ​ടി​സ്ഥാ​ന​ത്തി​ല്‍ സ​ര്‍ക്കാ​ര്‍ വാ​ഹ​ന നി​ര്‍മാ​താ​ക്ക​ള്‍ക്ക് ന​ല്കും.

2030നു​ള്ളി​ല്‍ രാ​ജ്യ​ത്തെ ഇ​ല​ക്‌​ട്രി​ക് വാ​ഹ​ന​ങ്ങ​ളു​ടെ എ​ണ്ണം 30 ശ​ത​മാ​ന​മാ​യി ഉ​യ​ര്‍ത്തു​ക​യാ​ണ് കേ​ന്ദ്ര​സ​ര്‍ക്കാ​ര്‍ പ​ദ്ധ​തി​യി​ലൂ​ടെ ല​ക്ഷ്യം വ​യ്ക്കു​ന്ന​ത്. ചാ​ര്‍ജിം​ഗ് സ്റ്റേ​ഷ​നു​ക​ള്‍ ഉ​ള്‍പ്പെ​ടെ​യു​ള്ള അ​ടി​സ്ഥാ​ന സൗ​ക​ര്യ​ങ്ങ​ളും ഉ​ട​ന്‍ ന​ട​പ്പി​ലാ​ക്കും.

രാജ്യത്തെ ഇലക്‌ട്രിക് കാറുകൾ

* ഹ്യു​ണ്ടാ​യ് കോ​ന ഇ​ല​ക്‌​ട്രി​ക്
* മ​ഹീ​ന്ദ്ര ഇ-​വെ​രി​റ്റോ
* മ​ഹീ​ന്ദ്ര ഇ2​ഒ
* ടാ​റ്റാ ടി​ഗോ​ർ ഇ​വി
* ആ​റ്റം മോ​ട്ടോ​ഴ്സ് ഗ്ര​ഫീ​ൻ 22 (വൈ​കാ​തെ എ​ത്തും)



ഇ​ന്ത്യ​ൻ സ്പേ​സ് റി​സ​ർ​ച്ച് ഓ​ർ​ഗ​നൈ​സേ​ഷ​ൻ (ഇ​സ്രോ) സൗ​രോ​ർ​ജ​ത്തി​ൽ പ്ര​വ​ർ​ത്തി​ക്കു​ന്ന ഇ​ല​ക്‌​ട്രി​ക് കാ​ർ പ​രീ​ക്ഷി​ച്ചി​രു​ന്നു. മാ​രു​തി ഒ​മ്‌​നി വാ​നി​ന്‍റെ റൂ​ഫി​ൽ സോ​ളാ​ർ പാ​ന​ൽ ഘ​ടി​പ്പി​ച്ചാ​യി​രു​ന്നു മോ​ഡി​ഫി​ക്കേ​ഷ​ൻ.

ഇലക്‌ട്രിക് സ്കൂ​ട്ട​റുകൾ

ഇ​ല​ക്‌​ട്രി​ക് സ്കൂ​ട്ട​റു​ക​ൾ നി​ര​ത്തി​ലെ​ത്തി​ക്കാ​ൻ നി​ര​വ​ധി ക​ന്പ​നി​ക​ൾ മു​ന്നോ​ട്ടു​വ​ന്നി​ട്ടു​ണ്ട്.



* ആ​ത​ർ എ​ന​ർ​ജി
* ബാ​റ്റ് റി
* ​കെ​എ​ൽ​ബി കൊ​മാ​കി
* ലൈ​റ്റ് എ​ക്സ് മോ​ട്ടോ​ഴ്സ്
* ആ​റ്റം മോ​ട്ടോ​ഴ്സ്
* അ​വ​ൻ മോ​ട്ടോ​ഴ്സ്
* ഹീ​റോ ഇ​ല​ക്‌​ട്രി​ക്
* ഗ്രീ​ൻ​ഡ്സൈ​ൻ ടെ​ക്
* സി​ൻ​സി​റോ ബി6
* ​ആം​പി​യ​ർ വെ​ഹി​ക്കി​ൾ​സ്
* സി​യോ​ൺ ഇ​ന്ത്യ
*22 മോ​ട്ടോ​ഴ്സ്
* അ​വേ​ര ന്യൂ ​ആ​ൻ​ഡ് റി​ന്യൂ​വ​ബി​ൾ എ​ന​ർ​ജി മോ​ട്ടോ കോ​ർ​പ്
* ഒ​കി​ന​വ ഓ​ട്ടോ​ടെ​ക്
* യോ​ബൈ​ക്ക്സ്
* ലോ​ഹി​യ ഓ​ട്ടോ ഇ​ൻ​ഡ​സ്ട്രീ​സ്
*പ​ലാ​റ്റി​നോ
* ബി​എ​സ്എ മോ​ട്ടോ​ഴ്സ്
* ത​ണ്ട​ർ വി​ൻ​ഡ്
* ബി​പി​ജി
*റെ​ക്സ്നാ​മോ
* ഷേ​മ ഇ-​വെ​ഹി​ക്കി​ൾ​സ് ആ​ൻ​ഡ് സോ​ളാ​ർ
* എ​ൻ​ഡി​എ​സ് എ​ക്കോ
* ഈ​ഥ​ർ
* ഡെ​ക്സ്റേ എ​ന്‍റ​ർ​പ്രൈ​സ​സ്
* വേ​ഡ് മോ​ട്ടോ​ഴ്സ്

മോ​ട്ടോ​ർ സൈ​ക്കി​ൾ



* ആ​ത​ർ എ​ന​ർ​ജി
* ആ​റ്റം മോ​ട്ടോ​ഴ്സ്
* എ​സ്‌​വി​എം ബൈ​ക്ക്സ്
* എ​ർ​ത്ത് എ​ന​ർ​ജി ഇ​വി
* ടോ​ർ​ക്ക് മോ​ട്ടോ​ഴ്സ്
* എം​ഫ്ല​ക്സ് മോ​ട്ടോ​ഴ്സ്
* മെ​ൻ​സ മോ​ട്ടോ​ഴ്സ്
* ഒ​കെ പ്ലേ
* ​റെ​ക്സ്നാ​മോ
* ആ​ൾ​ട്രാ​വ​യ​ല​റ്റ് ഓ​ട്ടോ​മോ​ട്ടീ​വ്
* ഡാ​ർ​വി​ൻ
* റെ​വോ​ൾ​ട്ട് മോ​ട്ടോ​ഴ്സ്
* ഒ​ർ​ക്സാ എ​ന​ർ​ജീ​സ്
* ഗ്രീ​ൻ​വോ​ൾ​ട്ട് മൊ​ബി​ലി​റ്റി

ബ​സ്

രാ​ജ്യ​ത്ത് ആ​ദ്യ​മാ​യി ഇ​ല​ക്‌​ട്രി​ക് ബ​സ് അ​വ​ത​രി​പ്പി​ച്ച​ത് ബംഗളൂരു മെ​ട്രോ​പൊ​ളി​റ്റ​ൻ ട്രാ​ൻ​സ്പോ​ർ​ട്ട് കോ​ർ​പ​റേ​ഷ​നാ​ണ് (ബി​എം​ടി​സി). 2014 ഫെ​ബ്രു​വ​രി​യി​ൽ അ​വ​ത​രി​പ്പി​ച്ച വാ​ഹ​ന​ത്തി​ന് 12 മീ​റ്റ​ർ നീ​ള​വും 32 യാ​ത്ര​ക്കാ​രെ വ​ഹി​ക്കാ​നു​ള്ള ശേ​ഷി​യു​മാ​ണ് ഉ​ണ്ടാ​യി​രു​ന്ന​ത്. പൂ​ർ​ണ ചാ​ർ​ജി​ൽ 250 കി​ലോ​മീ​റ്റ​ർ ദൂ​രം സ​ഞ്ച​രി​ക്കും. ചൈ​നീ​സ് കോ​ച്ച് ക​ന്പ​നി​യാ​യ ബി​വൈ​ഡി ആ​ണ് 2.7 കോ​ടി രൂ​പ​യ്ക്ക് ഈ ​വാ​ഹ​നം നി​ർ​മി​ച്ചു​ന​ല്കി​യ​ത്.



* 2016 ഒ​ക്‌​ടോ​ബ​റി​ൽ അ​ശോ​ക് ലെ​യ്‌​ലാ​ൻ​ഡ് ഇ​ല​ക്‌​ട്രി​ക് ബ​സ് അ​വ​ത​രി​പ്പി​ച്ചു.
* 2017 ജ​നു​വ​രി​യി​ൽ ടാ​റ്റാ മോ​ട്ടോ​ഴ്സ് സ്റ്റാ​ർ​ബ​സ് ഇ​ല​ക്‌​ട്രി​ക് 9എം ​എ​ന്ന​ പേ​രി​ൽ ഇ​ല​ക്‌​ട്രി​ക് ബ​സും സ്റ്റാ​ർ ബ​സ് ഇ​ല​ക്‌​ട്രി​ക് 12എം ​എ​ന്ന ഹൈ​ബ്രി​ഡ് ബ​സും പു​റ​ത്തി​റ​ക്കി.
* 2017 സെ​പ്റ്റം​ബ​റി​ൽ ഗോ​ൾ​ഡ് സ്റ്റോ​ൺ ഇ​ൻ​ഫോ​ടെ​ക് ഹി​മാ​ച​ൽ പ്ര​ദേ​ശ് ട്രാ​ൻ​സ്പോ​ർ​ട്ട് കോ​ർ​പ​റേ​ഷ​ന് 25 ഇ​ല​ക്‌​ട്രി​ക് ബ​സു​ക​ൾ കൈ​മാ​റി.
* 2018 മാ​ർ​ച്ചി​ൽ 25 സ്റ്റാ​ർ​ബ​സ് ഹൈ​ബ്രി​ഡ് ഇ​ല​ക്‌​ട്രി​ക് ബ​സു​ക​ൾ മ​ഹാ​രാ​ഷ്‌​ട്ര​യ്ക്ക് ന​ല്കി.

അഞ്ജലി അനിൽകുമാർ
ADVERTISEMENT
ശ്ശൊ! ഇങ്ങനെ പേടിച്ചാലോ
ത​​നി​​ക്ക് ചു​​റ്റും കാ​​ണുന്ന പ​​ല​​തിനെയും പേ​​ടി​​യോ​​ടെ നോ​​ക്കി​​ക്കാണു​​ന്ന​​വ​​രാ​​ണ് മ​​നു​​ഷ്യ​​ർ. കൂ​​ട്ടു​​കാ​​രു​​ടെ കാ​​ര്യം ത​​ന്നെ​​
പത്രം നമ്മുടെ പ്രിയമിത്രം
രാ​​വി​​ലെ ചൂ​​ടു​​കാ​​പ്പി​​ക്കൊ​​പ്പം അ​​ന്ന​​ത്തെ ദി​​ന​​പ​​ത്രം മ​​ല​​യാ​​ളി​​ക്കു നിർബന്ധമാണ്. വ​​ർ​​ത്ത​​മാ​​ന പ​​ത്ര​​ങ്ങ​​ൾ എ​​ന്നു വി​​ളി​
രാത്രിയിലെ യാത്രക്കാർ
ന​​മ്മ​ൾ വാ​യി​ച്ച ക​ഥ​ക​ളി​ൽ സ്ഥി​ര​മാ​യി വ​രു​ന്ന ചി​ല ക​ഥാ​പാ​ത്ര​ങ്ങ​ളു​ണ്ട്. കൗ​ശ​ല​ക്കാ​ര​ൻ കാ​ക്ക, ക​ള്ളി കു​യി​ല​മ്മ, കൗ​ശ​ല​വീ​ര​ൻ കു​റു​ക്ക​
കഥകളുടെ സുൽത്താൻ
മ​​ല​​യാ​​ള​ സാ​​ഹി​​ത്യ​​ത്തി​​ന്‍റെ ന​​ടു​​മു​​റ്റ​​ത്ത്, മാം​​ഗോ​​സ്റ്റി​​ൻ മ​​ര​​ച്ചു​​വ​​ട്ടി​​ൽ സൈ​​ഗാ​​ളി​​ന്‍റെ​​യും പ​​ങ്ക​​ജ് മ​​ല്ലി​​ക്കി
പ്ലാസ്റ്റിക്കേ വിട
പ്ലാ​​സ്റ്റി​​ക്കിന്‍റെ ആ​​ധി​​ക്യം പ​​രി​​സ്ഥി​​തി​​ക്കു​​ണ്ടാ​​ക്കു​​ന്ന ആ​​ഘാ​​തം അ​​പ​​രി​​ഹാര്യമാ​​യ ദു​​രി​​ത​​ങ്ങ​​ൾ​​ക്ക് വ​​ഴി​​വ​​യ്ക്കു​​ന്
അമ്പന്പോ ! അണക്കെട്ട്...
2018ലെ ​​അ​​തി​​ഭ​​യാ​​ന​​ക​​മാ​​യ ​പ്ര​​ള​​യ​​ത്തി​​ന്‍റെ ന​ടു​ക്കു​ന്ന ഓ​ർ​മ​ക​ളി​ൽ നി​ന്ന് ഇ​​ന്നും മ​ല​യാ​ളി​ക​ൾ പു​റ​ത്തു​വ​ന്നി​ട്ടി​ല്ല. ഇ​ടു​
ഇന്ത്യയുടെ പാൽക്കാരൻ
ഒ​​രി​​ക്ക​​ലെ​​ങ്കി​​ലും അ​​മുൽ ഐ​​സ്ക്രീം ക​​ഴി​​ക്കാ​​ത്ത​​വ​​രു​​ണ്ടാ​​കി​​ല്ല. അ​​മുലി​​ന്‍റെ മ​​നോ​​ഹ​​ര​​മാ​​യ പ​​ര​​സ്യ ചി​​ത്ര​​ങ്ങ​​ൾ കാ​​ണ
കളിക്കാം രസിക്കാം
“​മ​​നു​​വി​​ന് വ​​ലു​​താ​​കു​​ന്പോ​​ൾ ആ​​രാ​​കാ​​നാ​​ണ് ആ​​ഗ്ര​​ഹം?​’’ അച്ഛന്‍റെ സുഹൃത്ത് മ​​നു​​വി​​നോ​​ട് ചോ​​ദി​​ച്ചു. “​എ​​നി​​ക്ക് പ​​ട്ടാ​​
ബൈ ബൈ ജങ്ക് ഫുഡ്സ്
സ്കൂ​ൾ വി​ട്ട് ബേ​ക്ക​റി​യി​ലേ​ക്ക് കയറാനൊ​രു​ങ്ങി​യ അ​പ്പു​ക്കു​ട്ട​നെ തോ​മ​സ് മാ​ഷ് കൈ​യോ​ടെ പി​ടി​കൂ​ടി.

എ​ങ്ങോ​ട്ടാ ഓ​ട്ടം? മാ​ഷ് ചോ​ദ
കൂട്ടുകൂടാം... കടലാസുകലയോട്...
വെ​​റു​​തെ​​യി​​രി​​ക്കു​​ന്പോ​​ൾ ഒ​​രു ക​​ട​​ലാ​​സു ക​​ഷ്ണം കൈ​​യി​​ൽ കി​​ട്ടി​​യാ​​ൽ അ​​തി​​നെ മ​​ട​​ക്കി ഒ​​ടി​​ച്ച് എ​​ന്തെ​​ങ്കി​​ലു​​മൊ​​രു രൂ
മൺസൂൺ ഡേയ്സ്
പി​റ​ന്നാ​ളി​നു പു​ത്ത​നു​ടു​പ്പി​ട്ട് സ്കൂ​ളി​ലേ​ക്കു പോ​കാ​ൻ ത​യാ​റാ​യി നി​ൽ​ക്കു​ക​യാ​യി​രു​ന്നു ഉ​ണ്ണി​ക്കു​ട്ട​ൻ. വീ​ട്ടി​ൽ നി​ന്ന് ഇ​റ​ങ്ങാ​ൻ തു
മരുഭൂമികൾ കഥപറയുമ്പോൾ
മ​രു​ഭൂ​മി​യെ​ന്നു കേ​ൾ​ക്കു​ന്പോ​ൾ കൂ​ട്ടു​കാ​രു​ടെ ഉ​ള്ളി​ലേ​ക്ക് ആ​ദ്യ​മെ​ത്തു​ന്ന ചി​ത്രം ഏ​താ​ണ്. ക​ത്തി​ജ്വ​ലി​ക്കു​ന്ന സൂ​ര്യ​നും ചു​ട്ടു പൊ​ള
മേൽവിലാസം ശരിയാണ്
പു​​ഴ​​ക്ക​​ര​​യി​​ലു​​ള്ള അ​​ല​​ക്കു​​ക​​ല്ലി​​ന്മേ​​ല്‍ ത​​ങ്കി​​യ​​മ്മ​​യ്ക്ക് കൂ​​ട്ടി​​രി​​ക്കു​​മ്പോ​​ഴാ​​യി​​രു​​ന്നു പോ​​സ്റ്റ്മാ​​ന്‍ കു​​ട്ട
മഹാ നദികൾ
പ​ല ദേ​ശ​ങ്ങ​ളി​ലൂ​ടെ​യും സം​സ്കാ​ര​ങ്ങ​ളി​ലൂ​ടെ​യും ക​ട​ന്നു​സ​ഞ്ച​രി​ക്കു​ന്പോ​ഴാ​ണ് ഒാ​രോ ന​ദി പേ​രും പെ​രു​മ​യും നേ​ടു​ക. മ​നു​ഷ്യ​സം​സ്കാ​ര​ങ്ങ​
ഭൂമിയുടെ ശ്വാസകോശം കത്തുന്നു
ഭൂ​മി​യു​ടെ ശ്വ​സ​കോ​ശം ക​ത്തി​യെ​രി​യാ​ന്‍ തു​ട​ങ്ങി​യി​ട്ട് ആ​ഴ്ച​ക​ള്‍ പി​ന്നി​ട്ടി​രി​ക്കു​ന്നു. ഇ​ന്നും ആ​മ​സോ​ണി​ല്‍ തീ​യ​ട​ങ്ങി​യി​ട്ടി​ല്ല. ലോ
ഭൂമിയെ ഉരുക്കുന്ന ആഗോളതപനം
ആ​ഗോ​ള​ത​പ​നം എ​ന്ന പ​ദം ക​ണ്ടെ​ത്തു​ക​യും അ​തി​നെ​ക്കു​റി​ച്ചു​ള്ള അ​വ​ബോ​ധം ലോ​ക​മെ​ങ്ങും വ​ള​ർ​ത്തു​ന്ന​തി​ൽ അ​തി​നി​ർ​ണാ​യ​ക പ​ങ്കു​വ​ഹി​ക്കു​ക
നമ്മുടെ മീനുകൾ
കേ​ര​ള​ത്തി​ലെ 44 ന​ദി​ക​ളി​ലും പോ​ഷ​ക ന​ദി​ക​ളി​ലും കാ​യ​ലു​ക​ളി​ലും ത​ടാ​ക​ങ്ങ​ളി​ലു​മാ​യി ഇ​രു​നൂ​റി​ല​ധി​കം ഇ​ന​ങ്ങ​ൾ ശു​ദ്ധ​ജ​ല​മ​ത്സ്യ​ങ്ങ​
സ്മൈൽ പ്ലീസ്
കൂ​​ട്ടു​​കാ​​രെ​​ല്ലാ​​വ​​രും ത​​ന്നെ അ​​ച്ഛ​​ന്‍റെ​​യോ അ​​മ്മ​​യു​​ടെ​​യോ മൊ​​ബൈ​​ല്‍​ഫോ​​ണു​​ക​​ളി​​ലും ടാ​​ബു​​ക​​ളി​​ലു​​മെ​​ല്ലാം ഫോ​​ട്ടോ എ​​ടു
ലയൺ കിംഗ്
കാ​ട്ടി​ലെ ശ​ക്തി​മാ​നാ​യ രാ​ജാ​വ് നി​ല​നി​ൽ​പ്പി​നാ​യി പോ​രാ​ടു​ന്ന ക​ഥ​യാ​ണ് ഇ​ന്ന് ഉയർന്നുവരുന്നത്. ഗുജറാത്തിലെ ഗീ​ർ വ​ന​ത്തി​ൽ അ​ടു​ത്തി​ടെ നി​ര​വ
തീതുപ്പുന്ന അഗ്നിപർവതങ്ങൾ
അഗ്നിപർവതങ്ങളെക്കുറിച്ചും അഗ്നിപർവ വിസ്ഫോടനങ്ങളെക്കുറിച്ചുമൊക്കെ കൂട്ടുകാർ വാർത്തകളിൽ കണ്ടിട്ടുണ്ടാകും. എന്നാൽ, നാം കാണുകയും വായിക്കുകയും ചെയ്യുന്ന
ചന്ദ്രയാനം
ഓ​ര്‍​ബി​റ്റ​ര്‍

ച​ന്ദ്ര​നി​ലി​റ​ങ്ങാ​തെ ഭ്ര​മ​ണം ചെ​യ്യു​ന്ന ഉ​പ​ഗ്ര​ഹം. വി​വ​ര​ശേ​ഖ​ര​ണ​വും അ​വ ഭൂ​മി​യി​ലെ​ത്തി​ക്കു​ക​യു​മാ​ണ് പ്ര​ധാ​ന
ഇവൻ പുലിയാണ്
ഇ​​ന്ത്യ​​യി​​ല്‍ പു​​ലി​​ക​​ള്‍ ചാ​​കു​​ന്ന​​തി​ന്‍റെ നി​​ര​​ക്ക് ആ​​ശ​​ങ്ക​​പ്പെ​​ടു​​ത്തും വി​​ധം വ​​ര്‍​ധി​​ക്കു​​ന്നു എ​​ന്ന വാ​​ര്‍​ത്ത കൂ​​ട്ടു
തുള്ളിക്കൊരു കുടം
പു​ത്ത​ൻ യൂ​ണി​ഫോ​മും കു​ട​യും ബാ​ഗും അ​തി​ൽ നി​റ​യെ പു​സ്ത​ക​ങ്ങ​ളു​മൊ​ക്കെ​യാ​യി ജൂ​ണ്‍ മാ​സ​ത്തി​ലെ പ്ര​ഭാ​ത​ങ്ങ​ളി​ൽ സ്കൂ​ളി​ലേ​ക്ക് പോ​കാ​ൻ ഒ​
വേണം പുതിയ ആകാശവും ഭൂമിയും
ന​​​മ്മു​​​ടെ നീ​​​ല​​​ഗ്ര​​​ഹ​​​ത്തെ​​​യും അ​​​തി​​​ന്‍റെ പ​​​രി​​​സ്ഥി​​​തി​​​യെ​​​യും സം​​​ര​​​ക്ഷി​​​ക്കാ​​​നു​​​ള്ള ന​​​മ്മു​​​ടെ ക​​​ർ​​​ത്ത​​​വ
വർണങ്ങൾ വിതറി
ഒ​ന്ന് ഓ​ർ​ത്തുനോ​ക്കൂ... ഒ​രു ദി​വ​സം ചു​റ്റു​മു​ള്ള വ​സ്തു​ക്ക​ളു​ടെ​യെ​ല്ലാം നി​റം ക​റു​പ്പോ വെ​ളു​പ്പോ മാ​ത്ര​മാ​യി മാ​റി​യാ​ൽ എ​ന്താ​യി​രി​ക്ക
നേരറിയാൻ
ശാ​ര​ദ ചി​ട്ടി ത​ട്ടി​പ്പു കേ​സു​മാ​യി ബ​ന്ധ​പ്പെ​ട്ട് കോ​ൽ​ക്ക​ത്ത പോ​ലീ​സ് ക​മ്മീ​ഷ്ണ​റെ ചോ​ദ്യം ചെ​യ്യാ​ൻ സി​ബി​ഐ ഉ​ദ്യോ​ഗ​സ്ഥ​ർ എ​ത്തി​യ​തും അ​വ​ര
ഭ്രമിപ്പിക്കും പരസ്യം
ഓ​രോ ദി​വ​സ​വും വ്യ​ത്യ​സ്ത ബ്രാ​ൻ​ഡു​ക​ളു​ടെ എ​ണ്ണ​മ​റ്റ പ​ര​സ്യ​ങ്ങ​ളാ​ണ് ന​മ്മു​ടെ ക​ണ്ണി​ന് മു​ന്നി​ലൂ​ടെ ക​ട​ന്നു​പോ​കു​ന്ന​ത്. എ​വി​ടേ​ക്കു തി
വായിക്കാം ക്ലാസിക്കുകൾ
ക്ലാ​സി​ക്കു​ക​ൾ എ​ന്ന വാ​ക്ക് കൂ​ട്ടു​കാ​ർ നി​ര​ന്ത​രം കേ​ൾ​ക്കു​ന്നു​ണ്ടാ​വും. സാ​ഹി​ത്യ​ത്തി​ലും, സി​നി​മ​യി​ലും, മ​റ്റു ക​ലാ​രൂ​പ​ങ്ങ​ളി​ലു​മൊ​ക്
പാലം കടക്കുവോളം
പാ​ല​ങ്ങ​ളെ​ക്കു​റി​ച്ചു മ​ന​സി​ലാ​ക്കാ​തെ മ​നു​ഷ്യ​ന്‍റെ പു​രോ​ഗ​തി​യി​ലേ​ക്കു​ള്ള യാ​ത്ര പൂ​ർ​ണ​മാ​കി​ല്ല. പാ​ല​ങ്ങ​ൾ പു​രാ​ത​ന​കാ​ലം, പി​ന്നി​ട്ട
കോളാർ: ഇന്ത്യയുടെ സ്വർണനഗരം
കോ​ളാർ സ്വ​ർ​ണഖ​നി

ച​രി​ത്രാ​തീ​ത കാ​ല​ങ്ങ​ൾ​ക്കു മു​ന്പേ അ​റി​യ​പ്പെ​ട്ടി​രു​ന്ന അ​മൂ​ല്യ​ലോ​ഹ​മാ​ണ​ല്ലോ സ്വ​ർ​ണം. ച​രി​ത്രം പ​രി​ശോ​ധി
ADVERTISEMENT
ADVERTISEMENT
LATEST NEWS
ADVERTISEMENT
Quick Links
About Us Deepika E-Paper E-Shopping Karshakan Rashtradeepika Movies Tech @ Deepika
Business Deepika Viral Tax Letters University News Auto Spot Cartoon Scope
Matrimonial Special News Special Feature Calendar Samskarikam Career Deepika English Edition
Deepika Charity Health Sthreedhanam Responses Daily Quiz Youth Special Court Notice
Kuttikalude Deepika Deepika News Videos Out of Range US News Gulf News Student Reporter Classifieds
Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]